CNI Sport News
၂၀၂၄ ခုနှစ်၊ သြဂုတ် ၂၀
လက်စတာစီးတီးအသင်းဟာ စပါးအသင်း ကစားသမား အိုလီဗာစကီးကို အပြီးသတ် ခေါ်ယူဖို့ သဘောတူညီမှု ရရှိခဲ့ပြီ ဖြစ်ပါတယ်။
အသက် ၂၃ နှစ်အရွယ် ကွင်းလယ်ကစားသမား အိုလီဗာစကီးဟာ သြဂုတ် ၁၈ ရက်နေ့မှာ ဆေးစစ်မှု ခံယူမည် ဖြစ်ပါတယ်။ ဆေးစစ်မှု ခံယူပြီးပါက ပြောင်းရွှေ့ကြေး ပေါင်သန်း ၂၀ ကျော်နဲ့ ပြောင်းရွှေ့ဖို့ စီစဥ်ထားတာပါ။
စကီးဟာ ပြီးခဲ့တဲ့ရာသီက စပါးအသင်းအတွက် ပြိုင်ပွဲစုံ ၂၄ ပွဲ ကစားပေးထားပါတယ်။
စပါးအသင်းရဲ့ အကယ်ဒမီထွက် အိုလီဗာစကီးဟာ စပါးအသင်းနဲ့ စာချုပ်သက်တမ်းမှာ ၂၀၂၇ ခုနှစ်အထိ ရှိထားပါတယ်။
၂၀၁၈ ခုနှစ်မှာ ပထမဆုံး အသင်းကို ဝင်ရောက်လာခဲ့ပြီး အသင်းအတွက် ၁၀၆ ပွဲ ကစားပေးထားတာပါ။
အိုလီဗာစကီးကို တွေ့ရစဥ်
စကီးဟာ ၂၀၂၀-၂၁ ရာသီမှာ နော်ဝစ်ချ်စီးတီးအသင်းကို အငှားနဲ့ သွားရောက်ခဲ့ပြီး ချန်ပီယံရှစ်အသင်း အတွက် လည်း ၄၇ ပွဲ ကစားပေးခဲ့တာ ဖြစ်ပါတယ်။
စပါးအသင်းဟာ အီမိုင်-ဟုဂျ်ဘက်ဂျ် ထွက်ခွာသွားပြီးနောက် အခုနွေရာသီမှာ လိဒ်အသင်းမှ အာချီးဂရေးကို ခေါ်ယူပြီး ကွင်းလယ်ကို အားဖြည့်ထားတာ ဖြစ်ပါတယ်။
လက်စတာအသင်းကို ပြောင်းရွှေ့ပါက စကီးဟာ လက်စတာအသင်းနည်းပြ စတီးဗ်ကူးပါးရဲ့ ကွင်းလယ် ကစားကွက်မှာ စပါးအသင်း အကယ်ဒမီထွက် ဟယ်ရီဝင့်ခ်စ်နဲ့အတူ တွဲဖက်ကစားရမှာဖြစ်ပါတယ်။
စပါးအသင်းနဲ့ လက်စတာအသင်းတို့ဟာ တနင်္လာနေ့မှာ ပရီးမီးယားလိဂ် ရာသီအဖွင့်ပွဲစဥ်အဖြစ် တွေ့ဆုံမှာ ဖြစ်ပါတယ်။
Source: The Athletic
