CNI Sport News
၂၀၂၆ ခုနှစ်၊ ဧပြီ ၂၇
စပါးအသင်း ကြယ်ပွင့် ဇာဗီဆိုင်မွန်ဟာ ပြင်းထန်တဲ့ ဒူးဒဏ်ရာကြောင့် ကမ္ဘာ့ဖလားပြိုင်ပွဲမှာ နယ်သာလန် အသင်းအတွက် မပါဝင်နိုင်တော့ဘူးလို့ ပြောခဲ့ပါတယ်။
ဇာဗီဆိုင်မွန်ဟာ စပါးအသင်းက ဝုလ်ဗ်စ်အသင်းကို ၁ ဂိုး-ဂိုးမရှိနဲ့ အနိုင်ရခဲ့တဲ့ ပရီးမီးယားလိဂ်ပွဲမှာ ဒဏ်ရာ ရခဲ့တဲ့အတွက် ပွဲချိန်မိနစ် ၆၀ ကျော်မှာ ထမ်းစင်နဲ့ ကွင်းထဲကနေ ထွက်ခွာခဲ့ရတာပါ။
အစောပိုင်း သတင်းတွေအရ ဇာဗီဆိုင်မွန်ဟာ သူ့ရဲ့ညာဘက်ဒူးမှာ အရွတ်ဒဏ်ရာ(ACL)ရရှိသွားခဲ့တယ်လို့ ဖော်ပြထားပါတယ်။
အခုအချိန်မှာတော့ ဇာဗီဆိုင်မွန်က သူ့ရဲ့ရာသီ အဆုံးသတ်သွားပြီဖြစ်သလို နွေရာသီမှာ နိုင်ငံအသင်းကို ကိုယ်စားပြုခွင့်လည်း အဆုံးသတ်သွားပြီလို့ သူ့ရဲ့ Instagram မှာ ရေးသားခဲ့ပါတယ်။
ဇာဗီဆိုင်မွန်က “ဘဝက ရက်စက်ကြမ်းကြုတ် နိုင်တယ်လို့ ပြောကြပြီး ဒီနေ့မှာ ဒါကို ခံစားခဲ့ရပါတယ်။ ရိုးရိုး သားသား ပြောရရင် ကျနော်ကြေကွဲနေပြီး ကျနော်ဟာ အသင်းအတွက် တိုက်ပွဲချင်တာပါ။ အခုတော့ ကမ္ဘာ့ဖလား ပြိုင်ပွဲနဲ့အတူ ဒီလိုလုပ်ချင်တဲ့ အရာကို ကျနော့်ဆီကနေ လုယူသွားခဲ့ပါပြီ။ နွေရာသီမှာ ကျနော့်နိုင်ငံကို ကိုယ်စား ပြုဖို့က ပြီးဆုံးသွားပြီ”လို့ ရေးသားခဲ့တာ ဖြစ်ပါတယ်။
ဇာဗီဆိုင်မွန်ကိုတွေ့ရစဉ်
၂၀၂၂ ခုနှစ်မှာ နယ်သာလန်အသင်းအတွက် ပွဲဦးထွက်ခဲ့တဲ့ ဇာဗီဆိုင်မွန်ဟာ လက်ရွေးစင်အသင်းမှာ အဓိက ကစားသမားအဖြစ် ပါဝင်နေရတာပါ။
အသက် ၂၃ နှစ်အရွယ်ရှိ ဇာဗီဆိုင်မွန်ဟာ နယ်သာလန်အသင်းအတွက် ၃၄ ပွဲ ကစားထားပြီး ၆ ဂိုး သွင်းယူထား ပါတယ်။
ဇာဗီဆိုင်မွန်ရဲ့ ဒဏ်ရာဟာ ပရီးမီးယားလိဂ်မှာ တန်းဆင်းဇုန်ကနေ လွတ်မြောက်ဖို့ ရုန်းကန်နေရတဲ့ စပါးအသင်း အတွက် ကြီးမားတဲ့ ထိုးနှက်ချက် ဖြစ်ခဲ့တာပါ။
စပါးအသင်းဟာ အဆင့် ၁၈ နေရာမှာ ရပ်တည်နေပြီး အဆင့် ၁၇ နေရာက ဝက်စ်ဟမ်းအသင်းနဲ့ ၂ မှတ် ကွာဟနေ ပါတယ်။
စပါးအသင်းဟာ လာမယ့် ပရီးမီးယားလိဂ်ပွဲအဖြစ် အက်စတွန်ဗီလာအသင်းနဲ့ ယှဉ်ပြိုင်ရမှာ ဖြစ်ပါတယ်။
Source: CNA
