CNI Sport News
၂၀၂၅ ခုနှစ်၊ ဒီဇင်ဘာ ၉
၂၀၂၆ ကမ္ဘာ့ဖလားပြိုင်ပွဲရဲ့ ပွဲစဉ်အားလုံးမှာ တစ်ပိုင်းစီကို ၃ မိနစ်ကြာ ရေဓာတ်ဖြည့် နားချိန်ပါဝင်မယ်လို့ ကမ္ဘာ့ဘောလုံးအဖွဲ့ချုပ်(ဖီဖာ)က ကြေညာခဲ့ပါတယ်။
ဖီဖာဟာ ကစားသမားတွေရဲ့ ကျန်းမာရေးကို ဂရုစိုက်တဲ့အနေနဲ့ ရာသီဥတု အခြေအနေ ဘယ်လိုပဲဖြစ်ဖြစ် အသင်းအားလုံးအတွက် ပွဲစဉ်အားလုံးမှာ တန်းတူ အခြေအနေ ဖြစ်စေဖို့ အခုလို လုပ်ဆောင်ဖို့ စီစဉ်ခဲ့တာပါ။
ကစားသမားတွေ ရေဓာတ် ပြန်လည်ဖြည့်နိုင်ဖို့အတွက် ဒိုင်လူကြီးဟာ ပွဲချိန်တစ်ပိုင်းစီရဲ့ ၂၂ မိနစ်တိုင်းမှာ ပွဲကို ရပ်တန့်ပြီး ၃ မိနစ်ကြာ အနားပေးမှာဖြစ်ပါတယ်။
အမေရိကန်၊ မက္ကဆီကိုနဲ့ ကနေဒါနိုင်ငံတို့က ပူးတွဲအိမ်ရှင်အဖြစ် ကျင်းပမယ့် ၂၀၂၆ ကမ္ဘာ့ဖလားပြိုင်ပွဲမှာ အပူချိန် မြင့်မားခြင်း၊ တောမီးလောင်ကျွမ်းခြင်းနဲ့ ဟာရီကိန်း မုန်တိုင်းတွေဟာ အသင်းတွေ၊ ပရိသတ်တွေနဲ့ အားကစား ကွင်းရှိ ဝန်ထမ်းတွေကို ထိခိုက်မှုရှိနိုင်တယ်လို့ ကျွမ်းကျင်သူတွေက သုံးသပ်ထားပါတယ်။
ပရိသတ်တွေကိုတွေ့ရစဉ်
နွေရာသီမှာ ကျင်းပခဲ့တဲ့ ဖီဖာကလပ် ကမ္ဘာ့ဖလားပြိုင်ပွဲမှာ ပွဲစဉ်တွေကို အလွန်ပူပြင်းတဲ့ အချိန်တွေမှာ ကျင်းပခဲ့ တာကြောင့် ကစားသမားတွေနဲ့ နည်းပြတွေရဲ့ ဝေဖန်မှုတွေ ထွက်ပေါ်လာခဲ့ပါတယ်။
ချယ်လ်ဆီးအသင်း ကွင်းလယ်လူ အန်ဇိုဖာနန်ဒက်ဇ်က အလွန်အန္တရာယ်များတဲ့ အပူဒဏ်ကြောင့် ကစားနေချိန်မှာ မူးဝေသလို ခံစားခဲ့ရတယ်လို့ ပြောခဲ့တာပါ။
အင်္ဂလန်အသင်းနည်းပြ တူချယ်လ်က အပူချိန်မြင့်မားမှုကြောင့် ဖြစ်လာနိုင်တဲ့ အခြေအနေတွေအတွက် သူ့ရဲ့ အရန် ကစားသမားတွေကို ပွဲအတွင်း အဝတ်လဲခန်းထဲမှာ နေခိုင်းနိုင်တယ်လို့ ပြီးခဲ့တဲ့အပတ်မှာ ပြောခဲ့ပါတယ်။
အပူချိန်ကြောင့် ၂၀၂၆ ကမ္ဘာ့ဖလားပြိုင်ပွဲမှာ ပွဲကစားချိန်တွေကို မတူညီတဲ့ ၁၃ ကြိမ် အသုံးပြုသွားမှာလည်း ဖြစ်ပါတယ်။
Source: BBC
