CNI Sport News
၂၀၂၅ ခုနှစ်၊ ဩဂုတ် ၂၉
လက်စတာအသင်း တိုက်စစ်မှူးဟောင်း ဂျေမီဗာဒီဟာ စီးရီးအေကလပ် ခရီမိုနီစီအသင်းထံ ပြောင်းရွှေ့ဖို့ နီးစပ် နေပြီး ဆွေးနွေးညှိနှိုင်းမှုတွေဟာ နောက်ဆုံးအဆင့်ကို ရောက်ရှိနေပြီဖြစ်ပါတယ်။
ဂျေမီဗာဒီဟာ ပြီးခဲ့တဲ့ရာသီအကုန်မှာ လက်စတာအသင်းနဲ့ စာချုပ်ကုန်ဆုံးခဲ့ပြီးနောက် အသင်းလက်မဲ့ ဖြစ်နေ တာပါ။
အင်္ဂလန်အသင်း တိုက်စစ်မှူးဟောင်းဟာ မကြာသေးမီက စီးရီးအေ လက်ရှိချန်ပီယံ နာပိုလီအသင်းအပြင် အသင်းအချို့နဲ့ အပြောင်းအရွှေ့ သတင်းတွေ ထွက်ခဲ့ပါတယ်။
ဒါပေမယ့် ခရီမိုနီစီအသင်းဟာ ဂျေမီဗာဒီကို အသင်းထံ လာရောက်ဖို့ ဆွဲဆောင်နိုင်ခဲ့ပြီး ဂျာနယ်လစ် တစ်ဦးဖြစ်သူ ဒီမာဇီယိုက ဒီအပြောင်းအရွှေ့ ဖြစ်မြောက်ဖို့ နောက်ဆုံးအဆင့် ရောက်ရှိနေပြီလို့ ဖော်ပြခဲ့ပါတယ်။
လက်စတာအသင်းမှာ ၁၃ နှစ်ကြာ ကစားခဲ့တဲ့ ဂျေမီဗာဒီဟာ ဒီအပြောင်းအရွှေ့ဖြစ်ခဲ့ရင် ကစားသမားဘဝ ပထမဆုံးအကြိမ် အင်္ဂလန်ပြင်ပ ကလပ်အသင်းမှာ ကစားဖို့ဖြစ်လာမှာပါ။
ဂျေမီဗာဒီဟာ လက်စတာအသင်းအတွက် ပြိုင်ပွဲစုံပွဲပေါင်း ၅၀၀ ပါဝင်ကစားခဲ့ပြီး သွင်းဂိုး ၂၀၀ ပြည့်ခဲ့တဲ့ မှတ်တမ်းကောင်းကို ပိုင်ဆိုင်ထားတာ ဖြစ်ပါတယ်။
ဂျေမီဗာဒီကို တွေ့ရစဉ်
စီးရီးဘီကနေ စီးရီးအေပြိုင်ပွဲထံ တန်းပြန်တက်လာခဲ့တဲ့ ခရီမိုနီစီအသင်းဟာ ဒီနွေရာသီ အပြောင်းအရွှေ့မှာ အသင်းလူစာရင်း အင်အားတောင့်တင်းအောင် အားဖြည့်ထားတာပါ။
ခရီမိုနီစီဟာ စီးရီးအေရာသီ အဖွင့်ပွဲစဉ်မှာ ထိပ်သီးကလပ် အေစီမီလန်အသင်းကို အဝေးကွင်းမှာ အနိုင်ယူပြီး အားလုံးကို အံ့အားသင့်အောင် လုပ်ပြထားပါတယ်။
ခရီမိုနီစီအသင်းဟာ စီးရီးအေပွဲစဉ် ၂ အဖြစ် ဆက်ဆူအိုလိုအသင်းကို အိမ်ကွင်းယှဉ်ပြိုင်ရမှာ ဖြစ်ပါတယ်။
ခရီမိုနီစီအသင်းဟာ ဂျေမီဗာဒီရဲ့ အပြောင်းအရွှေ့ကို စက်တင်ဘာ နိုင်ငံတကာပွဲစဉ်တွေ ယှဉ်ပြိုင်ကစားချိန်မှာ အပြီးသတ်နိုင်ဖို့ လုပ်ဆောင်မှာပါ။
ဂျေမီဗာဒီအနေနဲ့ နိုင်ငံတကာ ပွဲစဉ်တွေအပြီး ပြန်ကစားမယ့် ဗီရိုနာအသင်းနဲ့ပွဲစဉ်မှာ ခရီမိုနီစီအသင်းအတွက် ပွဲဦးထွက်အဖြစ် ပါဝင်လာနိုင်တာဖြစ်ပါတယ်။
Source: Goal
