CNI Sport News
၂၀၂၅ ခုနှစ်၊ ဩဂုတ် ၃၀
အီတလီအာဏာရှင် မူဆိုလီနီရဲ့ မြစ်ဖြစ်သူ ရိုမာနိုဟာ ဆက်ဆူအိုလိုအသင်းကို ၃ ဂိုး-၂ ဂိုးနဲ့ အနိုင်ရခဲ့တဲ့ စီးရီးအေ ပွဲစဉ်မှာ ခရီမိုနီစီအသင်းအတွက် လူစားဝင်အဖြစ် ပါဝင်ပြီး စီးရီးအေ ပွဲဦးထွက်ခဲ့ပါတယ်။
ဒီပွဲစဉ်ရဲ့ ပွဲချိန် ၈၂ မိနစ်မှာ ဇာဘင်ရဲ့နေရာ လူစားလဲ ဝင်ရောက်လာခဲ့တဲ့ ရိုမာနိုကြောင့် မိနစ် ၉၀ ပြည့်ပြီး နာကျင် အချိန်ပိုမှာ ခရီမိုနီစီအသင်း ပင်နယ်တီ ကန်သွင်းခွင့် ရရှိခဲ့တာပါ။
ဒီပင်နယ်တီကို ဒီလူကာက ဂိုးဝင်အောင် ကန်သွင်းနိုင်ခဲ့တဲ့အတွက် ခရီမိုနီစီအသင်းဟာ စီးရီးအေအဖွင့်ပွဲစဉ် ၂ ပွဲစလုံး ရာနှုန်းပြည့် နိုင်ပွဲရယူနိုင်ခဲ့ပါတယ်။
လာဇီယိုအသင်းကနေ အငှားနဲ့လာရောက် ကစားနေတဲ့ ရိုမာနိုမူဆိုလီနီဟာ အေစီမီလန်အသင်းကို အနိုင်ရခဲ့တဲ့ စီးရီးအေ အဖွင့်ပွဲစဉ်မှာ ခရီမိုနီစီအသင်းအတွက် ပါဝင်ခဲ့ရခြင်းမရှိတာပါ။
ရိုမာနိုကို တွေ့ရစဉ်
ရိုမာနိုမူဆိုလီနီက “အချိန်အနည်းငယ်အတွင်းမှာ အဖြစ်အပျက်တွေ အများကြီးဖြစ်ခဲ့ပြီး စီးရီးအေမှာ ပွဲဦးထွက်ခွင့် ရဖို့ အမြဲတမ်း အိပ်မက် မက်နေတာကြောင့် ဒီညကို ကျနော်ဘယ်တော့မှ မေ့နိုင်မှာ မဟုတ်ပါဘူး။ အသင်းကို ကူညီပေးနိုင်ခဲ့တဲ့အတွက် ကျနော်ပျော်ရွှင်တယ်”လို့ ပြောခဲ့ပါတယ်။
ရိုမာနိုမူဆိုလီနီဟာ လာဇီယိုအသင်း လူငယ်စီမံကိန်းကနေ ထွက်ပေါ်လာခဲ့ပေမယ့် အသင်းကြီးအတွက် ပါဝင် ကစားရခြင်း မရှိသေးဘဲ ၂၀၂၃-၂၄ ရာသီမှာ ပတ်စ်ကာရာနဲ့ ၂၀၂၄-၂၅ ရာသီမှာ ဂျူဗီစတာဘီယာအသင်းတွေမှာ အငှားသွားရောက် ကစားခဲ့ရတာပါ။
အသက် ၂၂ နှစ်အရွယ်ရှိ ရိုမာနိုမူဆိုလီနီဟာ ဂျူဗီစတာဘီယာအသင်းအတွက် ဂိုးသွင်းယူပြီးချိန်မှာ အသင်း ပရိသတ်တွေဟာ ဖက်ဆစ်အလေးပြုတဲ့ပုံစံနဲ့ သူ့ရဲ့သွင်းဂိုးကို ဂုဏ်ပြုခဲ့တယ်လို့ သတင်းတွေမှာ ဖော်ပြခဲ့ပေမယ့် အသင်းဘက်က ဒါကို ငြင်းပယ်ခဲ့ပါတယ်။
စီးရီးအေအဖွင့်ပွဲစဉ် ၂ ပွဲစလုံး နိုင်ပွဲရရှိထားတဲ့ ခရီမိုနီစီအသင်းဟာ လာမယ့် စီးရီးအေပွဲစဉ်အဖြစ် နိုင်ငံတကာ ပွဲစဉ်တွေပြီးရင် ဗီရိုနာအသင်းနဲ့ ယှဉ်ပြိုင်ရမှာ ဖြစ်ပါတယ်။
Source: BBC
