CNI Sport News
၂၀၂၅ ခုနှစ်၊ ဩဂုတ် ၃၀
ဘရိုက်တန်အသင်းနည်းပြ ဖာဘီယန်ဟာဇီလာက နွေရာသီ အပြောင်းအရွှေ့ ဈေးကွက်ပိတ်ချိန်မှာ ကွင်းလယ်လူ ဘာလီဘာဟာ အသင်းကစားသမားအဖြစ် ဆက်ရှိမယ်ဆိုတာ ၁၀၀ ရာခိုင်နှုန်းကျော် ယုံကြည်မှုရှိတယ်လို့ ပြောခဲ့ ပါတယ်။
ဖာဘီယန်ဟာဇီလာက “ဘာလီဘာ ဆက်ရှိမယ်ဆိုတာ ကျနော်ယုံကြည်မှု အပြည့်ရှိပါတယ်။ ၁၀၀ ရာခိုင်နှုန်း ထက် ပိုတဲ့အရေအတွက်ရှိရင် ၁၀၀ ထက် ပိုတောင်လို့တောင် ပြောနိုင်တဲ့အထိ ယုံကြည်တယ်”လို့ သတင်းထောက်တွေရဲ့ မေးမြန်းမှုကို ဖြေခဲ့ပါတယ်။
၂၀၂၃ ခုနှစ်က လိုင်လီအသင်းကနေ ပြောင်းရွှေ့လာခဲ့တဲ့ ဘာလီဘာဟာ ပြီးခဲ့တဲ့နှစ် ရာသီအတွင်းမှာ ပရီးမီးယား လိဂ်ရဲ့ စိတ်လှုပ်ရှားစရာ အကောင်းဆုံး လူငယ် ကစားသမားတွေထဲက တစ်ဦးဖြစ်ကြောင်း ပြသနိုင်ခဲ့ပါတယ်။
ဘာလီဘာရဲ့ ခြေစွမ်းကို ပရီးမီးယားလိဂ် ထိပ်သီးအသင်းတွေက စောင့်ကြည့်နေပြီး ယူနိုက်တက်အသင်းက ဒီနွေရာသီ အပြောင်းအရွှေ့မှာ သူ့ကို ခေါ်ယူဖို့ ကြိုးပမ်းနေတာပါ။
ဘာလီဘာကို တွေ့ရစဉ်
အဲဒါကြောင့် ဘာလီဘာဟာ အပြောင်းအရွှေ့ မပိတ်မီ ဘရိုက်တန်အသင်းကနေ ထွက်ခွာဖွယ်ရှိတယ်ဆိုပြီး ထင်ကြေးသတင်းတွေ ထွက်ပေါ်နေတာ ဖြစ်ပါတယ်။
ဘရိုက်တန်အသင်းဟာ ဘာလီဘာအတွက် ပေါင်သန်း ၁၀၀ ကျော် ဈေးသတ်မှတ်ထားတာပါ။
ယူနိုက်တက်အသင်းဟာ ဘာလီဘာကို ခေါ်ယူနိုင်ဖို့ ကြိုးပမ်းနေပေမယ့် ဘရိုက်တန်အသင်း တောင်းဆိုထားတဲ့ ပြောင်းရွှေ့ကြေး ပမာဏကို ပေးချေခြင်းမရှိလို့ အပြောင်းအရွှေ့ဖြစ်ဖို့ ခက်ခဲနေတာ ဖြစ်ပါတယ်။
အဲဒါကြောင့် ယူနိုက်တက်အသင်းဟာ ကွင်းလယ် လိုအပ်ချက်အတွက် အခြားရွေးချယ်စရာတွေကို ရှာဖွေ နေတာပါ။
ဒီအချိန်မှာ ဘရိုက်တန်အသင်း နည်းပြကလည်း ဘာလီဘာအသင်းမှာ ဆက်ရှိမယ်လို့ ယုံကြည်ကြောင်း ပြောလာခဲ့တာဖြစ်ပါတယ်။
ဘရိုက်တန်အသင်းရဲ့ ဒီရာသီပွဲစဉ်တွေမှာ ပါဝင်ကစားထားတဲ့ ဘာလီဘာရဲ့ လက်ရှိ စာချုပ်ဟာ ၂၀၂၈ ခုနှစ်အထိ သက်တမ်းရှိနေတာပါ။
အဲဒါကြောင့်လည်း ဘရိုက်တန်အသင်းက သူတို့လိုချင်တဲ့ ပြောင်းရွှေ့ကြေးကို မရရင် ဘာလီဘာကို လက်မလွှတ် ဖို့ ဆုံးဖြတ်ထားပါတယ်။
ဘာလီဘာဟာ ဘရိုက်တန်အသင်းမှာ ကစားခဲ့တဲ့ နှစ်ရာသီအတွင်း ၇၇ ပွဲ ပါဝင်ကစားထားပြီး ၄ ဂိုး သွင်းယူထား တာ ဖြစ်ပါတယ်။
Source: Metro
