CNI Sport News
၂၀၂၅ ခုနှစ်၊ ဧပြီ ၂၈
ယူနိုက်တက်အသင်းနည်းပြ အာမိုရင်က ဘုန်းမောက်အသင်းနဲ့ ၁ ဂိုးစီသရေကျခဲ့တဲ့ ပရီးမီးယားလိဂ်ပွဲစဉ်မှာ အသင်းအတွက် ချေပဂိုး သွင်းယူခဲ့တဲ့ တိုက်စစ်မှူးဟော့ဂ်ျလန်းကို သွင်းဂိုး အများအပြားသွင်းယူဖို့ စိန်ခေါ်ခဲ့ပါ တယ်။
အာမိုရင်က “ဟော့ဂ်ျလန်း အနေနဲ့ အခုအချိန်မှာ နောက်ထပ်ဂိုးတွေ အများကြီးသွင်းဖို့ လိုအပ်ပါတယ်။ သူဟာ ဒီကလပ်မှာ သွင်းဂိုးတွေ ဘယ်လောက် သွင်းယူရမလဲဆိုတာကို သူသိပါတယ်။ ယူနိုက်တက်လို အသင်းကြီးမှာ ရှိချင်ရင် ကွင်းထဲကို ဝင်လိုက်တိုင်း တိုးတက်ဖို့လိုပါတယ်။ သူ့အပေါ် မျှော်မှန်းချက်တွေက မြင့်မားတဲ့အတွက် ဂိုးမသွင်းနိုင်ရင် ဂိုးသွင်းဖို့အတွက် ဘာလုပ်ရမလဲဆိုတာကို အာရုံစိုက်ရမယ်”လို့ ပြောခဲ့တာပါ။
ဟော့ဂ်ျလန်းဟာ ဒီရာသီမှာ သွင်းဂိုးတွေ သွင်းယူနိုင်ဖို့ ရုန်းကန်နေရတာကြောင့် ဝေဖန်ခံနေရပြီး ဒီရာသီကုန်မှာ ယူနိုက်တက်အသင်းကနေ ထွက်ခွာ ရဖွယ်ရှိတယ်လို့ သတင်းတွေမှာ ဖော်ပြထားပါတယ်။
ဟော့ဂျ်လန်းကို တွေ့ရစဉ်
ဒီရာသီ ပရီးမီးယားလိဂ်ပြိုင်ပွဲမှာ သွင်းဂိုး ၄ ဂိုးသာ သွင်းယူထားတဲ့ ဟော့ဂ်ျလန်းဟာ စီးရီးအေထံ ပြန်ဖို့ ချိတ်ဆက်မှုတွေလည်း ခံနေရတာပါ။
နည်းပြအာမိုရင်ကတော့ ဟော့ဂ်ျလန်းကို သွင်းဂိုးတွေ ပိုသွင်းယူနိုင်ဖို့နဲ့ ပွဲအပေါ် အာရုံပိုပြီးစိုက်ဖို့ စိန်ခေါ်ခဲ့တာ ဖြစ်ပါတယ်။
ယူနိုက်တက်အသင်းဟာ တိုက်စစ်ပိုင်းက သွင်းဂိုးတွေရရှိဖို့ ရုန်းကန်နေရတာကြောင့် နွေရာသီမှာ တိုက်စစ်မှူးသစ် ခေါ်ယူနိုင်ဖို့ ပြင်ဆင်နေတာပါ။
မန်ချက်စတာကလပ်ဟာ ဝုလ်ဖ်စ်အသင်း တိုက်စစ်မှူး ကွန်ညာ၊ အစ်စဝှစ်ခ်ျအသင်း တိုက်စစ်မှူး ဒီလပ်တို့ကို ခေါ်ယူဖို့ ချိတ်ဆက်မှုတွေ ပြုလုပ်နေတာ ဖြစ်ပါတယ်။
ယူနိုက်တက်အသင်းဟာ လာမယ့် ကြားရက်မှာ ဘီလ်ဘာအိုအသင်းနဲ့ ယူရိုပါလိဂ် ဆီမီးဖိုင်နယ် ပထမအကျော့ ယှဉ်ပြိုင်ရမှာပါ။
ဒီပွဲမှာ ယူနိုက်တက်အသင်းဟာ ပွဲထွက် လူစာရင်းထဲ ပါဝင်လာဖို့ရှိနေတဲ့ ဟော့ဂ်ျလန်းဆီကနေ နောက်ထပ် သွင်းဂိုးတွေ ရရှိဖို့ မျှော်လင့်နေတာ ဖြစ်ပါတယ်။
Source: Goal
