CNI Sport News
၂၀၂၅ ခုနှစ်၊ ဧပြီ ၂၈
အီတလီလူမျိုးနည်းပြ အန်ဆယ်လော့တီဟာ ဒီရာသီကုန်မှာ ရီးရယ်လ်အသင်းကနေ ထွက်ခွာပြီး ဘရာဇီးလ် အသင်းကို နည်းပြသစ်အဖြစ် ကိုင်တွယ်တော့မှာ ဖြစ်ပါတယ်။
The Athletic က အန်ဆယ်လော့တီဟာ ရီးရယ်လ်အသင်းကနေ ထွက်ခွာဖို့ ရည်ရွယ်ထားတဲ့အကြောင်းကို အသင်းအဝတ်လဲခန်းထဲက အဖွဲ့ဝင်တွေအားလုံးကို အသိပေးထားပြီးဖြစ်တယ်လို့ ဖော်ပြထားတာပါ။
အန်ဆယ်လော့တီဟာ ဒီရာသီ ပြီးဆုံးတာနဲ့ ဇွန်လထဲမှာ ဘရာဇီးလ်အသင်း နည်းပြရာထူးကို ရယူမှာဖြစ်ပါတယ်။
အန်ဆယ်လော့တီဟာ ရီးရယ်လ်အသင်းကို ကိုင်တွယ်တဲ့ ဒုတိယမြောက်သက်တမ်းမှာ ချန်ပီယံလိဂ်၊ လာလီဂါ ဖလား အပါအဝင် ဆုဖလားအများအပြား ရယူပေးနိုင်ခဲ့တာပါ။
ရီးရယ်လ်အသင်းဟာ ဒီရာသီ ပြည်တွင်းပြိုင်ပွဲတွေမှာ ဘာစီလိုနာအသင်းကို ကျော်ဖြတ်နိုင်ဖို့ ခက်ခဲနေသလို ချန်ပီယံလိဂ်ပြိုင်ပွဲကနေလည်း ထွက်ခွာခဲ့ရတာကြောင့် အန်ဆယ်လော့တီလည်း ထွက်ခွာဖို့ နီးစပ်လာခဲ့တာ ဖြစ်ပါတယ်။
အန်ဆယ်လော့တီကို တွေ့ရစဉ်
အန်ဆယ်လော့တီနဲ့ ရီးရယ်လ်အသင်းတို့ရဲ့စာချုပ်ဟာ ၂၀၂၆ ခုနှစ် နွေရာသီအထိ သက်တမ်းရှိနေပေမယ့် သူထွက်ခွာမယ့် သတင်းတွေဟာ ပြီးခဲ့တဲ့လတွေကတည်းက ထွက်ပေါ်နေခဲ့တာပါ။
အန်ဆယ်လော့တီဟာ ရာသီကုန်ရင် ထွက်ခွာမှာဖြစ်လို့ ရီးရယ်လ်အသင်းဟာ နွေရာသီမှာကျင်းပမယ့် ဖီဖာကလပ် ကမ္ဘာ့ဖလားပြိုင်ပွဲကို ကိုင်တွယ်ဖို့အတွက် နည်းပြသစ် ရှာဖွေမှုတွေ ပြုလုပ်နေပါတယ်။
ရီးရယ်လ်အသင်းဟာ လေဗာကူဆင်အသင်းနည်းပြ ဇာဘီအလွန်ဆိုကို နည်းပြသစ် အဖြစ်ခန့်အပ်ဖို့ ပြင်ဆင်နေပြီး ဂျာမန်ကလပ်ကလည်း သူ့ရဲ့အသင်းဟောင်း တစ်သင်းသင်းက ကမ်းလှမ်းမှု ပြုလုပ်လာခဲ့ရင် ဆွေးနွေးမှုပြုလုပ် ကာ ထွက်ခွာခွင့်ပြုမယ်လို့ အတည်ပြုထားတာပါ။
ရီးရယ်လ်အသင်းဟာ လက်ရှိအချိန်မှာ လာလီဂါပြိုင်ပွဲ တစ်ခုတည်းကိုသာ အာရုံစိုက်ဖို့ရှိတော့ပြီး ထိပ်ဆုံးနေရာက ဘာစီလိုနာအသင်းနဲ့ ၄ မှတ်အကွာအဆင့် ၂ နေရာမှာ ရပ်တည်နေတာ ဖြစ်ပါတယ်။
Source: goal
