CNI Sport News
၂၀၂၄ ခုနှစ်၊ မတ်လ ၄
လီဗာပူးလ်အသင်းဟာ တိုက်စစ်မှူး ဆာလက်ကို အနားပေးဖို့ တောင်းဆိုခဲ့ပေမယ့် အီဂျစ်အသင်းဟာ ဒီလထဲ ယူအေအီးမှာကျင်းပမယ့် ပြိုင်ပွဲအတွက် သူတို့ရဲ့ အဓိကတိုက်စစ်မှူးကို ရွေးချယ်သွားခဲ့ပါတယ်။
အခုလ ၂၂ ရက်ကနေ ၂၆ ရက်အထိ ကျင်းပမယ့် Winsunited Cup ပြိုင်ပွဲမှာ အီဂျစ်အသင်း အပါအဝင် ခရိုအေးရှား၊ တူနီးရှားနဲ့ နယူးဇီလန်အသင်းတို့ ယှဉ်ပြိုင်ကြမှာပါ။
ပြီးခဲ့တဲ့ အာဖရိကဖလားပြိုင်ပွဲမှာ အီဂျစ်အသင်းအတွက် ပါဝင် ကစားရင်း ဒဏ်ရာရရှိခဲ့တဲ့ ဆာလက်ဟာ ပြီးခဲ့တဲ့ လက ဘရန်ဖို့ဒ် အသင်းကို ၄ ဂိုး-၁ ဂိုးနဲ့ အနိုင်ရတဲ့ပွဲမှ လီဗာပူးလ်အသင်းအတွက် ပြန်လည် ပါဝင်ကစား နိုင်ခဲ့ တာပါ။
ဒါပေမယ့် ဆာလက်ဟာ ဒဏ်ရာရရှိခဲ့ပြီး လီဗာပူးလ်အသင်း နောက်ဆုံးကစားခဲ့တဲ့ ၄ ပွဲစလုံး မပါဝင်နိုင်ခဲ့တာ ဖြစ်ပါတယ်။
အဲဒါကြောင့် လီဗာပူးလ်အသင်းဟာ တိုက်စစ်မှူး ဆာလက်ကို နိုင်ငံအသင်းအတွက် မရွေးချယ်ဘဲ အနားပေးဖို့ တောင်းဆိုခဲ့တာကို အီဂျစ်ဘောလုံးအဖွဲ့ချုပ်က ရွေးချယ်ခဲ့တာပါ။
ဆာလက်ကို တွေ့ရစဉ်
အီဂျစ်ဘောလုံးအဖွဲ့ချုပ်ကတော့ ဆာလက်ရဲ့ အခြေအနေကို ဆုံးဖြတ်ဖို့ စောနေသေးပြီး ကစားသမားသာ ကြံ့ခိုင်မှု အပြည့်အဝ မရှိဘူးဆိုရင် ဒီပြိုင်ပွဲမှာ အသုံးပြုသွားဖွယ်မရှိဘူးလို့ ပြောခဲ့ပါတယ်။
လီဗာပူးလ်အသင်းဟာ ဒီရာသီမှာ ဆုဖလား ၄ လုံးရယူနိုင်ဖို့ ပစ်မှတ်ထားနေတာကြောင့် တိုက်စစ်မှူး ဆာလက် နောက်ထပ် ဒဏ်ရာရရှိမှာကို စိုးရိမ်နေတာပါ။
ဒဏ်ရာကြောင့် အနားယူနေရတဲ့ ဆာလက်ဟာ မန်စီးတီးအသင်းနဲ့ ပရီးမီးယားလိဂ်ပွဲစဉ် မတိုင်ခင် လီဗာပူးလ် အသင်းနဲ့ လေ့ကျင့်မှုတွေ ပြန်လည်ပြုလုပ်မယ်လို့ နည်းပြ ကလော့ပ်က ပြောထားပါတယ်။
အဲဒါကြောင့် ဆာလက်ဟာ ကြားရက်မှာကစားမယ့် စပါတာအသင်းနဲ့ ယူရိုပါလိဂ် ၁၆ သင်းအဆင့် ပထမ အကျော့ပွဲစဉ် ဒါမှမဟုတ် မန်စီးတီးအသင်းနဲ့ ပွဲစဉ်မှာ လီဗာပူးလ်အသင်းအတွက် ပြန်လည်ပါဝင်နိုင်ဖွယ် ရှိနေပါတယ်။
ဆာလက်ဟာ ဒီရာသီမှာ လီဗာပူးလ်အသင်းအတွက် ၂၈ ပွဲ ပါဝင်ကစားထားပြီး ၁၉ ဂိုးသွင်းယူကာ အသင်းရဲ့ ထိပ်တန်းဂိုးသွင်းရှင်အဖြစ် ရပ်တည်နေတာဖြစ်ပါတယ်။
Source: Goal
