CNI Sport News
၂၀၂၃ ခုနှစ်၊ ဖေဖော်ဝါရီ ၁၀
ဂရင်းဝုဒ်ရဲ့ အနာဂတ်ဟာ မရေမရာ ဖြစ်နေပေမယ့် ယူနိုက်တက် အမျိုးသမီးအသင်းကတော့ လူငယ်ကြယ်ပွင့် ကစားသမား အသင်းထံ ပြန်လာမှာကို မြင်တွေ့လိုခြင်း မရှိဘူးလို့ သတင်းတွေမှာ ဖော်ပြထားပါတယ်။
ယူနိုက်တက် အမျိုးသမီးအသင်း ကစားသမားတွေဟာ အိုးထရက်ဖို့ဒ် အသင်းကြီးထံ ပြန်ရောက်လာနိုင်တဲ့ ဂရင်းဝုဒ်ရဲ့ အလားအလာနဲ့ ပတ်သက်ပြီး စိတ်မသက်မသာ ဖြစ်နေတယ်လို့ သိရပါတယ်။
ဂရင်းဝုဒ်ကို စွဲချက်တင်ထားတဲ့ အမှုတွေကနေ ရုပ်သိမ်းပေးခဲ့ပေမယ့် ကစားသမားရဲ့ အနာဂတ်ဟာ ရှင်းရှင်း လင်းလင်း မရှိသေးပါဘူး။ အသက် ၂၁ နှစ်အရွယ်ရှိ ဂရင်းဝုဒ်ကို ယူနိုက်တက်အသင်းက လက်ရှိအချိန်မှာ ဆိုင်းငံ့ ထားဆဲ ဖြစ်ပါတယ်။
ဂရင်းဝုဒ်နဲ့ ပတ်သက်ပြီး နောက်ထပ် အဆင့်တွေ မဆုံးဖြတ်ခင်မှာ ကလပ်အသင်းဟာ သူတို့ရဲ့ ကိုယ်ပိုင် လုပ်ငန်း စဉ်တွေကို လုပ်ဆောင်မယ်လို့ ကြေညာချက် ထုတ်ပြန်ထားပါတယ်။
ယူနိုက်တက် အမျိုးသမီးအသင်းက ကစားသမားတွေဟာ ဂရင်းဝုဒ် ပြန်လာမယ့် အလားအလာကို စိုးရိမ်နေကြပြီး ကစားသမား အဖမ်းအဆီး မခံရခင် ဆိုရှယ်မီဒီယာမှာ လွှင့်တင်ခဲ့တဲ့ အသံကို ပြန်ပြီးကြားနေရတယ်လို့ The Athletic ဖော်ပြခဲ့တာပါ။
ဂရင်းဝုဒ်ကိုတွေ့ရစဉ်
အဲဒီအသံဟာ သူတို့ရဲ့ မှတ်ဉာဏ်တွေထဲကနေ အလွယ်တကူ ဖျက်လို့ရတဲ့အရာ မဟုတ်ဘူးဆိုပြီး ကစားသမား တွေက တွေးထင်နေကြတာ ဖြစ်ပါတယ်။
အမျိုးသားအသင်းကလည်း သူတို့ရဲ့ တိုးတက်မှုကို အနှောင့်အယှက် ဖြစ်စေနိုင်တာကြောင့် ဂရင်းဝုဒ်ကို ဒီရာသီ အသင်းထံ ပြန်မလာစေချင်ကြဘူးလို့ ဒေးလီးမေးလ်က ဖော်ပြခဲ့တာပါ။ အသင်းဘက်ကလည်း ဂရင်းဝုဒ်ကို ဆက် ထိန်းသိမ်းချင်တဲ့သူတွေ ရှိသလို၊ ယူနိုက်တက်ဂျာစီကို ထပ်ပြီး မဝတ်သင့်တော့ဘူးဆိုပြီး ယုံကြည်တဲ့သူတွေလည်း ရှိနေကြပါတယ်။
နည်းပြ အဲရစ်တန်ဟတ်ကလည်း ပြီးခဲ့တဲ့ သတင်းစာရှင်းလင်းပွဲမှာ ဂရင်းဝုဒ်နဲ့ ပတ်သက်တဲ့ မှတ်ချက်တွေကို ဖြေဆိုဖို့ ငြင်းဆန်ခဲ့သလို ကစားသမားတွေကိုလည်း အာရုံစူးစိုက်မှု မဆုံးရှုံးစေဖို့ တိုက်တွန်းထားပါတယ်။
ယူနိုက်တက် အကယ်ဒမီထွက် ဂရင်းဝုဒ်ဟာ အသင်းအတွက် ပွဲပေါင်း ၁၃၀ ပါဝင်ကစားခဲ့ပြီး ၃၆ ဂိုး သွင်းယူထားတာ ဖြစ်ပါတယ်။
Source: Goal
