CNI International News
ကိယတ်ဗ်၊ ဖေဖော်ဝါရီ ၁၅
ရုရှားနှင့် ဖြစ်ပွားနေသော စစ်ပွဲ၏ ရှေ့တန်းစစ်မြေပြင်သို့ ရောက်ရှိနေသော ယူကရိန်းစစ်သား ဗစ်တာလီ ခရိုနွတ် (Vitalii Khroniuk) အပါအဝင် ယူကရိန်းစစ်သားအချို့သည် သုတ်ရေခဲ၍ အနာဂတ်မျိုးဆက်ဖန်တီးရေး လုပ် ဆောင်နေကြကြောင်း အေပီသတင်းတွင် ဖော်ပြထားသည်။
ယူကရိန်းစစ်သား ဗစ်တာလီ ခရိုနွတ်သည် ရှေ့တန်းစစ်မြေပြင်သို့ ရောက်ရှိနေခြင်းနှင့်အတူ ကလေးမယူခဲ့ခြင်း အပေါ် နောင်တရနေကြောင်း သိရသည်။ ထို့ကြောင့် ကလေးရယူနိုင်ရန်အတွက် သုတ်ရေခဲ၍ မျိုးဆက်ဖန်တီး ရေး ကြိုးပမ်းနေခြင်း ဖြစ်သည်။
စစ်မြေပြင်တွင် အချိန်မရွေး အသက်ဆုံးရှုံး ရနိုင်သည်ကို သဘောပေါက်ထားခြင်းကြောင့် အသက် ၂၉ နှစ်အရွယ် ခရိုနွတ်သည် cryopreservation ဟုသည့် သုတ်ရေ သို့မဟုတ် မမျိုးဥကို ခဲထားသည့် လုပ်ငန်းစဉ်ကို ကြိုးစား ကြည့်ရန် ဆုံးဖြတ်ခဲ့သည်။
ဒေါက်တာ ဟာလီနာ စတယ်ကိုအား တွေ့ရစဉ်(GETTY IMAGE)
ခရိုနွတ် နည်းတူ တခြားသော ယူကရိန်းစစ်သားများသည်လည်း ၎င်းတို့၏ မသေချာ မရေရာသော အခြေအနေ ကြောင့် cryopreservation နည်းလမ်းကို အသုံးပြုရန် စဉ်းစားလာ ကြသည်။
သေမှာကို မကြောက်ကြောင်း၊ သို့သော် မျိုးဆက် မကျန်ခဲ့မည်ကို ကြောက်ကြောင်း ခရိုနွတ်က ပြောသည်။
၎င်းသည် ရုရှားဘက်က ယူကရိန်းကို ကျူးကျော်မှု လုပ်ဆောင်ခဲ့ပြီးနောက် အနာဂတ်အတွက် စဉ်းစားမှုပင် မလုပ်ဆောင်ခဲ့ဘဲ စစ်ထဲသို့ လိုက်ခဲ့သူ ဖြစ်သည်။
ခရိုနွတ် လုံးဝပြန်မလာနိုင်တော့သည့် အခြေအနေရှိနေခြင်းကို လက်ခံရန် နာကျင်ခဲ့ရသည်ဟု လက်တွဲဖော် အသက် ၂၄ နှစ်အရွယ် အန်နာ ဆိုကူရန်ကို (Anna Sokurenko) ကပြောသည်။
ယူကရိန်းစစ်သား ခရိုနွတ်နဲ့ ဇနီး အန်နာ ဆိုကူရန်ကိုအား တွေ့ရစဉ်(AP)
ဇန်နဝါရီလ အိမ်သို့ အလည်အပတ် ပြန်လည် ရောက်ရှိလာစဉ် ခရိုနွတ်နှင့် သူ၏လက်တွဲဖော်တို့သည် မြို့တော် ကိယတ်ဗ်ရှိ IVMED ပုဂ္ဂလိက ဆေးခန်းသို့ သွားရောက်ခဲ့သည်။
IVMED သည် စစ်သားများအတွက် သုတ်ရေခဲခြင်းကို ၅၅ ဒေါ်လာဖြင့် ဆောင်ရွက်ပေးနေသည့် ဆေးခန်းဖြစ် သည်။ စစ်ဖြစ်ချိန်မှစ၍ ဆေးခန်းသို့ ရောက်ရှိလာသည့် စစ်သားအရေအတွက် ၁၀၀ နီးပါးရှိပြီဟု ဆရာဝန် ဖြစ်သူ ဒေါက်တာ ဟာလီနာ စတယ်ကို (Halyna Strelko) ကပြောသည်။
လက်ရှိ ယူကရိန်းတွင် ကိုယ်ဝန်ရရှိရေးအတွက် ကူညီပေးသော ဝန်ဆောင်မှုများသည် ဒေါ်လာ ၈၀၀ မှ ၃၅၀၀ အထိ ဈေးရှိနေသည်။ စတယ်ကို၏ IVMED က စစ်သားများအတွက် အထူးနှုန်းထားဖြင့် ဆောင်ရွက် ပေးနေခြင်း ဖြစ်သည်။
Source: AP
