CNI News
၂၀၂၅ ခုနှစ်၊ စက်တင်ဘာ ၁
လာအိုသမ္မတ သောင်လောင်ဆီ ဆိုလစ်နှင့် မြန်မာယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေး ကော်မရှင်ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်တို့ ၂၀၂၅ ခုနှစ်၊ စက်တင်ဘာ ၁ ရက်က တရုတ်နိုင်ငံ၊ တီယန် ကျင်းမြို့မှာ တွေ့ဆုံဆွေးနွေးကြသည်။
အဆိုပါ တွေ့ဆုံမှုတွင် မြန်မာ-လာအို နှစ်နိုင်ငံ ပူးပေါင်းဆောင်ရွက်မှုများ မြှင့်တင်ရေး ဆွေးနွေးခဲ့ကြကြောင်း သိရသည်။
ဗိုလ်ချုပ်မှူးကြီးမင်းအောင်လှိုင်နှင့် လာအိုသမ္မတတို့သည် တရုတ်သမ္မတ ရှီကျင့်ဖျင်၏ ဖိတ်ကြားချက်အရ တရုတ်နိုင်ငံသို့ တက်ရောက် နေကြခြင်းဖြစ်သည်။
၎င်းတို့နှစ်ဦးစလုံးသည် ဩဂုတ် ၃၁ ရက်မှ စက်တင်ဘာ ၁ ရက်ထိ ကျင်းပသည့် ရှန်ဟိုင်းပူးပေါင်း ဆောင်ရွက်မှု အဖွဲ့ ထိပ်သီးအစည်းအဝေးကို တက်ရောက်ရန်နှင့် စက်တင်ဘာ ၃ ရက်တွင် ကျင်းပမည့် တရုတ် ပြည်သူများ၏ ဂျပန်ခုခံတော်လှန်ရေးစစ်ပွဲနှင့် ကမ္ဘာ့ဖက်ဆစ် ဆန့်ကျင်ရေးစစ်ပွဲ အောင်နိုင်ခြင်းနှစ် (၈၀) ပြည့် အထိမ်းအမှတ် စစ်ရေးပြ အခမ်းအနားကို တက်ရောက်ရန် တရုတ်နိုင်ငံသို့ ရောက်ရှိနေကြခြင်း ဖြစ်သည်။
