CNI International News
ဘန်ကောက်၊ ဇူလိုင် ၁၄
ထိုင်းပြည်သူများသည် တာဝန်မှ ရပ်ဆိုင်းခံထားရသည့် ဝန်ကြီးချုပ် ပေတုန်တန် ရှင်နာဝပ် (Paetongtarn Shinawatra) ကို ရာထူးမှ နုတ်ထွက်စေလိုကြပြီး ဗိုလ်ချုပ်ကြီးဟောင်း ပရာယွတ်အား ဝန်ကြီးချုပ်အဖြစ် မျှော် မှန်းနေကြသည်ဟု စစ်တမ်းတစ်ခုတွင် လေ့လာတွေ့ရှိရကြောင်း The Nation မှ ဖော်ပြခဲ့သည်။
အမျိုးသား ဖွံ့ဖြိုးတိုးတက်ရေး အုပ်ချုပ်မှု အင်စတီကျု (Nida) သည် ဇူလိုင် ၄ ရက်မှ ၇ ရက်တွင်း ထိုင်းနိုင်ငံ တစ်ဝန်းရှိ လူပေါင်း ၁၃၁၀ ကို စစ်တမ်းကောက်ယူခဲ့ခြင်းဖြစ်သည်။
ထိုင်း၏ လက်ရှိနိုင်ငံရေး အခြေအနေနှင့်ပတ်သက်ပြီး စစ်တမ်းတွင် ပါဝင်ဖြေဆိုသူ ၄၂ ဒသမ ၃၇ ရာခိုင်နှုန်းက ပေတုန်တန် ရာထူးမှ နုတ်ထွက်သင့်ပြီး ဝန်ကြီးချုပ်သစ် ရွေးချယ်ရန် ဖြေဆိုခဲ့သည်။
ထို့ပြင် ၃၉ ရာခိုင်နှုန်းကလည်း အောက်လွှတ်တော်ကို ဖျက်သိမ်းပြီး ရွေးကောက်ပွဲပြုလုပ်ရန် ဖြေဆိုခဲ့ကြသည်။
ပေတုန်တန်ကို တွေ့ရစဉ်
စစ်တပ်၏ အာဏာသိမ်းမှု အလားအလာကို ထောက်ခံသူမှာ ၁ ဒသမ ၃၇ ရာခိုင်နှုန်းသာ ရှိခဲ့သည်။
နောက်တက်လာမည့် ဝန်ကြီးချုပ်သစ် ရာထူးနေရာအတွက် ဗိုလ်ချုပ်ကြီးဟောင်း ပရာယွတ် ချန်အိုချာ (Prayut Chan-o-cha) ကို ထောက်ခံကြောင်း ၃၂ ဒသမ ၈၂ ရာခိုင်နှုန်းက ဖြေဆိုခဲ့သည်။
ဘူဂျထိုင်းပါတီခေါင်းဆောင် အနူတင် ချန်ဗီရာကူလ် (Anutin Charnvirakul) ကို ဝန်ကြီးချုပ် နေရာအတွက် ထောက်ခံသူ ၁၁ ဒသမ ၅၃ ရာခိုင်နှုန်းသာ ရှိခဲ့သည်။
အတိုက်အခံ ပြည်သူ့ပါတီ (ယခင် Move Forward ပါတီ) အနေဖြင့် ပေတုန်တန်ကို ဖယ်ရှားရန်အတွက် အချေ အတင် ဆွေးနွေးမှုပြုလုပ်ပြီး အယုံအကြည်မရှိအဆို မဲခွဲဆုံးဖြတ်ရန် တောင်းဆိုသင့်ကြောင်း စစ်တမ်းတွင် ပါဝင် ဖြေဆိုသူ ၆၄ ဒသမ ၄၃ ရာခိုင်နှုန်းက ဖြေဆိုခဲ့ကြသည်။
Source: The Nation
