CNI International News
ဆိုးလ်၊ ဒီဇင်ဘာ ၁၆
တောင်ကိုရီးယားသမ္မတ ယွန်းဆော့ရွဲ (Yoon Suk Yeol) သည် ဒီဇင်ဘာ ၁၅ ရက်က အစိုးရရှေ့နေများ၏ ဆင်ခေါ်မှုကို လာရောက်ခြင်းမရှိခဲ့ဘဲ အမိန့်ကို ဖီဆန်ခဲ့ကြောင်း ရိုက်တာမှ ဖော်ပြခဲ့သည်။
အစိုးရရှေ့နေများသည် ယွန်း၏ စစ်အုပ်ချုပ်ရေးအမိန့် ထုတ်ပြန်ကြေညာမှုနှင့် ပတ်သက်ပြီး စုံစမ်းစစ်ဆေး နေချိန်တွင် နောက်ထပ် ဆင့်ခေါ်မိန့်ကိုလည်း ထုတ်ပြန်ရန် ပြင်ဆင်နေကြောင်း ယွန်ဟပ် သတင်းအေဂျင်စီက ဖော်ပြခဲ့သည်။
ယွန်းနှင့် ထိပ်သီး အရာရှိအချို့သည် ပုန်ကန်မှု၊ အာဏာအလွဲသုံးမှု၊ ပြည်သူများ၏ အခွင့်အရေးကို တားမြစ် ပိတ်ပင်မှုတို့ဖြင့် စွပ်စွဲခံနေရပြီး ပြစ်မှုဆိုင်ရာ စုံစမ်းစစ်ဆေးခံနေရသည်။
ယွန်း၏ အမှုကို စုံစမ်းစစ်ဆေးမှုအား ကိုင်တွယ်နေသည့် အထူးအစိုးရရှေ့နေအဖွဲ့က ယွန်းအား စစ်ဆေး မေးမြန်း ရန်အတွက် ဒီဇင်ဘာ ၁၅ ရက်၊ ဒေသစံတော်ချိန် နံနက် ၁၀ နာရီတွင် လာရောက်ရန် ဆင့်ခေါ်ခဲ့သော်လည်း ယွန်း က လာရောက်ခြင်းမရှိခဲ့ကြောင်း ဟွန်ဟပ်မှ ဖော်ပြခဲ့သည်။
သမ္မတ ယွန်းဆော့ရွဲကို ဆန္ဒပြနေကြစဉ်
အစိုးရရှေ့နေများသည် နောက်ထပ် ဆင့်ခေါ်မိန့်ကို ဒီဇင်ဘာ ၁၆ ရက်တွင် ထုတ်ပြန်ရန် စီစဉ်နေကြောင်းလည်း သိရသည်။
ယွန်းသည် ဒီဇင်ဘာ ၁၄ ရက်က လွှတ်တော်တွင် စွပ်စွဲပြစ်တင် ခံခဲ့ရပြီးနောက် သမ္မတတာဝန်များမှ ဆိုင်းငံ့ခံ ခဲ့ရသည်။
အစိုးရရှေ့နေများသည် ဒီဇင်ဘာ ၁၅ ရက်က စစ်တပ် အထူးစစ်ဆင်ရေးဌာနနှင့် ဆိုးလ်မြို့တော် ကာကွယ်ရေးဌာန အကြီးအကဲ အပါအဝင် ထိပ်သီး စစ်တပ်အရာရှိများကို ဖမ်းဝရမ်းထုတ်ရန် ကြိုးပမ်းခဲ့ကြောင်း ယွန်ဟပ်မှ ဖော်ပြခဲ့ သည်။
တောင်ကိုရီးယား အတိုက်အခံ ခေါင်းဆောင် လီဂျေမြောင် (Lee Jae-myung) ကမူ ယွန်းအား ရာထူးမှ လျင်မြန် စွာ ဖယ်ရှားရန် အခြေခံဥပဒေဆိုင်ရာခုံးရုံး၏ တရားသူကြီးများကို တိုက်တွန်းခဲ့သည်။
အခြေခံဥပဒေဆိုင်ရာခုံရုံးသည် စွပ်စွဲပြစ်တင်ခံရသည့် ယွန်းအား ရာထူးတွင် ဆက်လက် ထားရှိရန် သင့်၊ မသင့်ကို ရက်ပေါင်း ၁၈၀ အတွင်း စီရင်ချက် ချသွားမည်ဖြစ်သည်။
Source: ရိုက်တာ
