CNI News
၂၀၂၄ ခုနှစ်၊ ဒီဇင်ဘာ ၁၆
စစ်ကိုင်းတိုင်းဒေသကြီး၊ ဟုမ္မလင်းနှင့် ကချင်ပြည်နယ်အစပ် တိုက်ပွဲများတွင် ကချင်လွတ်လပ်ရေးတပ်မတော်(KI A)၊ ကချင်ပြည်သူ့ကာကွယ်ရေးတပ်ဖွဲ့(KPDF)တို့နှင့်ပူးပေါင်း၍ တိုက်ပွဲဝင်ပြီး ပြန်လာခဲ့ကြသည့် နာဂပြည်သူ့ ကာကွယ်ရေးတပ်ဖွဲ့(NPDF)များကို တွေ့ရသည်။
အဆိုပါ NPDF ရဲဘော်များသည် ပါဟုတ်ကြီး၊ ပန်ချယ်၊ ရွှေတွင်းလမ်းဆုံ၊ ရာလားတီး စသည့် တိုက်ပွဲများတွင် KIA-KPDF များဖြင့် ပူးပေါင်း၍ မြန်မာ့တပ်မတော်၊ ရှမ်းနီအမျိုးသားများတပ်မတော်(SNA)တို့ကို တိုက်ခိုက်ခဲ့သည်။
ထို့နောက် ဒီဇင်ဘာ ၁၅ ရက်တွင် ရှေ့တန်းမှ ပြန်လာသည့် NPDF အမှတ်(၁) တပ်ရင်းမှ ရဲဘော်များကို ကြိုဆိုခဲ့ ကြသည်ကို တွေ့ရသည်။
အဆိုပါတိုက်ပွဲအတွင်း ကျဆုံးခဲ့သော ရဲဘော်များလည်း ရှိကြောင်း ဒေသခံများက ပြောသည်။
လက်ရှိ မြန်မာနိုင်ငံအတွင်းမှာ နာဂလက်နက်ကိုင်များအနေဖြင့် နာဂအမျိုးသားဆိုရှယ်လစ်ကောင်စီ-ကပ္ပလန်/ယုံးအောင်(NSCN-K/YA)၊ နာဂအမျိုးသားဆိုရှယ်လစ်ကောင်စီ-ကပ္ပလန်/အန်းမိုင်(NSCN-K/AM)၊ အရှေ့နာဂအမျိုးသားများကာကွယ်ရေးတပ်မတော်(ENDA/ENNA)၊ နာဂပြည်သူ့ကာကွယ်ရေးတပ်ဖွဲ့(NPDF)၊ နာဂအမျိုးသားဆိုရှယ်လစ်ကောင်စီ-အိုက်ဇက်ချီရှီဆူ/ဗွီဗား(NSCN-IM)၊ နာဂအမျိုးသားဆိုရှယ်လစ်ကောင်စီ-ကပ္ပလန်/ဟာရှီရန်ဆန်း(NSCN) စသည့် အဖွဲ့များ ရှိကြသည်။
