CNI News
၂၀၂၄ ခုနှစ်၊ သြဂုတ် ၂၀
ရှမ်းနီအမျိုးသားများတပ်မတော်(SNA)က စစ်ကိုင်းတိုင်းဒေသကြီးအတွင်းမှာရှိသည့် လွတ်မြောက်နယ်မြေ တစ်နေရာမှာ အခြေခံစစ်သင်တန်းဆင်းပွဲ တစ်ရပ်ကို ၂၀၂၄ ခုနှစ်၊ သြဂုတ် ၁၈ ရက်နေ့မှာ ပြုလုပ်သွားခဲ့သည်။
အဆိုပါ အခြေခံစစ်သင်တန်း ဆင်းပွဲသည် SNA ၏ မိန်းဆိုင်တိုင်းနိုင်းဟု ခေါ်သော ဗဟိုဌာနချုပ်မှာ ပြုလုပ်ခဲ့ ခြင်း ဖြစ်သည်။
၂၀၂၄ ခုနှစ်၊ သြဂုတ် ၁၈ ရက်က SNA သင်တန်းဆင်းပွဲ ကျင်းပနေစဉ်
ရှမ်းနီအမျိုးသားများတပ်မတော်(SNA)သည် တပ်မဟာ ၄ ခုကို ဖွဲ့စည်းထားပြီး အိန္ဒိယ-မြန်မာ နယ်စပ် တစ်လျှောက် အပါအဝင် စစ်ကိုင်းတိုင်းဒေ သကြီး အထက်ပိုင်းနှင့် ကချင်ပြည်နယ်အတွင်းမှာ လှုပ်ရှားလျက်ရှိ သည်။
SNA သည် စစ်ကိုင်းတိုင်းဒေသကြီးအတွင်းရှိ ကလေး၊ တမူး၊ ဟုမ္မလင်း၊ ကသာ၊ မော်လိုက်၊ ဗန်းမောက်၊ ဖောင်းပြင်၊ ကောလင်း၊ ဝန်းသို၊ ပင်လည်ဘူး အပါအဝင် ကချင်ပြည်နယ်အတွင်းက ဗန်းမော်၊ မြစ်ကြီးနား၊ မိုးညှင်း၊ မိုးကောင်း၊ အင်းတော်ကြီး စသည့် ဒေသများကို စုစည်း၍ ရှမ်းနီပြည်နယ် ရရှိရေး ကြိုးပမ်းနေသော ရှမ်းနီလက်နက်ကိုင်ဖြစ်သည်။
