CNI News
၂၀၂၄ ခုနှစ်၊ ဇူလိုင် ၁၂
စစ်ကိုင်းတိုင်းဒေသကြီးအထက်ပိုင်း ဟုမ္မလင်းမြို့နယ်အတွင်းက ချင်းတွင်းမြစ်တစ်လျှောက်ရှိ ရေဘေးသင့် ကျေးလက်ဒေသများမှ ပြည်သူလူထုအား ရှမ်းနီအမျိုးသားများတပ်မတော်(SNA)က ကျန်းမာရေး စောင့်ရှောက် မှုများ ပေးနေသလို ဆန်၊ဆီ၊ဆား စားနပ်ရိက္ခာများ ထောက်ပံ့ပေးခဲ့ကြောင်း သိရသည်။
ရှမ်းနီအမျိုးသားများတပ်မတော်(SNA)သည် စစ်ကိုင်းတိုင်းဒေသကြီး၊ ဟုမ္မလင်း၊ ခန္တီး၊ ဗန်းမောက်၊ ပင်လည်ဘူး၊ ကောလင်း၊ တမူး၊ အင်းတော် စသည့် ဒေသများတွင် လှုပ်ရှားနေသလို ကချင်ပြည်နယ်အတွင်းမှာ ဖားကန့်၊ မိုးညှင်း၊ မိုးကောင်း၊ အင်းတော်ကြီးဒေသများတွင် လှုပ်ရှားလျက်ရှိသည်။
SNA က ပြည်သူလူထုကို ဆန်၊ဆီ၊ဆား စားနပ်ရိက္ခာများ ထောက်ပံ့ပေးစဉ်
ထို့အပြင် မြန်မာ-အိန္ဒိယ နယ်စပ်တစ်လျှောက်မှာလည်း လှုပ်ရှားလျက်ရှိသည်။
SNA သည် ၁၉၈၉ ခုနှစ်၊ ဇူလိုင် ၅ ရက်နေ့က စတင်ဖွဲ့စည်းခဲ့ခြင်းဖြစ်ပြီး ရှမ်းနီပြည်နယ် ရရှိရေးနှင့် ရှမ်းနီဒေသ အတွင်းနေ ပြည်သူလူထုများ တန်းတူညီမျှ အခွင့်အရေးများ ရရှိရေး ကြိုးပမ်းနေကြောင်း သိရသည်။
