CNI News
၂၀၂၁ ခုနှစ်၊ အောက်တိုဘာ ၉
မန္တလေးတိုင်းဒေသကြီး အမရပူရမြို့နယ်တွင် ဆီဘောက်စာဖြင့် တင်ဆောင်လာသည့် လက်နက်များကို ဖမ်းဆီးရမိခဲ့ကြောင်း အမရပူရရဲစခန်းမှ CNI သတင်းဌာနသို့ အတည်ပြု ပြောကြားသည်။
“ဖမ်းဖိတာကတော့ ၆ ရက်နေ့လောက်ကလို့တော့ ကြားတယ်။ မူးယစ်တပ်ဖွဲ့စု ၁၈ ကနေ ဖမ်းမိတာပါ”ဟု အမရပူရမြို့နယ်ရဲစခန်းမှ တာဝန်ရှိသူတစ်ဦးက ပြောသည်။
Photo- Credit
လက်နက်များ တင်ဆောင်လာသည့် အဆိုပါ ယာဉ်ကို အမရပူရမြို့နယ်၊ ရွှေကြက်ယက်ဘုရားအနီးတွင် အမရပူရမြို့နယ် မူးယစ်တပ်ဖွဲ့စု ၁၈ မှ ဖမ်းဆီးရမိခဲ့ခြင်း ဖြစ်သည်။
ဆီဘောက်စာဖြင့် တင်ဆောင်လာသော ဖမ်းဆီးရမိသည့် လက်နက်များမှာ အသုံးမပြုရသေးသည့် ကျည်အိမ် ကိုးရာကျော်နှင့် ကျည်ဆံ စုစုပေါင်း သုံးသောင်းကျော် ဖမ်းဆီရမိခဲ့ခြင်းဖြစ်သည်ဟု အွန်လိုင်းစာမျက်နှာများမှ ဖော်ပြချက်များအရ သိရသည်။
