CNI Sport News
၂၀၂၆ ခုနှစ်၊ ဇန်နဝါရီ ၃၁
ပိုလန်တိုက်စစ်မှူး လီဝန်ဒေါစကီးဟာ ဒီရာသီကုန်ရင် ဘာစီလိုနာအသင်းကနေ ထွက်ခွာဖွယ်ရှိတယ်လို့ သူ့ရဲ့ ဇနီးဖြစ်သူ အန်နာက ပြောခဲ့ပါတယ်။
အန်နာက “ဒီနှစ် ဘာစီလိုနာမှာ ရာသီဘယ်လို ဖြစ်လာမလဲဆိုတာ စောင့်ကြည့်ရမှာဖြစ်ပြီး ဘာလို့လဲဆိုရင် ဒီမှာ ကျမ အမျိုးသားရဲ့ နောက်ဆုံးရာသီ ဖြစ်သွားနိုင်လို့ပါ။ အခုအချိန်မှာ ကျမတို့ဟာ ပရိသတ်တွေနဲ့အတူ အချိန်တိုင်း၊ ပွဲတိုင်းကို ပျော်ပျော်ရွှင်ရွှင် ဖြတ်သန်းနေပါတယ်။ နောက်ဘာဖြစ်မလဲဆိုတာ မသိပေမယ့် ဒီအတွက်လည်း ကျမ တို့ အဆင်သင့်ဖြစ်နေပါပြီ”လို့ ပိုလန်နိုင်ငံက Plejada ကိုပြောခဲ့တာပါ။
အသက် ၃၇ နှစ်အရွယ်ရှိ လီဝန်ဒေါစကီးရဲ့ စာချုပ်ဟာ ဇွန်လကုန်ရင် ကုန်ဆုံးမှာဖြစ်ပြီး ဘာစီလိုနာအသင်းက သူ့ကို စာချုပ်သက်တမ်းတိုးဖို့ မဖြစ်နိုင်ဘူးလို့ ပြီးခဲ့တဲ့လ အနည်းငယ်က စပိန်သတင်းစာ Sport က ဖော်ပြခဲ့ပါ တယ်။
လီဝန်ဒေါစကီးနဲ့ သူ့မိသားစုကို တွေ့ရစဉ်
၂၀၂၂ ခုနှစ်မှာ ဘိုင်ယန်မြူးနစ်အသင်းကနေ ပြောင်းရွှေ့လာခဲ့တဲ့ လီဝန်ဒေါစကီးဟာ ဘာစီလိုနာအသင်းအတွက် ၁၇၃ ပွဲကစားထားတာမှာ ၁၁၃ ဂိုး သွင်းယူထားပါတယ်။
၂၀၁၃ ခုနှစ်မှာ လက်ထပ်ခဲ့ကြတဲ့ လီဝန်ဒေါစကီးနဲ့ အန်နာတို့မှာ ၈ နှစ်အရွယ်နဲ့ ၅ နှစ်အရွယ် သမီး ၂ ဦး ပိုင်ဆိုင် ထားတာပါ။
အန်နာရဲ့ ပြောစကားကြောင့် လီဝန်ဒေါစကီးကို ခေါ်ယူချင်နေတဲ့ ဥရောပကလပ် အသင်းတချို့နဲ့ မေဂျာလိဂ်၊ ဆော်ဒီ ကလပ်တွေဟာ ဒီအခြေအနေကို စောင့်ကြည့်မှုတွေ ပြုလုပ်နေတာ ဖြစ်ပါတယ်။
လီဝန်ဒေါစကီးဟာ ဒီရာသီ ဘာစီလိုနာအသင်းမှာ အနည်းငယ် ရုန်းကန်နေရပြီး ထွက်ခွာဖို့ စဉ်းစားနေတဲ့ အကြောင်း ပြီးခဲ့တဲ့ ဒီဇင်ဘာလမှာ ပြောခဲ့ပါတယ်။
လီဝန်ဒေါစကီးဟာ ဘာစီလိုနာအသင်းနဲ့အတူ လာလီဂါဖလား ၂ ကြိမ်၊ စပိန်စူပါဖလား ၂ ကြိမ်နဲ့ ကိုပါဒယ်ရေး ဖလား ၁ ကြိမ် ရယူထားတာဖြစ်ပါတယ်။
Source: Dailymail
