CNI Sport News
၂၀၂၄ ခုနှစ်၊ စက်တင်ဘာ ၂၇
ပိုလန်အသင်းခေါင်းဆောင် လီဝန်ဒေါစကီးက အသက် ၁၇ နှစ် အရွယ်သာရှိသေးတဲ့ ဘာစီလိုနာအသင်းဖော် ယာမဲလ်ကို ကမ္ဘာ့အကောင်းဆုံး တောင်ပံကစားသမားလို့ ချီးကျူးသွားခဲ့ပါတယ်။
လီဝန်ဒေါစကီးက “ယာမဲလ်က ကမ္ဘာ့အကောင်းဆုံး ကစားသမားတွေထဲက တစ်ဦးဖြစ်လာနိုင်ပါတယ်။ အခုအချိန် မှာ ဒါကိုပြောဖို့က လွယ်ကူပြီး သူ့ကို ကမ္ဘာ့အကောင်းဆုံး တောင်ပံကစားသမားလို့ ကျနော်မြင်မိပါတယ်။ ဒါပေမယ့် သူက အခုမှ အသက် ၁၇ နှစ်ပဲ ရှိသေးတာပါ။ ဘောလုံးကစားသမားဘဝဟာ ရှည်ကြာပြီး တစ်ခါတစ်ရံ မှာ ဘယ်လိုစတင်ခဲ့လဲဆိုတာက အရေးမကြီးပါဘူး။ ဘယ်လိုပြီးဆုံးသွားမလဲဆိုတာနဲ့ လာမယ့်နှစ်တွေမှာ ဘယ်လို ဖြစ်မလာဆိုတာက ပိုပြီးအရေးကြီးပါတယ်”လို့ B/R Football ရဲ့မေးမြန်းမှုကို ဖြေခဲ့တာပါ။
ယာမဲလ်ဟာ ဘာစီလိုနာအသင်းအတွက် ပွဲထွက်ခွင့် ရပြီးကတည်းက ပြသနေတဲ့ သူ့ရဲ့အကောင်းဆုံး ခြေစွမ်းတွေ ကို ဆက်ပြီး ထိန်းသိမ်းထားတာ ဖြစ်ပါတယ်။
ယာမဲလ်ဟာ လက်ရှိအချိန်မှာ ဘာစီလိုနာအသင်းအတွက် ၅၉ ပွဲ ပါဝင်ကစားထားသလို စပိန်အသင်းအတွက် လည်း ၁၆ ပွဲအထိ ကစားထားပြီး ဖြစ်တာပါ။
ယာမဲလ်ဟာ ဘာစီလိုနာအသင်းအတွက် ကစားထားတဲ့ ၅၉ ပွဲမှာ ၁၁ ဂိုးသွင်းပြီး ၁၄ ဂိုးဖန်တီးထားကာ စပိန်အသင်းအတွက် ၃ ဂိုး သွင်းယူထားတာ ဖြစ်ပါတယ်။
လီဝန်ဒေါစကီးတဲ့ ယာမဲလ်ကို တွေ့ရစဉ်
ပြီးခဲ့တဲ့ ယူရို ၂၀၂၄ ပြိုင်ပွဲမှာ စပိန်အသင်း ချန်ပီယံဆု ရယူနိုင်ခဲ့တာမှာ ယာမဲလ်ဟာ အဓိက အခန်းကဏ္ဍကနေ ပါဝင်ခဲ့တဲ့သူပါ။
ယာမဲလ်ဟာ သူ့ရဲ့ပုံစံကို ဆက်ထိန်းထားပြီး ဒီရာသီ ဘာစီလိုနာအသင်းအတွက် ကစားထားတဲ့ ၈ ပွဲမှာ ၄ ဂိုး သွင်းပြီး ၅ ဂိုးဖန်တီးထားတာ ဖြစ်ပါတယ်။
အဲဒါကြောင့်လည်း ဘာစီလိုနာအသင်းဖော် လီဝန်ဒေါစကီးက ယာမဲလ်ဟာ သူကစားတဲ့ နေရာမှာ သူ့ကိုယ်သူ ကမ္ဘာ့အကောင်းဆုံး ကစားသမားအဖြစ် ပြသပြီးပြီလို့ ယုံကြည်နေတာပါ။
အသက် ၃၆ နှစ်အရွယ်ရှိ လီဝန်ဒေါစကီးကလည်း ဒီရာသီမှာ ဘာစီလိုနာအသင်းအတွက် ၈ ပွဲ ကစားအပြီးမှာ ၇ ဂိုး သွင်းယူကာ ၂ ဂိုးဖန်တီးထားတာ ဖြစ်ပါတယ်။
ဘာစီလိုနာအသင်းဟာ ဒီရာသီ လာလီဂါပြိုင်ပွဲမှာ ၇ ပွဲစလုံး ရာနှုန်းပြည့် နိုင်ပွဲရရှိထားပြီး ချန်ပီယံလိဂ်ပြိုင်ပွဲမှာ သာ ရှုံးပွဲကြုံတွေ့ထားတာပါ။
ဘာစီလိုနာအသင်းဟာ ဒီတစ်ပတ် လာလီဂါပွဲစဉ်အဖြစ် အိုဆာဆူနာအသင်းနဲ့ ယှဉ်ပြိုင်ရမှာဖြစ်ပါတယ်။
Source: Goal
