CNI Sport News
၂၀၂၅ ခုနှစ်၊ နိုဝင်ဘာ ၂၀
ဘာစီလိုနာအသင်းဟာ လာမယ့်အပတ် ကြားရက်ထဲမှာ ဖရန့်ဖတ်အသင်းနဲ့ ချန်ပီယံလိဂ် League Phase အိမ်ကွင်းပွဲစဉ်ကို Spotify နူးကမ့်ကွင်းမှာ ကစားမယ်လို့ ပြောခဲ့ပါတယ်။
ကတ်တလန်ကလပ်ဟာ ၂ နှစ်ကျော်ကြာ ဝေးကွာပြီးနောက် လာမယ့် ဘီလ်ဘာအိုအသင်းနဲ့ လာလီဂါပွဲစဉ်ကို နူးကမ့်ကွင်းထဲမှာ ပြန်ပြီးကစားသွားမှာပါ။
ဘာစီလိုနာအသင်းဟာ နူးကမ့်ကွင်းကို ပြုပြင်မွမ်းမံမှုတွေ ပြုလုပ်နေပေမယ့် လိုအပ်ချက်တွေ အားလုံး ပြည့်မီ တာကြောင့် နူးကမ့်ကွင်းမှာ ချန်ပီယံလိဂ်ပွဲစဉ်တွေ ကစားဖို့ အသင်းရဲ့တောင်းဆိုမှုကို ဥရောပဘောလုံးအဖွဲ့ချုပ် (UEFA)က လက်ခံခဲ့ပါတယ်။
အဲ့ဒါကြောင့် ဖရန့်ဖတ်အသင်းနဲ့ ချန်ပီယံလိဂ်ပွဲစဉ်ကို နူးကမ့်ကွင်းမှာ ကစားတော့မှာ ဖြစ်ပါတယ်။
ဘာစီလိုနာအသင်းဟာ ဘီလ်ဘာအိုအသင်းနဲ့ ပွဲစဉ်မှာ နူးကမ့်ကွင်းကြီးထဲ ပရိသတ် ၄၅,၄၀၁ ဦး အရှေ့မှာ ကစား သွားမှာပါ။
ဘာစီလိုနာအသင်းဟာ ၂၀၂၃ ခုနှစ် နွေရာသီမှာ နူးကမ့်ကွင်းကို ပြုပြင်မွမ်းမံနေတာဖြစ်ပြီး ပရိသတ်ဝင်ဆံ့မှုကို ၁၀၅,၀၀၀ အထိ တိုးချဲ့မှာဖြစ်ပြီး မနှစ်က နိုဝင်ဘာကတည်းက ဒီကွင်းမှာ ပွဲတွေ ပြန်လည်ကစားဖို့ စီစဉ်ခဲ့ပါ တယ်။
ဘာစီလိုနာအသင်းရဲ့ နူးကမ့်ကွင်းကို တွေ့ရစဉ်
ဒါပေမယ့် နှောင့်နှေးမှုတွေကြောင့် ဘာစီလိုနာအသင်းဟာ သူတို့ရဲ့ အိမ်ကွင်းပွဲ အများစုကို Estadi Olimpic မှာ ကစားခဲ့ရပါတယ်။
ဘာစီလိုနာအသင်းဟာ အောက်တိုဘာလမှာ နူးကမ့်ကွင်းကြီးကို ပြန်လည်ဖွင့်လှစ်ဖို့ ပထမဆုံး ခွင့်ပြုချက် ရခဲ့ပေ မယ့် အဆိုပါ အချိန်တုန်းက ပရိသတ်ဝင်ဆံ့မှုဟာ ၂၅,၉၉၁ ဦးရေသာရလို့ ဖွင့်လှစ်ခဲ့ခြင်း မရှိပါဘူး။
နိုဝင်ဘာ အစောပိုင်းမှာတော့ နူးကမ့်ကွင်းကြီးထဲ ဘာစီလိုနာအသင်း ကစားသမားတွေ လေ့ကျင့်မှု ပြုလုပ်တာကို ပရိသတ် ၂၃,၀၀၀ တက်ရောက်ခဲ့တာကြောင့် အသင်းအကြီးအကဲက အောင်မြင်မှုအဖြစ် သတ်မှတ်ခဲ့ပါတယ်။
ဘာစီလိုနာအသင်းဟာ ပြီးခဲ့တဲ့ရာသီမှာ ပြည်တွင်းဆုဖလား အောင်မြင်မှုတွေ ရယူနိုင်ခဲ့တာကို ဒီရာသီမှာ ဆက်ထိန်းနိုင်ဖို့နဲ့ ချန်ပီယံလိဂ်မှာ အောင်မြင်မှု ရယူနိုင်ဖို့ ပစ်မှတ်ထားနေပါတယ်။
Source: ESPN
