CNI Sport News
၂၀၂၅ ခုနှစ်၊ အောက်တိုဘာ ၂၄
ရီးရယ်လ်အသင်းမှာ ပွဲကစားချိန် မရတဲ့အပေါ် စိတ်ပျက်နေတဲ့ ဘရာဇီးလ် တိုက်စစ်မှူး အန်းဒရစ်အနေနဲ့ သူ့ရဲ့ အခွင့်အရေးကို စိတ်ရှည်ပြီးစောင့်ဆိုင်းဖို့ နည်းပြဇာဘီအလွန်ဆိုက သတိပေးခဲ့ပါတယ်။
ဇာဘီအလွန်ဆိုက “လူတိုင်း ကစားချင်တယ်ဆိုတာ ရှင်းပြီး လူငယ်ကစားသမားတွေက ပိုပြီးတောင် ကစားချင် ပါတယ်။ အခြေအနေတွေအရ၊ ပြိုင်ဆိုင်မှုတွေအရနဲ့ ပွဲတွေအပေါ် မူတည်ပြီး ဒါက ခက်ခဲပါတယ်။ အန်းဒရစ် အနေ နဲ့ စိတ်ရှည်ရမယ်၊ ပြီးရင် ပြင်ဆင်မှုတွေ ပြုလုပ်ထားရမှာပါ။ ရီးရယ်လ်မှာ ရှိနေတယ်ဆိုတာ သူသိရမှာဖြစ်ပြီး သူ့ရဲ့ အချိန်ရောက်လာလိမ့်မယ်”လို့ TNT Sports Brazil ကို ပြောခဲ့တာပါ။
အန်းဒရစ်ဟာ ဒီရာသီ နည်းပြ ဇာဘီအလွန်ဆို လက်အောက်မှာ ပွဲကစားချိန် ၁ မိနစ်မှ မရရှိသေးဘဲ အရန်ခုံမှာ ထိုင်နေရတာ ဖြစ်ပါတယ်။
ဇာဘီအလွန်ဆိုက ပွဲကစားချင်နေတဲ့ အန်းဒရစ်ရဲ့ ဆန္ဒကို သိပေမယ့် အသင်းမှာ နေရာအတွက် ပြိုင်ဆိုင်မှု ပြင်းထန်တာကြောင့် သူ့အနေနဲ့ ပွဲကစားချိ န်ရလာတဲ့အချိန်မှာ အခွင့်အရေးအတွက် အဆင်သင့် ဖြစ်နေရမယ်လို့ ပြောခဲ့ပါတယ်။
ဇာဘီအလွန်ဆိုကို တွေ့ရစဉ်
အသက် ၁၉ နှစ်အရွယ်ရှိ အန်းဒရစ်ဟာ လာမယ့် ဇန်နဝါရီ အပြောင်းအရွှေ့မှာ ရီးရယ်လ်အသင်းကနေ အငှားနဲ့ ထွက်ခွာဖို့ လမ်းဖွင့်ထားတာပါ။
အန်းဒရစ်ဟာ ၂၀၂၆ ကမ္ဘာ့ဖလားပြိုင်ပွဲမှာ ဘရာဇီးလ်အသင်း လူစာရင်းထဲ ပါဝင်ဖို့ အဓိက ရည်မှန်းထားတာ ကြောင့် ပွဲကစားချိန် အများအပြားရရှိဖို့ လိုအပ်တာဖြစ်ပါတယ်။
အဲဒါကြောင့် အန်းဒရစ်ဟာ ပွဲကစားချိန် အများအပြား ရနိုင်မယ့် အသင်းတွေထံ အငှားနဲ့ ပြောင်းရွှေ့ဖို့ ဆန္ဒရှိ နေတာပါ။
အန်းဒရစ်ကို ခေါ်ယူဖို့ ဆိုစီဒက်အသင်းက စိတ်ဝင်စားနေသလို ပရီးမီးယားလိဂ် ကလပ်အသင်းအချို့နဲ့ အသင်း အများအပြားကလည်း စောင့်ကြည့်မှုတွေ ပြုလုပ်နေကြပါတယ်။
၂၀၂၄ ခုနှစ်နွေရာသီမှာ ရီးရယ်လ်အသင်းထံ ရောက်ရှိလာခဲ့တဲ့ အန်းဒရစ်ဟာ စပိန်ကလပ်အတွက် ၃၇ ပွဲ ပါဝင် ကစားထားပြီး ၇ ဂိုး သွင်းယူထားတာ ဖြစ်ပါတယ်။
Source: Goal
