CNI Sport News
၂၀၂၅ ခုနှစ်၊ အောက်တိုဘာ ၂၃
အာဆင်နယ်အသင်း တောင်ပံကစားသမား မာတင်နယ်လီဟာ ဒီရာသီမှာ အာဆင်နယ်အသင်းကို ဆုဖလားတွေ ရယူပေးနိုင်အောင် ကူညီပြီး ၂၀၂၆ ကမ္ဘာ့ဖလား ပြိုင်ပွဲဝင်မယ့် ဘရာဇီးလ်အသင်း လူစာရင်းထဲမှာ ပါဝင်နိုင်ဖို့ ရည်မှန်းထားပါတယ်။
မာတင်နယ်လီက “ကမ္ဘာ့ဖလားပြိုင်ပွဲက လာတော့မှာဖြစ်လို့ အားလုံးက စိတ်လှုပ်ရှားနေကြပါတယ်။ ၈ လ လောက် လိုသေးပေမယ့် ကျနော်တို့ အတွက်တော့ တစ်ပတ်ကို ၂ ကြိမ်ကစားပြီး မြန်မြန်ဆန်ဆန် ကုန်ဆုံးသွား တာကြောင့် လူတိုင်းက ပြင်ဆင်ထားချင်ကြပါတယ်။ ဘာလို့လဲဆိုရင် ကျနော်တို့ဟာ လူတိုင်းကို လိုအပ်မှာဖြစ် လို့ပါ။ ကျနော့်ရဲ့ အာရုံစိုက်မှုကတော့ အာဆင်နယ်နဲ့ ဆုဖလားတွေရယူပြီး ကမ္ဘာ့ဖလားမှာ ပါဝင်ခွင့်ရဖို့ဖြစ်ပါတယ်”လို့ TNT Brazil ကို ပြောခဲ့တာပါ။
အာဆင်နယ်အသင်းက အက်သလက်တီကိုအသင်းကို ၄ ဂိုး-ဂိုးမရှိနဲ့ အနိုင်ရခဲ့တဲ့ ချန်ပီယံလိဂ်ပွဲစဉ်မှာ ၁ ဂိုးသွင်း ခဲ့တဲ့ မာတင်နယ်လီဟာ ဒီရာသီမှာ အာဆင်နယ်အသင်းအတွက် ချန်ပီယံလိဂ်သွင်းဂိုး ၃ ဂိုး အပါအဝင် ပြိုင်ပွဲစုံ ၄ ဂိုး သွင်းယူထားတာ ဖြစ်ပါတယ်။
မာတင်နယ်လီဟာ ၂၀၂၆ ကမ္ဘာ့ဖလားပြိုင်ပွဲမှာ ဘရာဇီးလ်အသင်း လူစာရင်းထဲ ပါဝင်ချင်တယ်ဆိုရင် သူ လက်ရှိ ပြသနေတဲ့ ပုံစံကောင်းကို ဆက်ပြီး ထိန်းသိမ်းဖို့ လိုအပ်တယ်ဆိုတာ သူလက်ခံထားပါတယ်။
မာတင်နယ်လီကို တွေ့ရစဉ်
အာဆင်နယ်အသင်းနဲ့ သူ့ရဲ့ ၇ ရာသီမြောက်ကို ဖြတ်သန်းနေတဲ့ မာတင်နယ်လီဟာ ၂၀၂၂ ကမ္ဘာ့ဖလားပြိုင်ပွဲမှာ ဘရာဇီးလ်အသင်းအတွက် ပါဝင်ခဲ့ပါတယ်။
မာတင်နယ်လီဟာ ပြီးခဲ့တဲ့ အောက်တိုဘာ နိုင်ငံတကာပွဲတွေမှာ ဘရာဇီးလ်အသင်း လူစာရင်းထဲ ပါဝင်ခွင့်ရခဲ့ပြီး ဂျပန်အသင်းကို ၃ ဂိုး-၂ ဂိုးနဲ့ အရေးနိမ့်ခဲ့တဲ့ ခြေစမ်းပွဲမှာ ပွဲထွက်လူစာရင်းထဲ ပါဝင်ကာ ၁ ဂိုးသွင်းယူခဲ့တာပါ။
အသက် ၂၄ နှစ်အရွယ်ရှိ မာတင်နယ်လီဟာ ဘရာဇီးလ်အသင်းအတွက် ၂၀၂၂ ခုနှစ်မှာ စတင် ပွဲထွက်ခွင့်ရခဲ့ပြီး ပွဲပေါင်း ၂၀ ပါဝင် ကစားထားတာမှာ ၃ ဂိုး သွင်းယူထားတာ ဖြစ်ပါတယ်။
Source: ESPN
