CNI Sport News
၂၀၂၅ ခုနှစ်၊ အောက်တိုဘာ ၈
ယူနိုက်တက်အသင်းဂန္ထဝင် ပေါ်လ်စခိုးလ်က သူဟာ ချယ်လ်ဆီးအသင်း ကွင်းလယ်လူ ကိုင်စီဒိုနဲ့ အာဆင်နယ် အသင်း ကွင်းလယ်လူ ဒီကလန်ရိုက်တို့ထက် နယူးကာဆယ်အသင်း ကွင်းလယ်လူ တိုနယ်လီကို ပိုပြီး နှစ်သက် တယ်လို့ ပြောခဲ့ပါတယ်။
တိုနယ်လီဟာ ၂၀၂၃ ခုနှစ်က အေစီမီလန်အသင်းကနေ ပေါင် ၅၅ သန်းနဲ့ ပြောင်းရွှေ့လာပြီးကတည်းက နယူးကာဆယ်အသင်းမှာ အဓိက ကစားသမားတစ်ဦးအဖြစ် သက်သေပြသနိုင်ခဲ့ပါတယ်။
တိုနယ်လီဟာ လောင်းကစား စည်းမျဉ်းချိုးဖောက်မှုကြောင့် ပွဲကစားခွင့် ပိတ်ပင်ခြင်း ခံခဲ့ရပေမယ့် ပွဲပယ်ပြည့် မြောက်လို့ နယူးကာဆယ်အသင်းအတွက် ပြန်ပါဝင်ကစားနိုင်ချိန်မှာ အကောင်းဆုံး စွမ်းဆောင်ပေးနိုင်ခဲ့ပြီး မနှစ်က ရာသီမှာ အသင်းကို ကာရာဘောင်းလိဂ်ဖလား ရယူပေးနိုင်ခဲ့သလို ချန်ပီယံလိဂ် ယှဉ်ပြိုင်ခွင့်ရရှိအောင် ကူညီပေးနိုင်ခဲ့ပါတယ်။
ဒီကလန်ရိုက်စ်နဲ့ ကိုင်စီဒိုတို့ကလည်း သူတို့ရဲ့ ကလပ်တွေဖြစ်တဲ့ အာဆင်နယ်နဲ့ ချယ်လ်ဆီးအသင်းတို့မှာ အကောင်းဆုံး စွမ်းဆောင်ရည်တွေ ပြသထားတာပါ။
တိုနယ်လီကိုတွေ့ရစဉ်
ဒီကလန်ရိုက်စ်ဟာ အာဆင်နယ်အသင်းကို ပရီးမီးယားလိဂ်ဆုဖလား စိန်ခေါ်နိုင်အောင် စွမ်းဆောင်ပေးထားပြီး ကိုင်စီဒိုက ချယ်လ်ဆီးအသင်းကို ကွန်းဖရန့်လိဂ်နဲ့ ဖီဖာကလပ်ကမ္ဘာ့ဖလား ရယူပေးနိုင်ခဲ့ပါတယ်။
ဒါပေမယ့် ပေါ်လ်စခိုးလ်က တိုနယ်လီကို ပိုပြီးနှစ်သက်နေတာပါ။
ပေါ်လ်စခိုးလ်က “တိုနယ်လီဟာ ထက်မြက်ပြီး အလွန်ကောင်းတာကြောင့် ဒီအချိန်မှာ သူ့ကို ကျနော်ရွေးချယ် ချင်ပါတယ်။ တိုနယ်လီဟာ ပရီးမီးယားလိဂ်ရဲ့ အကောင်းဆုံး ကွင်းလယ် ကစားသမားဖြစ်ပြီး သူ့ကို ပိုနှစ်သက် ပေမယ့် သူတို့တွေကလည်း ကောင်းမွန်တဲ့ ကစားသမားတွေပါ”လို့ ပြောခဲ့ပါတယ်။
အသက် ၂၅ နှစ်အရွယ်ရှိ တိုနယ်လီဟာ နယူးကာဆယ်အသင်းအတွက် ၆၅ ပွဲ ကစားထားပြီး ၇ ဂိုးသွင်းယူကာ လက်ရှိအချိန်မှာ ၂၀၂၆ ကမ္ဘာ့ဖလားခြေစစ်ပွဲ ယှဉ်ပြိုင်မယ့် အီတလီအသင်းနဲ့ ပူးပေါင်းပြီး ပြင်ဆင်မှုတွေ ပြုလုပ်နေတာ ဖြစ်ပါတယ်။
Source: metro
