CNI Sport News
၂၀၂၅ ခုနှစ်၊ အောက်တိုဘာ ၄
လီဗာပူးလ်အသင်းနဲ့ ပရီးမီးယားလိဂ် ပွဲစဉ်မှာ ကစားသမား ၇ ဦး ဒါမှမဟုတ် ၈ ဦး ဒဏ်ရာကြောင့် မပါဝင်ဘဲ ကစားရမှာက ချန်ပီယံဖြစ်ခဲ့တဲ့ ဖီဖာကလပ် ကမ္ဘာ့ဖလားပြိုင်ပွဲရဲ့ အကျိုးဆက်တွေလို့ ချယ်လ်ဆီးအသင်း နည်းပြ မာရက်စ်ကာက ပြောခဲ့ပါတယ်။
မာရက်စ်ကာက “PSG နဲ့ ချယ်လ်ဆီး အသင်းကသာ ဒဏ်ရာတွေ အများကြီးရခဲ့ရင် ဒါဟာ ကလပ်ကမ္ဘာ့ဖလား ပြိုင်ပွဲရဲ့ အကျိုးဆက် အချို့ပါ။ အခုအချိန်မှာ ကျနော်တို့ဟာ ခံစစ်ကစားသမား ၄ ဦး ဒါမှမဟုတ် ၅ ဦးလောက် အထိ မပါဝင်နိုင်ပေမယ့် ဒါကို လိုက်လျောညီထွေဖြစ်အောင် ကြိုးစားပြီး မှန်ကန်တဲ့အဖြေကို ရှာဖွေသွားရမှာပါ။ ဒါက ခက်ခဲပေမယ့် တစ်ချိန်တည်းမှာ ကျနော်တို့ဟာ ဒီမှာရှိနေတဲ့ သူတွေကို ယုံကြည်တယ်”လို့ ပြောခဲ့တာပါ။
လီဗာပူးလ်အသင်းနဲ့ပွဲစဉ်မှာ ချယ်လ်ဆီးအသင်းရဲ့ အဓိက ကစားသမားတွေဖြစ်တဲ့ ကိုးလ်ပါလ်မာ၊ ဒီလပ်၊ ဖိုဖာနာ၊ ကိုဝဲလ်၊ အန်ဒရေဆန်းတို့စ်နဲ့ တိုဆင်တို့ ဒဏ်ရာကြောင့် ပါဝင်နိုင်မှာ မဟုတ်သလို နောက်ခံလူ ချာလိုဘာကလည်း ပွဲပယ်ကြောင့် လွဲချော်မှာဖြစ်ပါတယ်။
ချယ်လ်ဆီးနဲ့ PSG အသင်းတို့ဟာ ဖီဖာကလပ် ကမ္ဘာ့ဖလားပြိုင်ပွဲ အပြီးမှာ ရာသီသစ်အတွက် ပြန်လည်ပြင်ဆင်မှု တွေ ပြုလုပ်ခဲ့ရတာကြောင့် အနားယူချိန် နည်းပါးခဲ့ကြတာပါ။
မာရက်စ်ကာကို တွေ့ရစဉ်
၂ သင်းစလုံးဟာ ပွဲတွေ အများအပြား ကစားရခဲ့တာကြောင့် ဒီရာသီအစပိုင်းမှာ ဒဏ်ရာတွေနဲ့ ရင်ဆိုင်နေရတာ ဖြစ်ပါတယ်။
ချယ်လ်ဆီးအသင်းနည်းပြ မာရက်စ်ကာကလည်း ကလပ် ကမ္ဘာ့ဖလားကြောင့် ဒဏ်ရာ အကျိုးဆက်တွေ ခံစားနေရကြောင့် ပြောခဲ့ပေမယ့် ဒဏ်ရာရ ကစားသမားတွေရဲ့ နေရာမှာ လူငယ် ကစားသမားတွေကို ထည့်ပြီး အသုံးပြုသွားမယ်လို့ ပြောခဲ့ပါတယ်။
ချယ်လ်ဆီးအသင်းဟာ ပြီးခဲ့တဲ့ ပရီးမီးယားလိဂ်ပွဲစဉ် ၂ ပွဲစလုံး ကစားသမား တစ်ဦးလျော့နဲ့ ကစားခဲ့ရသလို ချန်ပီယံလိဂ် ပွဲစဉ်မှာလည်း ကစားသမားတစ်ဦး ထပ်ပြီး ထုတ်ပယ်ခံခဲ့ရတာပါ။
ချယ်လ်ဆီးအသင်းဟာ နည်းပြ မာရက်စ်ကာ လက်ထက်မှာ အနီကတ် အများအပြား ပြသခံထားရပြီး စည်းကမ်း ပိုင်းဆိုင်ရာအပေါ် မေးခွန်းထုတ်မှုတွေ ရှိနေပေမယ့် သူကတော့ စည်းကမ်းပိုင်းနဲ့ဆိုင်တဲ့ ပြဿနာတွေကို သူ မတွေ့မိဘူးလို့ ပြောခဲ့ပါတယ်။
Source: The Guardian
