CNI Sport News
၂၀၂၅ ခုနှစ်၊ ဇူလိုင် ၂၆
ယူနိုက်တက်အသင်းနည်းပြ အာမိုရင်က အပယ်ခံ ကစားသမားတွေကို ထိုက်တန်တဲ့ ပြောင်းရွှေ့ကြေးနဲ့ မရောင်းချ နိုင်ရင် သူတို့ကို အသင်းလူစာရင်းထဲ ပြန်ခေါ်ဖို့ အသင့်ရှိတယ်လို့ ပြောခဲ့ပါတယ်။
အာမိုရင်က “နည်းစနစ်ဒါရိုက်တာ ဂျေဆန်နဲ့အမှုဆောင်ချုပ် အိုမာတို့က ဒီကစားသမားတွေအတွက် သတ်မှတ် ထားတဲ့ တန်ကြေးရှိပါတယ်။ ဒီတန်ကြေးကိုမရရင် သူတို့ဟာ ယူနိုက်တက် ကစားသမားတွေအဖြစ် ဆက်ရှိနေ မှာပါ။ ကျနော်တို့ဟာ ဒီကစားသမားတွေကို စဉ်းစားဆုံးဖြတ်ဖို့ အချိန်ပေးထားတာပါ။ ကလပ်အသင်းတွေက နောက်ဆုံး မိနစ်အထိ စောင့်နေကြတယ်ဆိုတာ ကျနော်နားလည်ပါတယ်။ ဒါပေမယ့် သူတို့မှာလည်း အံ့အားသင့် စရာတွေ ရှိနိုင်ပါတယ်။ ကျနော်ကတော့ ကစားသမားတွေကို လက်ခံဖို့အဆင်သင့်ပါပဲ”လို့ ပြောခဲ့တာပါ။
ယူနိုက်တက်အသင်းဟာ ဒီနွေရာသီ အပြောင်းအရွှေ့မှာ ထွက်ခွာခွင့် တောင်းဆိုထားတဲ့ ဂါနာချို၊ ဆန်ချို၊ အန်တိုနီ နဲ့ မာလာစီယာတို့ကို အသင်းသစ်ရှာဖွေဖို့ အချိန်ပေးထားပြီး အမေရိကန် ရာသီကြို ခရီးစဉ်မှာ ချန်လှပ်ခဲ့တာ ဖြစ်ပါတယ်။
ရက်ရှ်ဖို့ဒ်ကတော့ ဘာစီလိုနာအသင်းထံ အငှားနဲ့ ပြောင်းရွှေ့ခဲ့တာပါ။ ယူနိုက်တက်အသင်းဟာ ကစားသမားသစ် တွေ ဝယ်ယူနိုင်ဖို့အတွက် ဂါနာချို၊ အန်တိုနီ၊ ဆန်ချိုနဲ့ မာလာစီယာတို့ကို ရောင်းချနိုင်ဖို့ လိုအပ်နေတာ ဖြစ်ပါ တယ်။
အာမိုရင်ကို တွေ့ရစဉ်
နည်းပြအာမိုရင်က ဒီကစားသမားတွေကို အသင်းဘက်က သတ်မှတ်ထားတဲ့ ပြောင်းရွှေ့ကြေး မရရင် ရောင်းချမှာ မဟုတ်ဘဲ အသင်းရဲ့ လူစာရင်းထဲ ပြန်လည်ပူးပေါင်းရမယ်လို့ ပြောခဲ့တာပါ။
ဂါနာချို၊ ဆန်ချိုနဲ့ အန်တိုနီတို့ဟာ အသင်း အများအပြားရဲ့ ချိတ်ဆက်မှုတွေ ခံနေရပေမယ့် အခုအချိန်ထိ အပြောင်းအရွှေ့ အကောင်အထည်ဖော်နိုင်ခြင်း မရှိသေးတာ ဖြစ်ပါတယ်။
ယူနိုက်တက်အသင်းဟာ ဒီနွေရာသီ အပြောင်းအရွှေ့မှာ ကွန်ညာ၊ အမ်ဘူမိုနဲ့ ဒီယေဂိုလီယွန်တို့ကို အားဖြည့်ထား တာပါ။
ယူနိုက်တက်အသင်းဟာ တိုက်စစ်မှူးသစ် တစ်ဦးကို အားဖြည့်ဖို့ ကြိုးပမ်းနေပေမယ့် နည်းပြအာမိုရင်က သူ့မှာ တိုက်စစ်ပိုင်းအတွက် ရွေးချယ်စရာတွေ အများကြီးရှိကြောင်းနဲ့ ဒီလူစာရင်းနဲ့ ရာသီစတင် ရမယ်ဆိုရင်လည်း ပျော်ရွှင်မယ်လို့ ပြောခဲ့ပါတယ်။
Source: Dailymail
