CNI Sport News
၂၀၂၅ ခုနှစ်၊ ဧပြီ ၃
ယူနိုက်တက်အသင်းဟာ စပို့တင်းလစ္စဘွန်းအသင်း တိုက်စစ်မှူး ယိုကီရက်စ်ကို စိတ်ဝင်စားမှု အေးစက်သွား ခဲ့ပြီးနောက် အစ်စဝှစ်ချ်အသင်းကြယ်ပွင့် ဒီလပ်ကို ခေါ်ယူနိုင်ဖို့ စိတ်ဝင်စားနေပါတယ်။
စပို့တင်းလစ္စဘွန်းအသင်းကို ကိုင်တွယ်ခဲ့တဲ့ နည်းပြအာမိုရင် ယူနိုက်တက်အသင်းရဲ့ နည်းပြဖြစ်လာပြီးနောက် ယိုကီရက်စ်နဲ့ ယူနိုက်တက်အသင်းတို့ရဲ့ အပြောင်းအရွှေ့ သတင်းတွေ ထွက်ပေါ်ခဲ့တာပါ။
စပို့တင်းလစ္စဘွန်းအသင်းဟာ ယိုကီရက်စ်အတွက် မြင့်မားတဲ့ ပြောင်းရွှေ့ကြေး တောင်းဆိုမှုနဲ့ ကစားသမားက သူ့ရဲ့လုပ်ခလစာ တောင်းဆိုမှုတွေကြောင့် ယူနိုက်တက်အသင်းဟာ ဒီအခြေအနေကို စောင့်ကြည့်နေခဲ့တာ ဖြစ်ပါတယ်။
အာဆင်နယ်အသင်းဟာ ဘာတာကို အားကစားဒါရိုက်တာ အသစ်အဖြစ် ခန့်အပ်ခဲ့ပြီးနောက် ယိုကီရက်စ်ကို ခေါ်ယူဖို့စိတ်ဝင်စားမှု အရှိန်မြင့်လာခဲ့တာကြောင့် ယူနိုက်တက်အသင်းဟာ ဒီအပြောင်းအရွှေ့အတွက် အာဆင်နယ်အသင်းနဲ့ ယှဉ်ပြိုင်ရဖို့ရှိလာခဲ့တာပါ။
ယူနိုက်တက်အသင်း ခေါ်ယူဖို့ ယာထားတဲ့ ကစားသမားတွေကိုတွေ့ရစဉ်
ဒါပေမယ့် ပေါ်တူဂီသတင်းတွေမှာ ယိုကီရက်စ်ဟာ အာဆင်နယ်အသင်းထံ ပြောင်းရွှေ့ချင်နေတယ်လို့ ဖော်ပြခဲ့တာ ဖြစ်ပါတယ်။
ဒီအချိန်မှာ The Athletic က ယူနိုက်တက်အသင်းဟာ ဒီလပ်ကို သူတို့ရဲ့ ရွေးချယ်မှုတွေထဲက တစ်ခုအဖြစ် စိတ်ဝင်စားနေတယ်လို့ ဖော်ပြခဲ့တာပါ။
အစ်စဝှစ်ချ်အသင်းဟာ လာမယ့်ရာသီ ချန်ပီယံရှစ်ပြိုင်ပွဲထံ တန်းဆင်းခဲ့ရင် ယူနိုက်တက်အသင်းဟာ ဒီလပ်ကို ပေါင်သန်း ၄၀ နဲ့ ခေါ်ယူနိုင်မယ့် အလားအလာ ရှိနေတာဖြစ်ပါတယ်။
ယူနိုက်တက်အသင်းရဲ့ နည်းစနစ်ဒါရိုက်တာ ဝီလ်ကော့စ်နဲ့ ဒီလပ်တို့ဟာ မန်စီးတီးအကယ်ဒမီမှာ အတူလက်တွဲ လုပ်ဆောင်ခဲ့ပြီး သူတို့နှစ်ဦးကြားမှာ ခိုင်မာတဲ့ ဆက်ဆံရေးရှိနေခဲ့တာပါ။
အဲဒါကြောင့် ဝီလ်ကော့စ်ဟာ ဒီလပ်ကို ယူနိုက်တက်အသင်း ခေါ်ယူဖို့ ဘယ်လိုဆွေးနွေးမှုတွေမှာမဆို အဓိက အခန်းကဏ္ဍကနေ ပါဝင်နိုင်တာဖြစ်ပါတယ်။
ယူနိုက်တက်အသင်းရဲ့ တိုက်စစ်မှူးသစ် ခေါ်ယူမယ့် စာရင်းထဲမှာ လိုက်ပ်ဇစ်အသင်း တိုက်စစ်မှူး ဆက်စ်ကိုနဲ့ ဂါလာတာစာရေးအသင်းမှာ အငှားကစားနေတဲ့ အိုဆင်ဟမ်တို့လည်း ပါဝင်နေတာပါ။
ယူနိုက်တက်အသင်း နည်းပြအာမိုရင်ဟာ ပြီးခဲ့တဲ့ပွဲတွေက အသင်းရဲ့ တိုက်စစ်ပိုင်း အရည်အသွေးတွေကို စိတ်ပျက်နေပြီး ပိုပြီးကောင်းမွန်အောင် လုပ်ဆောင်ဖို့ ပြောထားတာဖြစ်ပါတယ်။
Source: Goal
