CNI Sport News
၂၀၂၅ ခုနှစ်၊ မတ်လ ၂၆
ယူနိုက်တက်အသင်း နည်းပြအာမိုရင်ဟာ အသင်းရဲ့ တိုက်စစ်ပိုင်းကို ပိုပြီးအားကောင်းအောင် လုပ်ဖို့အတွက် နွေရာသီမှာ စပို့တင်းလစ္စဘွန်းအသင်း တောင်ပံကစားသမား တီရင်ကာအိုကို ခေါ်ယူဖို့ စိတ်ဝင်စားနေပါတယ်။
ယူနိုက်တက်အသင်းဟာ နွေရာသီမှာ တောင်ပံ ကစားသမားတွေဖြစ်တဲ့ ရက်ရှ်ဖို့ဒ်၊ ဆန်ချိုနဲ့ အန်တိုနီတို့ကို ရောင်းချဖို့ ရှိနေတာကြောင့် တောင်ပံကစားသမားတွေကို ပြန်လည်အားဖြည့်ဖို့ ပြင်ဆင်နေတာပါ။
တီရင်ကာအိုဟာ နည်းပြအာမိုရင် စပို့တင်းလစ္စဘွန်းအသင်းကို ကိုင်တွယ်ခဲ့ချိန်မှာ အဓိက ကစားသမားအဖြစ် ပါဝင်ခဲ့ရတာ ဖြစ်ပါတယ်။
အဲဒါကြောင့် ယူနိုက်တက်အသင်းဟာ တီရင်ကာအိုကို ခေါ်ယူဖို့ အဓိကပစ်မှတ်အဖြစ် သတ်မှတ်ထားပြီး ပြောင်းရွှေ့ကြေး ပေါင် ၃၅ သန်းပေးချေဖို့ ရှိနေတာပါ။
အသက် ၂၅ နှစ်အရွယ်ရှိ တီရင်ကာအိုဟာ ပေါ်တူဂီအသင်းက ဒိန်းမတ်အသင်းကို ၅ ဂိုး-၂ ဂိုးနဲ့ အနိုင်ရခဲ့တဲ့ နေးရှင်းလိဂ် ကွာတားဖိုင်နယ် ဒုတိယအကျော့ပွဲစဉ်မှာ ခြေစွမ်းပြသပြီး ၂ ဂိုးသွင်းယူနိုင်ခဲ့ပါတယ်။
တီရင်ကာအိုကို တွေ့ရစဉ်
တီရင်ကာအိုဟာ ဝုလ်ဗ်စ်အသင်းမှာ တစ်ရာသီကြာ အငှားကစားခဲ့ဖူးတဲ့အတွက် အင်္ဂလိပ်ဘောလုံးလောကနဲ့ မစိမ်းတဲ့သူပါ။
တီရင်ကာအိုကို ခေါ်ယူဖို့ ယူနိုက်တက်အသင်း တစ်သင်းတည်း စိတ်ဝင်စားနေတာ မဟုတ်ဘဲ အာဆင်နယ်နဲ့ နယူးကာဆယ်အသင်းတို့ကလည်း စောင့်ကြည့်မှုတွေ ပြုလုပ်နေပါတယ်။
ဘာစီလိုနာအသင်းဟာ ပေါ်တူဂီ တောင်ပံကစားသမား တီရင်ကာအိုကို စပို့တင်းလစ္စဘွန်းအသင်းထံ ရောင်းချခဲ့ တုန်းက စာချုပ်ထဲမှာ ပေါင်သန်း ၂၀ ကျော်နဲ့ ပြန်လည်ခေါ်ယူနိုင်တဲ့ အချက်ထည့်သွင်းထားပါတယ်။
ယူနိုက်တက်အသင်းနည်းပြ အာမိုရင်ဟာ စပို့တင်းလစ္စဘွန်းအသင်းမှာ တီရင်ကာအိုရဲ့ တိုးတက်မှုတွေအတွက် အဓိကအခန်းကဏ္ဍကနေ ပါဝင်ခဲ့တာကြောင့် ကစားသမားကိုခေါ်ယူနိုင်ဖို့ မျှော်လင့်နေတာပါ။
တီရင်ကာအိုဟာ စပို့တင်းလစ္စဘွန်းအသင်းမှာ ပွဲပေါင်း ၁၄၃ ပွဲ ပါဝင်ကစားထားပြီး ၃၂ ဂိုးသွင်းယူကာ ပြီးခဲ့တဲ့ ရာသီက ပေါ်တူဂီလိဂ်ဖလား ရယူနိုင်ခဲ့တာဖြစ်ပါတယ်။
Source: besoccer
