CNI Sport News
၂၀၂၅ ခုနှစ်၊ မတ်လ ၂၆
ချယ်လ်ဆီးအသင်းပရိသတ်တွေက မဲပေးရွေးချယ်တဲ့ အသင်းရဲ့အချိန်တိုင်းအကောင်းဆုံးအသင်းမှာ ဒရော့ဘာနဲ့ ဟာဇက်တို့ ရွေးချယ်ခံခဲ့ရပါတယ်။
၁၉၀၅ ခုနှစ် မတ်လမှာ စတင်တည်ထောင်ခဲ့တဲ့ ချယ်လ်ဆီးအသင်းဟာ အခုလထဲမှာ နှစ်ပေါင်း ၁၂၀ ပြည့် သွားခဲ့ပြီဖြစ်ပါတယ်။
အဲဒါကြောင့် ဒီအထိမ်းအမှတ်ကို ဂုဏ်ပြုတဲ့အနေနဲ့ ပရိသတ်တွေက ရွေးချယ်တဲ့ အသင်းရဲ့ သမိုင်းတစ်လျှောက် အကောင်းဆုံးကစားသမား ၁၁ ဦးကို ချယ်လ်ဆီးအသင်းက ကြေညာမှု ပြုလုပ်ခဲ့တာ ဖြစ်ပါတယ်။
Chelsea's 'Team of 120' ကို ၄-၃-၃ ကစားကွက်နဲ့ ရွေးချယ်ခဲ့ပြီး ဂိုးသမားနေရာမှာ ပီတာချက်ကို ရွေးချယ်ခဲ့တာပါ။
နောက်တန်းနေရာမှာ အက်စ်ပီလီကွီတာ၊ဂျွန်တယ်ရီ၊သီယာဂိုဆေးလ်ဗားနဲ့ အက်ရှ်လေကိုးလ်၊ကွင်းလယ်မှာ လမ်းပတ်၊မက်ခီလီလီနဲ့ ကန်တီ၊ရှေ့တန်းမှာ ဟာဇက်၊ဒရော့ဘာနဲ့ ဇိုလာတို့ဖြစ်ပါတယ်။ ဒီကစားသမားတွေ အားလုံးထဲမှာ ဇိုလာတစ်ဦးတည်းသာ ပိုင်ရှင်ဟောင်း ရိုမန်အေဘရာမိုဗစ်ချ်ခေတ်မှာ မပါဝင်ခဲ့တဲ့ တစ်ဦးတည်း သော ကစားသမားဖြစ်ခဲ့တာပါ။
ကျန်ကစားသမားတွေဟာ ရိုမန်အေဘရာမိုဗစ်ချ်လက်ထက်မှာ ချယ်လ်ဆီး အသင်းအတွက် အောင်မြင်မှုတွေ အများအပြား ရယူပေးနိုင်ခဲ့ပါတယ်။
လက်ရှိချယ်လ်ဆီးအသင်းဟာ ဒီကစားသမားတွေနဲ့ အလွန်ဝေးကွာတဲ့ အဆင့်အတန်းမျိုးမှာ ရှိနေတာပါ။
နည်းပြ မာရက်စ်ကာကိုင်တွယ်နေတဲ့ ချယ်လ်ဆီးအသင်းဟာ ဒီရာသီ ပရီးမီးယားလိဂ်ပြိုင်ပွဲမှာ အမှတ်ပေးဇယားအဆင့် ၄ နေရာရပ်တည်နေပြီး ဆုဖလားရယူနိုင်ဖို့ တစ်ခုတည်းသော မျှော်လင့်ချက်ဖြစ်တဲ့ ကွန်းဖရန့်လိဂ်ပြိုင်ပွဲမှာ ကွာတားဖိုင်နယ်အဆင့်ကို ရောက်ရှိနေပါတယ်။
ချယ်လ်ဆီးအသင်းဟာ နိုင်ငံတကာပွဲစဉ်တွေအပြီးမှာ ပရီးမီးယားလိဂ်ပွဲစဉ်အဖြစ် စပါးအသင်းနဲ့ အိမ်ကွင်း ယှဉ်ပြိုင်ရမှာဖြစ်ပါတယ်။
Source:Goal
