CNI Sport News
၂၀၂၅ ခုနှစ်၊ ဇန်နဝါရီ ၂၈
ဝက်စ်ဟမ်းအသင်းဟာ အိုင်ယာလန်တိုက်စစ်မှူး အီဗန်ဖာဂူဆန်ကို ဘရိုက်တန်အသင်းကနေ အငှားနဲ့ခေါ်ယူနိုင်ဖို့ ရေပန်းအစားဆုံးဖြစ်နေတယ်လို့ ဗြိတိန်မီဒီယာတွေက ဖော်ပြထားပါတယ်။
အီဗန်ဖာဂူဆန်ကို ခေါ်ယူဖို့ ဂျာမနီကလပ်တွေနဲ့ စပါး၊ဘုန်းမောက်၊ဖူလ်ဟမ်နဲ့ အဲဗာတန်အသင်းတို့ကလည်း စိတ်ဝင်စားနေပေမယ့် ကစားသမားကတော့ နည်းပြဟောင်း ဂရေဟမ်ပေါ်တာနဲ့ ပြန်ပြီးလက်တွဲဖို့ စိတ်အား ထက်သန်နေတာပါ။
အသက် ၂၀ နှစ်အရွယ်ရှိ အီဗန်ဖာဂူဆန်ဟာ ဂရေဟမ်ပေါ်တာလက်ထက်တုန်းက ဘရိုက်တန်အသင်းမှာ ခြေစွမ်းပြသနိုင်ခဲ့ပါတယ်။
ဒါပေမယ့် အီဗန်ဖာဂူဆန်ဟာ ပြီးခဲ့တဲ့ရာသီတွေအတွင်းမှာ ဒဏ်ရာတွေနဲ့ရုန်းကန်ခဲ့ရပြီး ဘရိုက်တန်အသင်းမှာ ပုံမှန်ကစားခွင့်ဆုံးရှုံးနေခဲ့တာပါ။
အီဗန်ဖာဂူဆန်ဟာ ခြေချင်းဝတ်ဒဏ်ရာကနေ ပြန်သက်သာပြီးနောက် ဒီရာသီ ဘရိုက်တန်အသင်းရဲ့ပွဲထွက်လူစာရင်းမှာ ၂ ပွဲသာပါဝင်ခဲ့ရသလို ဒီဇင်ဘာက ကစားခဲ့တဲ့ ဝက်စ်ဟမ်းအသင်းနဲ့ ပွဲစဉ်မှာ လူစားလဲအဖြစ်ပါဝင်ပြီးနောက် အသင်းအတွက် ပါဝင်ကစားခွင့်မရရှိတာဖြစ်ပါတယ်။
ဝက်စ်ဟမ်းအသင်းဟာ တိုက်စစ်ကစားသမားတွေရဲ့ဒဏ်ရာကြောင့် ဇန်နဝါရီအပြောင်းအရွှေ့မပိတ်ခင်မှာ အသင်းရဲ့တိုက်စစ်ပိုင်းကို အားဖြည့်ဖို့ ဦးစားပေးရှာဖွေမှုတွေပြုလုပ်နေတာပါ။
ဝက်စ်ဟမ်းအသင်းနည်းပြ ဂရေဟမ်ပေါ်တာဟာ ပြီးခဲ့တဲ့ အက်စတွန်ဗီလာအသင်းနဲ့ ၁ ဂိုးစီသရေကျခဲ့တဲ့ပွဲမှာ ဆိုလာ၊ပါကွေတာနဲ့ ကူဒက်စ် တို့ကို တိုက်စစ်ကစားသမားတွေအဖြစ် အသုံးပြုခဲ့ရပါတယ်။
ဝက်စ်ဟမ်းအသင်းဟာ တိုက်စစ်မှူးတစ်ဦးဖြစ်တဲ့ ဒန်နီအင့်စ်ကို အရန်ကစားသမားအဖြစ်သာ အသုံးပြုနေခဲ့တာပါ။
ဝက်စ်ဟမ်းအသင်းဟာ အေဂျက်စ်အသင်းတိုက်စစ်မှူး ဘရော့ဘီနဲ့ မယ်ဒယ်ဘရော့အသင်းတိုက်စစ်မှူး လက်တီ တို့ကိုလည်း သူတို့ရဲ့ပစ်မှတ်စာရင်းထဲ ထည့်သွင်းထားခဲ့ပါတယ်။
ဝက်စ်ဟမ်းအသင်းဟာ ဒီရာသီ ပရီးမီးယားလိဂ် ပွဲစဉ် ၂၃ ပွဲကစားအပြီးမှာ ရမှတ် ၂၇ မှတ်နဲ့ အမှတ်ပေးဇယားအဆင့် ၁၄ နေရာမှာရပ်တည်နေတာဖြစ်ပါတယ်။
Source: DailyMail
