CNI Sport News
၂၀၂၄ ခုနှစ်၊ သြဂုတ် ၂၈
ဆော်ပေါ်လိုအသင်းနဲ့ ကိုပါလီဘာတေးဒိုးစ်ပွဲစဉ်မှာ ကွင်းထဲလဲကျခဲ့တဲ့ နေစီယွန်နယ်အသင်း နောက်ခံလူ အစ်ဇ်ကွီရာဒိုဟာ နှလုံးခုန်မမှန်တဲ့ ဝေဒနာကို ခံစားရပြီးနောက် ရက်အနည်းငယ်အကြာမှာ ကွယ်လွန်သွား ခဲ့ပါတယ်။
အသက် ၂၇ နှစ်အရွယ်ရှိ ဥရုဂွေးကစားသမားဟာ သြဂုတ် ၂၂ ရက်က ဘရာဇီးလ်မှာ ကျင်းပခဲ့တဲ့ ကိုပါလီဘာတေးဒိုးစ် ၁၆ သင်းအဆင့် ပွဲစဉ်ရဲ့ ပွဲချိန် ၈၄ မိနစ်မှာ သတိလစ်ပြီး ကွင်းထဲလဲကျသွားခဲ့တာပါ။
အဲဒါကြောင့် သူ့ကို Albert Einstein ဆေးရုံအထူးကြပ်မတ် ကုသဆောင်ကို ပို့ဆောင်ခဲ့ရပါတယ်။
အစ်ဇ်ကွီရာဒိုဟာ ဒီအဖြစ်အပျက် ပြီးကတည်းက ဆေးကုသမှု ခံယူခဲ့ရပေမယ့် အင်္ဂါနေ့ညက ဦးနှောက်သေပြီး ကွယ်လွန်သွားခဲ့တယ်လို့ ဆေးရုံက ပြောခဲ့တာပါ။
နေစီယွန်နယ်အသင်းဟာ နောက်ခံလူ အစ်ဇ်ကွီရာဒို ကွယ်လွန်သွားခဲ့တဲ့အတွက် အလွန်ဝမ်းနည်းကြေကွဲရ တယ်လို့ ကြေညာချက် ထုတ်ပြန်ခဲ့သလို ဆော်ပေါ်လိုအသင်းကလည်း ဘောလုံးလောကအတွက် ဝမ်းနည်းစရာ ကောင်းတဲ့ နေ့တစ်နေ့လို့ အသင်းရဲ့ပြောရေးဆိုခွင့်ရှိသူက ပြောခဲ့ပါတယ်။
အစ်ဇ်ကွီရာဒိုကို တွေ့ရစဉ်
အစ်ဇ်ကွီရာဒိုရဲ့ အဖြစ်အပျက် ဖြစ်ပြီးကတည်းက ဥရုဂွေးဟာ ဘောလုံးနဲ့ပတ်သက်တဲ့ လှုပ်ရှားမှုတွေ အားလုံးကို ရပ်ဆိုင်းထားခဲ့တာပါ။
တောင်အမေရိကဘောလုံးအဖွဲ့ချုပ်(CONMEBOL)အကြီးအကဲနဲ့ ဥရုဂွေးဝါရင့်တိုက်စစ်မှူး ဆွာရက်ဇ်တို့ဟာ အစ်ဇ်ကွီရာဒို ကွယ်လွန်သွားခဲ့တဲ့အတွက် ဝမ်းနည်းကြောင်း မက်ဆေ့ချ်တွေ ပေးပို့ခဲ့ကြပါတယ်။
အစ်ဇ်ကွီရာဒိုဟာ ဥရုဂွေးကလပ်တွေဖြစ်တဲ့ ကာရို၊ ပီနာရိုလ်၊ လီဗာပူးလ်အသင်းတွေမှာလည်း ကစားခဲ့ပြီး နေစီယွန်နယ်၊ လီဗာပူးလ်အသင်းတို့နဲ့ ဆုဖလားအောင်မြင်မှုတွေ ရယူနိုင်ခဲ့တာ ဖြစ်ပါတယ်။
Source: Goal
