CNI Sport News
၂၀၂၄ ခုနှစ်၊ ဩဂုတ် ၂၈
အင်္ဂလန်အသင်းခေါင်းဆောင် ဟာရီကိန်းက ဘိုင်ယန်မြူးနစ်အသင်းထံ ပြောင်းရွှေ့ခဲ့တာက သူ့ဘဝရဲ့ အကောင်းဆုံး ဆုံးဖြတ်ချက်တွေထဲကတစ်ခုလို့ ဥရောပရွှေဖိနပ်ဆုရယူအပြီးမှာ ပြောခဲ့ပါတယ်။
ဟာရီကိန်းက “ဘိုင်ယန်မြူးနစ်အသင်းထံ ပြောင်းရွှေ့ခဲ့တာဟာ ကျနော့်ဘဝမှာပြုလုပ်ခဲ့တဲ့ အကောင်းဆုံး ဆုံးဖြတ်ချက်တွေထဲက တစ်ခုပါ။ အခုထိ အချိန်တိုင်းကို ကျနော်ပျော်ရွှင်နေပါတယ်။ ကျနော်ဟာ ပြီးခဲ့တဲ့ရာသီက စတင်ခဲ့တဲ့ပုံစံအတိုင်းပဲ သွားချင်ပါတယ်။ ဒါပေမယ့် အရေးကြီးတာက ကျနော်တို့ ဆုဖလားတွေရယူနိုင်ဖို့ပါ။ အသင်းနဲ့အတူ ကျနော်တို့ အောင်မြင်မှုတွေရယူချင်တယ်” လို့ ပြောခဲ့တာပါ။
ဟာရီကိန်းဟာ ဘိုင်ယန်မြူးနစ်အသင်းအတွက် ပထမဆုံးကစားတဲ့ရာသီမှာ ဥရောပရွှေဖိနပ်ဆုကို ရယူနိုင်ခဲ့ပြီး ကလပ်ရဲ့ပြတိုက်မှာကျင်းပခဲ့တဲ့ အခမ်းအနားမှာ ဒီဆုကို လက်ခံရရှိခဲ့တာဖြစ်ပါတယ်။
အင်္ဂလန်အသင်း ခေါင်းဆောင်ဟာ ပြီးခဲ့တဲ့ရာသီမှာ ဆုဖလားမရယူနိုင်ခဲ့ပေမယ့် စပါးအသင်းကနေ ပြောင်းရွှေ့ခဲ့တဲ့အပေါ် နောင်တရခြင်းမရှိသလို ဘိုင်ယန်မြူးနစ်အသင်းထံ ပြောင်းခဲ့တာကို အကောင်းဆုံး ဆုံးဖြတ်ချက်တွေထဲက တစ်ခုလို့ ပြောခဲ့တာပါ။
ဟာရီကိန်းဟာ ပြီးခဲ့တဲ့ရာသီက ဘွန်ဒက်လီဂါကပြိုင်ပွဲမှာ ၃၆ ဂိုးသွင်းယူနိုင်ခဲ့ပြီး စတုဂတ်အသင်း တိုက်စစ်မှူးဟောင်း ဂူရာဆေး ၂၈ ဂိုးနဲ့ ဘတ်ပီ၊ဟာလန်း ၂၇ ဂိုးတို့ကို အသာရပြီး ဥရောပရွှေဖိနပ်ဆုကို ရရှိခဲ့တာဖြစ်ပါတယ်။
ဘိုင်ယန်မြူးနစ်အသင်းဟာ ပြီးခဲ့တဲ့ရာသီက ချန်ပီယံဖြစ်ခဲ့တဲ့ လေဗာကူဆင်အသင်းနဲ့ အမှတ်အများအပြားပြတ်ပြီး တတိယနေရာမှာ ရပ်တည်ခဲ့တာကြောင့် ဒီရာသီမှာ ကွန်ပနီကို နည်းပြသစ်အဖြစ် ခန့်အပ်ကာ အောင်မြင်မှုပြန်လည်ရယူနိုင်ဖို့ မျှော်လင့်နေတာပါ။
ဘိုင်ယန်မြူးနစ်အသင်းဟာ နည်းပြ ကွန်ပနီလက်ထက် ပိုကယ်ဖလားနဲ့ ဘွန်ဒက်လီဂါပွဲစဉ်တွေမှာ နိုင်ပွဲ ရယူ နိုင်ခဲ့ပြီး ဟာရီကိန်းဟာ ဒီ ၂ ပွဲမှာ ၁ ဂိုးသွင်းယူကာ ၂ ဂိုးဖန်တီးထားတာ ဖြစ်ပါတယ်။
Source:Goal
