CNI Sport News
၂၀၂၄ ခုနှစ်၊ ဇူလိုင် ၂၂
ပြီးခဲ့တဲ့ ကိုပါအမေရိကဖလားပြိုင်ပွဲမှာ ကိုလံဘီယာအသင်းအတွက် ခြေစွမ်းပြသနိုင်ခဲ့တဲ့ ဂျိမ်းစ်ရိုဒရီဂွက်ဇ်ဟာ ဘရာဇီးလ်ကလပ် ဆော်ပေါ်လိုအသင်းက ထွက်ခွာပြီး ဥရောပထံ ပြန်လာဖို့ စိတ်ဝင်စားနေပါတယ်။
ဂျိမ်းစ်ရိုဒရီဂွက်ဇ်ဟာ ကိုပါအမေရိကဖလားပြိုင်ပွဲမှာ ကိုလံဘီယာအသင်း ဒုတိယရရှိအောင် ဂိုးဖန်တီးမှု ၆ ကြိမ် ပြုလုပ်နိုင်ခဲ့ပြီး ဒီပြိုင်ပွဲရဲ့ အကောင်းဆုံး ကစားသမားဆုကို ရရှိခဲ့တာပါ။
ကိုလံဘီယာအသင်းနဲ့အတူ ပြန်တောက်ပခဲ့တဲ့ ဂျိမ်းစ်ရိုဒရီဂွက်ဇ်ဟာ ဆော်ပေါ်လိုအသင်းနဲ့ စာချုပ်ဖျက်သိမ်းပြီး ဥရောပမှာ ပြန်လည်ကစားဖို့အတွက် ကြိုးစားနေတယ်လို့ ဂျာနယ်လစ်တစ်ဦးဖြစ်တဲ့ ဂါစီယာက ပြောထား ပါတယ်။
ဂျိမ်းစ်ရိုဒရီဂွက်ဇ်က သူဟာ အမြင့်ဆုံးအဆင့် ပြိုင်ပွဲတွေမှာ ကစားနိုင်ကြောင်းကို ကိုပါအမေရိကဖလားပြိုင်ပွဲမှာ သက်သေပြသခဲ့ပြီး ဖြစ်ပါတယ်။
အဲဒါကြောင့် ကိုလံဘီယာကစားသမားကို ခေါ်ယူဖို့ ဥရောပကလပ် အသင်းအချို့က စိတ်ဝင်စားနေတာ ဖြစ်ပါ တယ်။
အပြောင်းအရွှေ့ ကျွမ်းကျင်သူ ဖာဘရီဇီယိုရိုမန်နိုက ဂျိမ်းစ်ရိုဒရီဂွက်ဇ်ဟာ ဥရောပထံ ပြန်သွားဖို့ကို နှစ်သက်နေ တယ်လို့ ပြောထားတာပါ။ ပြီးခဲ့တဲ့လအနည်းငယ်က ဂျိမ်းစ်ရိုဒရီဂွက်ဇ်ဟာ အသင်းဟောင်း အဲဗာတန်အသင်းထံ ပြန်လာနိုင်တယ်လို့ အရိပ်အမြွက် ပြောခဲ့ပါတယ်။
ဂျိမ်းစ်ရိုဒရီဂွက်ဇ်ကို တွေ့ရစဉ်
ဂျိမ်းစ်ရိုဒရီဂွက်ဇ်ဟာ သူ့ရဲ့ ပရော်ဖက်ရှင်နယ် ကစားသမားဘဝမှာ ပေါ်တို၊ မိုနာကို၊ ရီးရယ်လ်နဲ့ ဘိုင်ယန်မြူးနစ် အသင်းတွေမှာလည်း ကစားခဲ့ပြီး ချန်ပီယံလိဂ်ဖလား အပါအဝင် ဆုဖလားအောင်မြင်မှု အများအပြား ရယူနိုင်ခဲ့ တာပါ။
အသက် ၃၃ နှစ်အရွယ်ရှိ ကစားသမားဟာ အမြင်၊တီထွင် ဖန်တီးနိုင်စွမ်းနဲ့ ဂိုးသွင်းစွမ်းရည်တွေကြောင့် လူသိများ တဲ့သူဖြစ်ပြီး ကလပ်နဲ့ နိုင်ငံအသင်းမှာ အဓိက ကစားသမားအဖြစ် ရှိခဲ့ပါတယ်။
ဂျိမ်းစ်ရိုဒရီဂွက်ဇ်ဟာ ပြီးခဲ့တဲ့ ၂၀၂၃ ခုနှစ်၊ ဇူလိုင်ကမှ အိုလံပီယာကို့စ်အသင်းကနေ ဆော်ပေါ်လိုအသင်းထံ ၂ နှစ် စာချုပ်နဲ့ ပြောင်းရွှေ့ခဲ့တာပါ။
ဂျိမ်းစ်ရိုဒရီဂွက်ဇ်ဟာ ဆော်ပေါ်လိုအသင်းအတွက် ၂၂ ပွဲ ပါဝင်ကစားထားပြီး ၂ ဂိုး သွင်းယူထားကာ ဒီရာသီလိဂ် ပြိုင်ပွဲမှာ ၃၆ မိနစ်သာ ပါဝင်ကစားခွင့် ရရှိခဲ့ပါတယ်။
ဂျိမ်းစ်ရိုဒရီဂွက်ဇ်ဟာ ပြီးခဲ့တဲ့ရာသီက ဆော်ပေါ်လိုအသင်းနဲ့အတူ ဘရာဇီးလ် ရှုံးထွက်ဖလား ပြိုင်ပွဲမှာ ချန်ပီယံဆု ကို ရယူနိုင်ခဲ့တာဖြစ်ပါတယ်။
Source: Goal
