CNI Sport News
၂၀၂၃ ခုနှစ်၊ ဇူလိုင် ၁၅
ပေါ်တူဂီအသင်းခေါင်းဆောင် ရော်နယ်ဒိုဟာ မက်ဆီကို ကျော်ဖြတ်ပြီး ကမ္ဘာ့လစာအများဆုံး အားကစားသမား အဖြစ် ဂင်းနစ်စံချိန်တင်နိုင်ခဲ့ပါတယ်။
ရော်နယ်ဒိုဟာ Forbes ရဲ့ ကမ္ဘာ့လစာအများဆုံးအားကစားသမားစာရင်းမှာ ၂၀၁၇ ခုနှစ်နောက်ပိုင်း ပထမဆုံး အကြိမ် ထိပ်ဆုံးနေရာမှာ ရပ်တည်နိုင်ခဲ့တာပါ။ အယ်လ်နာဆာအသင်းကို ပြောင်းရွှေ့ပြီးကတည်းက ရော်နယ်ဒို ဟာ ဒေါ်လာ ၁၃၆ သန်း ရရှိခဲ့ပြီး ၂၀၂၃ ခုနှစ်အတွက် ဝင်ငွေအများဆုံးအားကစားသမားအဖြစ် ဂင်းနစ်ကမ္ဘာ့စံချိန် ကို တင်နိုင်ခဲ့တာဖြစ်ပါတယ်။
ဒီကိန်းဂဏန်းတွေကို ၂၀၂၃ ခုနှစ်၊ မေလ ၁ ရက်အထိ တစ်နှစ်စာ တွက်ချက်ခဲ့တာလို့ သိရပါတယ်။ ရော်နယ်ဒိုရဲ့ ဝင်ငွေတွေကို ကွင်းတွင်းနဲ့ကွင်းပြင်ပ ခွဲခြားထားတာမှာ ကွင်းတွင်းဝင်ငွေ ဒေါ်လာ ၄၆ သန်း၊ ကွင်းပြင်ပ ဝင်ငွေ ကတော့ ဒေါ်လာသန်း ၉၀ ရရှိခဲ့တာ ဖြစ်ပါတယ်။ ရော်နယ်ဒိုဟာ အယ်လ်နာဆာအသင်းကို ပြောင်းရွှေ့လာချိန်မှာ သူ့ရဲ့လစာဟာ ၂ ဆနီးပါးတိုးလာခဲ့တာဖြစ်ပေမယ့် Nike နဲ့ CR7 အမှတ်တံဆိပ်ကုန်ပစ္စည်းတွေ၊ စပွန်ဆာ သဘော တူညီမှုတွေကြောင့် သူ့ရဲ့ဝင်ငွေဟာ အများအပြားရရှိခဲ့တာပါ။
၂၀၂၂ ခုနှစ်က ဒီလိုမျိုးစံချိန်တင်နိုင်ခဲ့တဲ့ မက်ဆီဟာ ပီအက်စ်ဂျီအသင်းမှာ ကစားခဲ့တုန်းက တစ်နှစ်ပတ်လုံးဝင်ငွေ ဒေါ်လာသန်း ၁၃၀ ရရှိခဲ့တာပါ။ အာဂျင်တီးနားအသင်းခေါင်းဆောင်ဟာ ကွင်းတွင်းဝင်ငွေ ဒေါ်လာ ၆၅ သန်းနဲ့ ကွင်းပြင်ပဝင်ငွေ ဒေါ်လာ ၆၅ သန်းရရှိခဲ့တယ်လို့ အချက်အလက်တွေအရ သိရပါတယ်။ ဘတ်ပီကတော့ ဒေါ်လာ သန်း ၁၂၀ နဲ့ ရော်နယ်ဒို၊ မက်ဆီတို့ရဲ့ နောက်မှာ ရပ်တည်ခဲ့တာပါ။
နာမည်ကြီးဘတ်စကတ်ဘောကြယ်ပွင့် လီဘရွန်ဂျိမ်းစ်က ဒေါ်လာ ၁၁၉ သန်းနဲ့ စတုတ္တနေရာမှာ ရပ်တည်ခဲ့ ပေမယ့် ဘတ်စကတ်ဘော အားကစားသမားတွေထဲမှာတော့ ဝင်ငွေအကောင်းဆုံးအဖြစ် စံချိန်တင်နိုင်ခဲ့ပါတယ်။ ပဉ္စမနေရာမှာတော့ လက်ဝှေ့အားကစားသမား ကာနီလိုအယ်လ်ဗားရတ်ဇ်က ဒေါ်လာသန်း ၁၁၀ နဲ့ ရပ်တည်ခဲ့တာ ဖြစ်ပါတယ်။
Source:Goal
