CNI Sport News

၂၀၂၃ ခုနှစ်၊ မတ်လ ၂၈

အိုလံပစ်လူငယ် လက်ဝှေ့သမား ဂါလီနီချေ့ဗ်ဟာ ယူကရိန်းစစ်ပွဲမှာ ကျဆုံးသွားခဲ့တယ်လို့ The Sun က ဖော်ပြ ထားပါတယ်။

အသက် ၂၂ နှစ်အရွယ်ရှိ ဂါလီနီချေ့ဗ်ဟာ ယူကရိန်းအတွက် ၂၀၁၇ နဲ့ ၂၀၁၈ ဥရောပ လူငယ်ချန်ပီယံရှစ် ပြိုင်ပွဲတွေ မှာ ရွှေတံဆိပ်ဆု ရယူပေးနိုင်ခဲ့ပါတယ်။

အဲဒီနှစ်တွေမှာ နွေရာသီ လူငယ်အိုလံပစ်ပြိုင်ပွဲကို ပါဝင်ယှဉ်ပြိုင်ခဲ့တာပါ။ ယူကရိန်းအစိုးရအကြံပေး ဂျီရာရှန်ကို က ဂါလီနီချေ့ဗ် ကျဆုံးသွားခဲ့ပြီလို့ သူ့ရဲ့ ဆိုရှယ်မီဒီယာမှာ အတည်ပြုခဲ့တာ ဖြစ်ပါတယ်။

“အသက် ၂၂ နှစ်အရွယ်ရှိ ဥရောပလူငယ် လက်ဝှေ့ချန်ပီယံ ဂါလီနီချေ့ဗ်ဟာ လူဟန်ဒေသမှာ ယူကရိန်းကို ကာကွယ်ရင်း ကျဆုံးသွားခဲ့ပြီ ဖြစ်ပါတယ်။ ဂါလီနီချေ့ဗ်ဟာ စေတနာ့ဝန်ထမ်းအဖြစ် စာရင်းသွင်းခဲ့ပါတယ်။ သူဟာ ဒဏ်ရာတွေကနေ ပြန်ကောင်းလာပြီးနောက် ရှေ့တန်းကို နှစ်ကြိမ် ပြန်လာခဲ့ပါတယ်”လို့ ဂျီရာရှန်ကိုက ရေးသားခဲ့တာပါ။