CNI Sport News
၂၀၂၃ ခုနှစ်၊ ဖေဖော်ဝါရီ ၂၂
ဘာစီလိုနာအသင်းဥက္ကဋ္ဌ လာပေါ်တာဟာ ဒိုင်လူကြီးတွေကို ငွေပေးချေမှု အရှုပ်တော်ပုံတွေနဲ့ ပတ်သက်ပြီး ရာထူးကနေ နုတ်ထွက်မှာ မဟုတ်ဘူးလို့ ပြောလိုက်ပါတယ်။
လာပေါ်တာက “ဒါက ကလပ်အသင်းအဖွဲ့ဝင်တွေ ဆုံးဖြတ်ဖို့ပါ။ ဘာစီလိုနာရဲ့သမိုင်းကြောင်းနဲ့ ပုံရိပ်ကို ညှိုးနွမ်း သွားအောင် လုပ်ဖို့ ကြိုးစားတဲ့သူတိုင်းဟာ ပြင်းထန်တဲ့ တုန့်ပြန်မှုကို ရရှိမှာပါ” လို့ အင်္ဂါနေ့က ပြောခဲ့တာပါ။
စပိန်ဒိုင်လူကြီးများကော်မတီရဲ့ ဒုဥက္ကဋ္ဌဟောင်းတစ်ဦးဖြစ်တဲ့ ဟိုဆေးမာရီယာထံ ဘာစီလိုနာအသင်းက ငွေပေး ချေမှုနဲ့ပတ်သက်ပြီး လာပေါ်တာအနေနဲ့ မရှင်းပြနိုင်ဘူးဆိုရင် ရာထူးကနေ နုတ်ထွက်ဖို့ လာလီဂါ အကြီးအကဲ တီဘတ်စ်က ပြောထားတာပါ။လာပေါ်တာကတော့ တီဘတ်စ်ဟာ သူတို့အသင်းအပေါ်ကို အစွဲအလန်းကြီးနေ တယ်လို့ ပြောခဲ့ပါတယ်။ငွေပေးချေမှု အရှုပ်တော်ပုံတွေဟာ အင်္ဂါနေ့မှာ ကြီးထွားလာခဲ့ပြီး လာလီဂါအသင်း ၂၀ ထဲက ၁၈ သင်းဟာ ဒီအခြေအနေနဲ့ ပတ်သက်တဲ့ သူတိုရဲ့ စိုးရိမ်မှုကြီးမားမှုကို ဖော်ပြဖို့ ကြေညာချက် ထုတ်ပြန် ခဲ့ပါတယ်။
ပြီးခဲ့တဲ့အပတ်က ဘာစီလိုနာအသင်းဟာ ၂၀၁၆ ကနေ ၂၀၁၈ ကြားမှာ ဟိုဆေးမာရီယာ ပိုင်ဆိုင်တဲ့ ကုမ္ပဏီတစ်ခု ကို ယူရို ၁.၄ သန်းပေးချေခဲ့တယ်လို့ သတင်းထွက်ခဲ့တာပါ။ဒါ့အပြင် စပိန်ကလပ်ဟာ ဟိုဆေးမာရီယာကို ၂၀၀၁ ကနေ ၂၀၀၈ ကြားမှာ ယူရို ၇ သန်းခန့်ပေးချေခဲ့တယ်လို့ နောက်ပိုင်းသတင်းတွေမှာ ဖော်ပြထားတာ ဖြစ်ပါတယ်။ ဘာစီလိုနာအသင်းဟာ ဒီရာသီမှာ ဒုတိယနေရာက ရီးရယ်လ်အသင်းကို ၈ မှတ်ဖြတ်ပြီး ၄ နှစ်အတွင်း ပထမဆုံး အကြိမ် လာလီဂါဖလားကို ပြန်လည်ရယူနိုင်ဖို့ ပစ်မှတ်ထားနေပေမယ့် ဒီ အခြေအနေတွေက သူတို့ကို စိတ်ပျက် စရာ ဖြစ်ခဲ့ရတာပါ။
လာပေါ်တာက ငွေပေးချေမှုနဲ့ ပတ်သက်ပြီး ကလပ်အတွင်းပိုင်း စုံစမ်းစစ်ဆေးမှုတွေကို စတင်မှာဖြစ်ပြီး ရရှိထား တဲ့ အချက်အလက်တွေ အားလုံးကို ချပြမယ်လို့ ပြောခဲ့ပါတယ်။ဘာစီလိုနာအသင်းဟာ သောကြာနေ့ မနက်ပိုင်း မှာ ယူရိုပါလိဂ် ပလေးအောဖ့် ဒုတိယအကျော့ပွဲစဉ်အဖြစ် ယူနိုက်တက်အသင်းနဲ့ ယှဉ်ပြိုင်ရမှာပါ။ ပထမအကျော့ အဖြစ်ကစားခဲ့တုန်းက ၂ ဂိုးစီသရေကျခဲ့တာဖြစ်ပါတယ်။
Source:BBC
