CNI News
၂၀၂၅ ခုနှစ်၊ မတ်လ ၃၁
အိန္ဒိယနိုင်ငံ၏ အမျိုးသား သဘာဝဘေးအန္တရာယ် တုန့်ပြန်ရေးတပ်ဖွဲ့(NDRF) အဖွဲ့သည် သံဃာ ၁၇၀ ဝန်းကျင် ပိတ်မိနေသည့် မန္တလေးမြို့၊ မစိုးရိမ်ကျောင်းတိုက် ဦးလှသိန်း ဗိမာန်တိုးချဲ့ဆောင်၌ ကယ်ဆယ်ရေး လုပ်ငန်းများ ကို စတင်လုပ်ဆောင်နေပြီဖြစ်ကြောင်း အိန္ဒိယသံရုံးက ထုတ်ပြန်ခဲ့သည်။
ဦးလှသိန်း ဗိမာန်တိုးချဲ့ဆောင်တွင် စာဖြေသံဃာတော် ရာနှင့်ချီရှိပြီး စာဖြေနေစဉ် မတ်လ ၂၈ ရက်က ငလျင် လှုပ်ခတ်၍ ကျောင်းဆောင် ပြိုကျ၍ ပိတ်မိခဲ့သည်။
အိန္ဒိယဘက်က “၎င်းတို့သည် ခွေးနဲ့ ရှာဖွေမှုကို လုပ်ဆောင်ခဲ့ပါတယ်။ အခု ဘုန်းကြီးကျောင်းမှာ အရိပ်အယောင် မတွေ့ရပေ။ သေဆုံး ရုပ်အလောင်းတွေကိုပဲ ပြန်လည်တွေ့ရှိခဲ့တယ်” ဟု ပြောသည်။
ထို့နောက် စာဖြေသံဃာတော် ၉၀ ဝန်းကျင် ပျံလွန်တော်မူခဲ့ပြီး ကျန်ပိတ်မိနေသော သံဃာတော်များကို အိန္ဒိယ၏ NDRF တပ်ဖွဲ့က မတ်လ ၃၁ ရက်တွင် ကူညီကယ်ဆယ်ရေးလုပ်ငန်းများ စတင်ဆောင်ရွက်နေကြသည်။
အဆိုပါ ရှာဖွေကယ်ဆယ်ရေး လုပ်ငန်းကို အိန္ဒိယက ဗြဟ္မာစစ်ဆင်ရေးဟု အမည်ပေးထားသည်။
