CNI International News
ဝါရှင်တန်၊ နိုဝင်ဘာ ၁၀
အိမ်ဖြူတော် သတင်းစာ ရှင်းလင်းပွဲတွင် အမေရိကန်သမ္မတ ဘိုင်ဒန်က ရီပက်ဘလစ်ကန်များနှင့် လက်တွဲ လုပ်ဆောင်မည်ဟု ကတိ ပြုခဲ့သည်။
ထို့နောက် ဒီမိုကရက်တစ်ပါတီဝင်များ အပြိုင်အဆိုင် မဲဆွယ်မှုများကြားမှ မဲဆန္ဒရှင်ပြည်သူများ စိတ်ပျက်နေကြ သည်ကို နားလည်ပါကြောင်း ဘိုင်ဒန်က ဆက်လက် ပြောကြားခဲ့သည်။
အမေရိကန် ကြားဖြတ်ရွေးကောက်ပွဲကို နိုဝင်ဘာ ၈ ရက်မှ စတင်ပြီး ကျင်းပနေသည်။
ထို့နောက် နိုဝင်ဘာ ၉ ရက်၌ ရီပက်ဘလစ်ကန်များ အောက်လွှတ်တော်ထဲ၌ အများစု နေရာရဖို့ ပိုမိုနီးကပ် လာ နေသည်။
ရွေးကောက်ပွဲတွင် ဘိုင်ဒန်နဲ့ ထရမ့် အားပြိုင်မှုကို ပြသထားစဉ်
အလားတူ အမေရိကန် အထက်လွှတ်တော်ကိုလည်း ရီပက်ဘလစ်ကန်များ ထိန်းချုပ်နိုင်ရေးမှာ ဟန်ချက်ညီညီ ဖြစ်ခဲ့သည်။
ရီပက်ဘလစ်ကန်ပါတီသည် စိန်ခေါ်သူများကို ထိန်းချုပ်ရန် ကြိုးပမ်းနေသည့် နီဗားဒါးနှင့် အရီဇိုးနားပြည်နယ် များမှ အထက်လွှတ်တော် (ဆီးနိတ်)အတွက် ယှဉ်ပြိုင်မှုတွင် မဲအရေအတွက် ထောင်နှင့်ချီ၍ များပြားလွန်းလှ သဖြင့် ရက်များစွာတိုင်အောင် မဲရေတွက်မှု ပြီးစီးဦးမည် မဟုတ်ပေ။
အကယ်၍ ပါတီအသီးသီး၌ မဲများ ကွဲပြားသွားလျှင် အထက်လွှတ်တော်၏ ကံကြမ္မာသည် ဂျော်ဂျီယာပြည်နယ် တကျော့ပြန် ရွေးကောက်ပွဲ၌ နှစ်နှစ်အတွင်း ဒုတိယအကြိမ်အဖြစ် အလှည့်အပြောင်း ဖြစ်လာနိုင်သည်။
ဒီမိုကရက်တစ်ပါတီ ခေါင်းဆောင် ရာဖယ်ဝါးနော့ (Raphael Warnock) နှင့် ရီပက်ဘလစ်ကန် ခေါင်းဆောင် ဟာရှယ်ဝေါ့ကာာ (Herschel Walker) တို့သည် လာမည့် ဒီဇင်ဘာလ ၆ ရက်၌ မကျေပွဲ ဆက်နွှဲနိုင်ကြရန် လိုအပ် သည့် မဲပမာဏ ၅၀ ရာခိုင်နှုန်းအထိ ထိရောက်စွာ ရရှိနိုင်ဖွယ် မမြင်ကြောင်း အက်ဒီဆင်သုတေသနဌာန (Edison Research) က ခန့်မှန်းတွက်ချက် ထားသည်။
ရီပက်ဘလစ်ကန် အမတ်များသည် အောက်လွှတ်တော်ရှိ ဒီမိုကရက်တစ်များ ထိန်းချုပ်ရန် လိုအပ်သည့် နေရာ ၂၁၈ နေရာကို ဝင်ရောက်၍ အစားထိုး နေရာယူကြရန် ဦးတည်နေကြရာ ယခုအခါ နေရာ ၂၁၀ အထိ ရရှိလာနိုင် သည့် အလားအလားရှိကြောင်း အက်ဒီဆင်သုတေသနဌာနက ဆက်လက် ခန့်မှန်းထားသည်။
အမေရိကန်နိုင်ငံသားများ မဲပေးနေစဉ်
သို့သော် နိုင်ငံရေးပါတီဝင် မဟုတ်သည့် ထိပ်တန်းခန့်မှန်းသူများ၏ အကဲဖြတ်ချက်ကို အခြေခံ၍ ရိုက်တာ သတင်း ဌာနက သုံးသပ်ကြည့်ရာတွင် မဲပြိုင်ဆိုင်မှု ၅၃ ခုအနက် ၂၁ ခုမှာ နိုဝင်ဘာ ၉ ရက် ညနေပိုင်းအထိ ဆိုင်းငံ့နေဆဲ ဖြစ်ကြောင်း တွေ့ရှိရသည်။
သို့ဖြစ်၍ နောက်ဆုံး မဲရလဒ်ကို အချိန်အတန်ကြာအောင် မသိရှိနိုင်သေးပေ။
အောက်လွှတ်တော် အမတ်အများစုသည်ပင်လျှင် ဒီမိုကရက်တစ်ပါတီမှ သမ္မတ ဂျိုးဘိုင်ဒန်ကို လာမည့် နှစ်နှစ် အတွင်း ရီပက်ဘလစ်ကန်များ၏ အဟန့်အတား ပေါ်ပေါက်စေရန် ခွင့်ပြုပေးမည်ဖြစ်ပြီး ဘိုင်ဒန်အပေါ် ဥပဒေအရ ပိတ်ဆို့မှုများနှင့် နိုင်ငံရေးအရ ထိခိုက်စေသော စုံစမ်းစစ်ဆေးမှုများကို စတင်လုပ်ဆောင်စေသည်။
Source: Reuters
