CNI Sport News

၂၀၂၂ ခုနှစ်၊ ဧပြီ ၂၅

တိုင်ဆန်ဗျူရီနဲ့ အန်ဂါနူ တို့ဟာ လက်ဝှေ့နဲ့ UFC တို့ ပေါင်းစပ်ထားတဲ့ စည်းမျဉ်းများနဲ့ ယှဉ်ပြိုင်ထိုးသတ်ဖို့ သဘောတူထားတယ်လို့ ပြောလိုက်ပါတယ်။

တိုင်ဆန်ဗျူရီ ဟာ စနေနေ့ညပိုင်းက WBC ချန်ပီယံဆု ကာကွယ်တဲ့ပွဲစဉ်မှာ ဒီလီယန်ဝှိုက် ကို အလဲထိုးနဲ့ အနိုင်ရပြီး ချန်ပီယံဆုကို ကာကွယ်နိုင်ခဲ့တာပါ။တိုင်ဆန်ဗျူရီ ဟာ ဒီပွဲထိုးသတ်တဲ့ သီတင်းပတ်တစ်လျှောက်လုံး သူ့ရဲ့ နောက်ဆုံးပွဲလို့ ပြောခဲ့သလို ပွဲအပြီးမှာလည်း ဇနီးသည်ဖြစ်သူကို ကတိပေးထားတာကြောင့် ပရော်ဖက်ရှင် လက်ဝှေ့လောက ကနေအနားယူမယ်လို့ ထပ်မံပြောခဲ့တာဖြစ်ပါတယ်။ဒါပေမယ့် တိုင်ဆန်ဗျူရီ ဟာ အမြတ် အစွန်းအများအပြားရမယ့်ပွဲအတွက် အန်ဂါနူနဲ့အတူ ကြိုးဝိုင်းထဲ ဝင်ရောက်ဖို့ ရှိနေခဲ့တာပါ။

သူတို့နှစ်ဦးစလုံးဟာ ESPN နဲ့ စကားပြောတဲ့အချိန်မှာ သူရုပ်ပြပွဲထိုးသတ်မယ့် အစီအစဉ်ကို အတည်ပြုခဲ့တာပါ။ တိုင်ဆန်ဗျုရီ က “ဒါဟာ ကျနော်တို့ အားကစားပွဲတွေမှာ အရင်က မြင်ခဲ့ဖူးသမျှနဲ့မတူဘဲ အလွန်ထူးခြား ကောင်းမွန်တဲ့ တိုက်ပွဲတစ်ပွဲဖြစ်လာမှာပါ။ဒီပွဲဖြစ်တဲ့အချိန်မှာ အလွန်ပေါက်ကွဲတဲ့ ပွဲဖြစ်လာမှာပါ”လို့ ပြောခဲ့ ပါတယ်။

အန်ဂါနူ ကတော့ “ဒါဟာ လက်ဝှေ့ကြိုးဝိုင်းထဲမှာ MMA လက်အိတ်တွေနဲ့ ထိုးသတ်ကြမှာဖြစ်ပြီး မတူညီတဲ့ စည်းမျဉ်းတွေကို ပေါင်းစပ်ကြမှာပါ။သေချာတာကတော့ (၂၀၂၃)မှာ ဒီထိုးသတ်ပွဲဖြစ်လာမှာပါ။ဒီနှစ်မကုန်ခင်မှာ ဒါကို ပြေလည်သွားအောင်လုပ်ဖို့ စီစဉ်ထားရမယ်”လို့ ပြောခဲ့တာဖြစ်ပါတယ်။

တိုင်ဆန်ဗျူရီ ဟာ လက်ဝှေ့လောက ကနေ ထွက်ခွာချင်တဲ့ သူ့ရဲ့ဆန္ဒတွေကို ထပ်မံပြောခဲ့ပေမယ့် အန်ဂါနူနဲ့ ထိုးသတ်မယ့် သရုပ်ပြပွဲလို ပွဲမျိုးတွေကိုတော့ ထိုးသတ်ဖို့ လမ်းဖွင့်ထားတယ်လို့ ပြောခဲ့တာဖြစ်ပါတယ်။

"သရုပ်ပြပွဲတွေနဲ့ပတ်သက်ပြီး ကျနော်မငြင်းချင်ပါဘူး။အဲဒီမှာ မေဝယ်လ်သာ ရဲ့ ပိုက်ဆံတချို့ကိုယူချင်တယ်။ ပြီးရင် ပျော်ရွှင်ချင်ပါတယ်။ကျနော်ဟာ ဖျော်ဖြေရေးသမားဆိုတော့ ပျော်ရွှင်ချင်ပါတယ်”လို့ ပြောခဲ့ပါတယ်။

အသက်(၃၃)နှစ်အရွယ်ရှိ တိုင်ဆန်ဗျူရီ ဟာ ပရော်ဖက်ရှင်နယ် လက်ဝှေ့သမားဘဝမှာ ပွဲပေါင်း(၃၃)ပွဲ ထိုး သတ်ခဲ့ပြီး (၃၂)ပွဲအနိုင်ရကာ (၁)ပွဲသရေကျခဲ့တာပါ။ဗြိတိန်လက်ဝှေ့သမားဟာ IBF,WBO,WBAနဲ့ WBC စတဲ့ အဓိက ချန်ပီယံဆု(၄)ခုကို ရယူနိုင်ခဲ့တာဖြစ်ပါတယ်။

Source:Metro