CNI Sport News
၂၀၂၆ ခုနှစ်၊ ဧပြီ ၂၉
နွေရာသီမှာကျင်းပမယ့် ကမ္ဘာ့ဖလားပြိုင်ပွဲမှာ ပြိုင်ဘက်ကစားသမားတွေနဲ့ ထိပ်တိုက်ရင်ဆိုင်ချိန် ပါးစပ်ကို အုပ်ပြီး စကားပြောတဲ့ ကစားသမားတွေဟာ အနီကတ်ပြသပြီး ထုတ်ပယ်ခံရမယ်လို့ အတည်ပြုခဲ့ပါတယ်။
ပြီးခဲ့တဲ့ ဖေဖော်ဝါရီလက ဘင်ဖီကာနဲ့ရီးရယ်လ်အသင်းတို့ရဲ့ချန်ပီယံလိဂ်ပွဲမှာ ဘင်ဖီကာ အသင်းကြယ်ပွင့် ပရက်စ်တီယန်နီဟာ ရီးရယ်လ်အသင်းက ဗီနီစီးယက်စ်နဲ့ စကားပြောချိန် ပါးစပ်ကို အင်္ကျီနဲ့အုပ်ပြီး ပြောခဲ့တာပါ။
အဲဒါကြောင့် ပရက်စ်တီယန်နီဟာ လူမျိုးရေးခွဲခြားမှုပြုလုပ်ခဲ့တယ်ဆိုပြီး စွပ်စွဲခံရကာ အရေးယူခြင်းခံခဲ့ရပါတယ်။
နွေရာသီမှာကျင်းပမယ့် ကမ္ဘာ့ဖလားပြိုင်ပွဲမှာတော့ ဒီလိုမျိုးဖြစ်ရပ်ဖြစ်ခဲ့ရင် အနီကတ်ပြသမယ်လို့ ဗန်ကူးဗားမှာ ပြုလုပ်ခဲ့တဲ့ နိုင်ငံတကာဘောလုံးဘုတ်အဖွဲ့အစည်းအဝေးမှာ စည်းမျဉ်းတွေကို တညီတညွတ်တည်း သဘောတူညီ ခဲ့တာပါ။
IFAB ရဲ့ကြေညာချက်မှာ ပြိုင်ပွဲစီစဉ်သူရဲ့ဆုံးဖြတ်ချက်အရ ပြိုင်ဘက်နဲ့ ထိပ်တိုက်ရင်ဆိုင်ရမယ့် အခြေ အနေမှာ ပါးစပ်ကို အုပ်ထားတဲ့ ဘယ်ကစားသမားမဆို အနီကတ်ပြခံရမယ်လို့ ဖော်ပြခဲ့ပါတယ်။
ဒါ့အပြင် ဒိုင်လူကြီးရဲ့ဆုံးဖြတ်ချက်ကို ဆန့်ကျင်ပြီး ကွင်းထဲကနေ ထွက်ခွာခဲ့တဲ့ ကစားသမားတွေလည်း အရေးယူ ခံရမှာပါ။
ပြီးခဲ့တဲ့ဇန်နဝါရီလက မော်ရိုကိုနဲ့ဆီနီဂေါအသင်းတို့ယှဉ်ပြိုင်ခဲ့တဲ့ အာဖရိကဖလားဗိုလ်လုပွဲမှာ ဆီနီဂေါ အသင်းကစားသမားတွေဟာ အိမ်ရှင်မော်ရိုကိုအသင်းကို ပယ်နယ်တီပေးခဲ့တဲ့ ကွင်းလယ်ဒိုင်လူကြီးရဲ့ ဆုံးဖြတ်ချက်ကို ဆန့်ကျင်တဲ့အနေနဲ့ ကွင်းထဲကနေ ထွက်ခွာခဲ့ပါတယ်။
ဒီနောက်ပိုင်းမှာ ဆီနီဂေါအသင်းကစားသမားတွေ ကွင်းထဲပြန်ဝင်ကာ ပွဲပြန်ကစားပြီး အချိန်ပိုမှာ အနိုင်ဂိုးသွင်း ယူကာ ချန်ပီယံဆုရရှိခဲ့တာပါ။
နွေရာသီမှာကျင်းပမယ့် ကမ္ဘာ့ဖလားပြိုင်ပွဲမှာ ဒီလိုဖြစ်ရပ်ဖြစ်ခဲ့ရင် ကွင်းထဲကနေ ထွက်ခွာတဲ့သူတွေဟာ အရေးယူခံရမှာဖြစ်သလို ပွဲကိုလည်း အရှုံးပေးရမှာဖြစ်ပါတယ်။
Source: ESPN
