CNI Sport News
၂၀၂၆ ခုနှစ်၊ ဖေဖော်ဝါရီ ၇
ဇန်နဝါရီအပြောင်းအရွှေ့မှာ အာဆင်နယ်အသင်းရဲ့ ချဉ်းကပ်မှုကို ငြင်းခဲ့တဲ့ ဘိုင်ယန်မြူးနစ်အသင်း ကွင်းလယ်လူ ဂေါ်ရက်ဇ်ကာဟာ နွေရာသီမှာ ပရီးမီးယားလိဂ်ထံလာဖို့ စိတ်အား ထက်သန်နေပါတယ်။
ဘိုင်ယန်မြူးနစ်အသင်းဟာ ဒီရာသီကုန်ရင် စာချုပ်ကုန်ဆုံးမယ့် ဂေါ်ရက်ဇ်ကာ အသင်းကနေ အလွတ်နဲ့ ထွက်ခွာ မယ်လို့ ကြေညာထားတာပါ။
အက်သလက်တီကိုအသင်းကလည်း ဂေါ်ရက်ဇ်ကာကို ဇန်နဝါရီမှာ ခေါ်ယူဖို့ ကြိုးပမ်းခဲ့ပေမယ့် သူကတော့ ရာသီကုန်ချိန်မှသာ ဘိုင်ယန်မြူးနစ်အသင်းကနေ ထွက်ခွာဖို့ ဆန္ဒရှိခဲ့တာဖြစ်ပါတယ်။
BILD က အာဆင်နယ်အသင်းဟာ ဇန်နဝါရီမှာ ခေါ်ယူဖို့ အဆင်မပြေခဲ့တဲ့ ဂေါ်ရက်ဇ်ကာကို အလွတ် ပြောင်းရွှေ့ ကြေးနဲ့ ခေါ်ယူနိုင်ဖို့ ကြိုးစားနေဆဲလို့ ဖော်ပြထားတာပါ။
ဂေါ်ရက်ဇ်ကာကို တွေ့ရစဉ်
အေစီမီလန်၊ ဂျူဗင်တပ်စ်နဲ့ နာပိုလီအသင်းတို့ကလည်း စိတ်ဝင်စားနေတဲ့အတွက် ဂေါ်ရက်ဇ်ကာဟာ ဘိုင်ယန်မြူးနစ်အသင်းကနေ ထွက်ခွာအပြီးမှာ ရွေးချယ်စရာတွေ အများကြီး ရှိနေတာဖြစ်ပါတယ်။
ဒါပေမယ့် ဂေါ်ရက်ဇ်ကာက သူ့ရဲ့ကစားပုံ စတိုင်ဟာ ပရီးမီးယားလိဂ်နဲ့ အဆင်ပြေမယ်လို့ ယုံကြည်မှုရှိနေပါတယ်။
BILD က ဂေါ်ရက်ဇ်ကာဟာ နွေရာသီမှာ အနားယူပြီးရင် သူပြောင်းရွှေ့မယ့်အသင်းကို ရှာဖွေဖို့ ဆုံးဖြတ်ထားသလို အင်္ဂလန်က သူအနှစ်သက်ဆုံး နေရာတစ်ခု ဖြစ်တဲ့အတွက် အာဆင်နယ်အသင်းအပြင် အခြားရွေးချယ် စရာတွေ လည်း ရှိနိုင်တယ်လို့ ပြောထားပါတယ်။
အသက် ၃၁ နှစ်အရွယ်ရှိ ဂေါ်ရက်ဇ်ကာဟာ ဘိုင်ယန်မြူးနစ်အသင်းမှာ ၈ ရာသီကြာရှိခဲ့ပြီး ဘွန်ဒက်လီဂါဖလား ၆ ကြိမ်၊ ပိုကယ်ဖလား ၂ ကြိမ်၊ ချန်ပီယံလိဂ်ဖလား ၁ ကြိမ် အပါအဝင် ဆုဖလားပေါင်း ၁၅ ခုရယူထားတာ ဖြစ်ပါတယ်။
Source: Metro
