CNI Sport News
၂၀၂၆ ခုနှစ်၊ ဖေဖော်ဝါရီ ၇
ပြီးခဲ့တဲ့ကာရာဘောင်းဖလား ဆီမီးဖိုင်နယ် ဒုတိယအကျော့ ပွဲမတိုင်မီ သွေးပူလေ့ကျင့်မှု ပြုလုပ်တဲ့ အချိန်အတွင်း အာဆင်နယ်အသင်းဟာ လေးစားမှု မရှိခဲ့ဘူးလို့ ချယ်လ်ဆီးအသင်းနည်းပြ ရိုစီနီယာက စွပ်စွဲခဲ့ပြီးနောက် အာတီတာက တောင်းပန်ခဲ့ပါတယ်။
အာတီတာက “ကျနော် မသိပါဘူး၊ ဒါက သူ့ရဲ့အမြင်ပါ။ ကျနော်တို့ဟာ လူတိုင်းကို လေးစားမှု ရှိပါတယ်။ ကျနော် တို့ထဲက တစ်ဦးက သူတို့ဘက် ရောက်သွားတယ်ဆိုရင်တော့ ကျနော် တောင်းပန်ပါတယ်။ ဂိုးသမားတွေက အဝေး ဘော ကန်ရတာကြောင့်လည်း ဒီလိုမျိုး ဖြစ်သွားနိုင်ပါတယ်။ ကျနော်တို့ ရည်ရွယ်ချက်ရှိရှိ လုပ်ခဲ့တာ မဟုတ်တဲ့ အတွက် မှတ်ချက် မပေးချင်ပါဘူး”လို့ ပြောခဲ့တာပါ။
အာဆင်နယ်အသင်းက ၁ ဂိုး-ဂိုးမရှိနဲ့ အနိုင်ရခဲ့တဲ့ ဒီပွဲမှာ အာဆင်နယ်အသင်းဘက်က သူတို့ဘက်အခြမ်းကို ကျော်ပြီး လေ့ကျင့်မှု ပြုလုပ်နေတာကြောင့် ချယ်လ်ဆီးအသင်းနည်းပြ ရိုစီနီယာက ကိုယ့်ဘက်အခြမ်းမှာ ကိုယ်လေ့ကျင့်မှု ပြုလုပ်ဖို့ ပြောနေတဲ့ ရုပ်သံဖိုင် ထွက်ပေါ်ခဲ့ပါတယ်။
အာဆင်နယ်အသင်း ယှဉ်ပြိုင်နေစဉ်
ရိုစီနီယာက အာဆင်နယ်အသင်းရဲ့ လုပ်ဆောင်မှုကြောင့် သူတို့ရဲ့ သွေးပူ လေ့ကျင့်မှုကို ထိခိုက်စေခဲ့ပြီး လေးစားမှု ကင်းမဲ့ခဲ့တယ်လို့ ပွဲအပြီးမှာ ပြောခဲ့တာပါ။
အာဆင်နယ်အသင်းဟာ ဒီပွဲမှာ ကိုင်ဟာဗက်ဇ်ရဲ့ နောက်ကျသွင်းဂိုးနဲ့ ချယ်လ်ဆီးအသင်းကို အနိုင်ရခဲ့ပြီး နှစ်ကျော့ပေါင်း ရလဒ် ၄ ဂိုး-၂ ဂိုးနဲ့ ကာရာဘောင်းဖလား ဗိုလ်လုပွဲကို တက်နိုင်ခဲ့ပါတယ်။
အာဆင်နယ်အသင်းနည်းပြ အာတီတာက ဆန်းဒါးလန်းအသင်းနဲ့ ယှဉ်ပြိုင်ရမယ့် ပရီးမီးယားလိဂ်ပွဲမှာ ဆာလောင် မှု၊ ကတိကဝတ်တွေနဲ့ ကစားသွားမှာဖြစ်ပြီး ဒီလိုမျိုးသာလုပ်နိုင်ရင် အသင်းဟာ ပွဲတိုင်းအနိုင်ရဖို့ ကြီးမားတဲ့ အခွင့်အရေး ရှိတယ်လို့ ပြောခဲ့ပါတယ်။
ကြွက်သားဒဏ်ရာ ခံစားနေရတဲ့ အသင်းခေါင်းဆောင် အိုဒီဂတ်ဟာ လာမယ့်ရက် အနည်းငယ်အတွင်း ပြန် ကစားနိုင်မှာဖြစ်ပြီး တင်ဘာနဲ့ဆာကာတို့ ဆန်းဒါးလန်းအသင်းနဲ့ပွဲမှာ အာဆင်နယ်အသင်းအတွက် ပါဝင်နိုင်ဖို့ ရှိနေပါတယ်။
Source: ESPN
