CNI Sport News
၂၀၂၅ ခုနှစ်၊ အောက်တိုဘာ ၁၃
ပြင်သစ်ကြယ်ပွင့်ဘတ်ပီက ပေါ်တူဂီအသင်းခေါင်းဆောင် ရော်နယ်ဒိုဟာ သူ့ရဲ့အမြဲတမ်း စံပြပုဂ္ဂိုလ်ဖြစ်သလို သူဟာ ရီးရယ်လ်အသင်းမှာ နံပါတ်တစ်အဖြစ်ရှိနေဆဲလို့ Movistar နဲ့ ပြုလုပ်ခဲ့တဲ့ အင်တာဗျူးမှာ ပြောခဲ့ပါတယ်။
ဘတ်ပီက “ခရစ္စတီယာနိုဟာ ကျနော့်အတွက်တော့ အမြဲတမ်း စံပြပုဂ္ဂိုလ်တစ်ဦးပါ။ သူနဲ့စကားပြောရတာ ကံကောင်းပြီး သူဟာ ကျနော့်ကို အကြံဉာဏ်တွေလည်း ပေးသလို အကူအညီတွေလည်းပေး ပါတယ်။ သူဟာ မက်ဒရစ်မှာ နံပါတ်တစ်အဖြစ် ရှိနေဆဲလို့ ကျနော်ထင်ပါတယ်။ ပရိသတ်တွေက ရော်နယ်ဒိုကို အိပ်မက် မက်နေ ဆဲဖြစ်ပေမယ့် ကျနော်ကတော့ ကိုယ့်လမ်းကိုယ်လျှောက်ချင်ပါတယ်”လို့ ပြောခဲ့တာပါ။
ဘတ်ပီရဲ့ငယ်ဘဝ Idol တစ်ဦးဖြစ်တဲ့ ရော်နယ်ဒိုဟာ ရီးရယ်လ်အသင်းမှာ ၂၀၀၉ ကနေ ၂၀၁၈ ခုနှစ်အထိ ၉ ရာသီကြာ ကစားခဲ့ပြီး သွင်းဂိုး ၄၅၀ သွင်းယူကာ ချန်ပီယံလိဂ်ဖလား ၄ ကြိမ် အပါအဝင် ဆုဖလားပေါင်း ၁၆ ခု ရယူနိုင်ခဲ့တာ ဖြစ်ပါတယ်။
ဘတ်ပီကို တွေ့ရစဉ်
ဘတ်ပီကလည်း လက်ရှိအချိန်မှာ ရော်နယ်ဒိုရဲ့ ခြေရာအတိုင်း လိုက်လုပ်နိုင်ဖို့ မျှော်လင့်နေပြီး ရီးရယ်လ်အသင်း ကစားသမားဘဝ ပွဲဦးထွက်ခဲ့တဲ့ ပြီးခဲ့တဲ့ရာသီမှာ ၄၄ ဂိုး သွင်းယူနိုင်ခဲ့ပါတယ်။
ဘတ်ပီဟာ ဒီရာသီမှာလည်း အကောင်းဆုံး ခြေစွမ်းပြသနေပြီး ရီးရယ်လ်အသင်းအတွက် ကစားထားတဲ့ ၁၀ ပွဲမှာ ၁၄ ဂိုး သွင်းယူထားတာပါ။
ဘတ်ပီဟာ ပြီးခဲ့တဲ့ အဇာဘိုင်ဂျန်အသင်းနဲ့ ၂၀၂၆ ကမ္ဘာ့ဖလား ခြေစစ်ပွဲစဉ်မှာ ပြင်သစ်အသင်းအတွက် ပါဝင်ကစားခဲ့ပြီး ဂိုးသွင်းနိုင်ခဲ့ပေမယ့် ခြေကျင်းဝတ်ဒဏ်ရာ ရရှိခဲ့တဲ့အတွက် လူစာရင်းကနေ ထွက်ခွာကာ ရီးရယ်လ်အသင်းထံ ပြန်လာခဲ့ပါတယ်။
လာလီဂါ အမှတ်ပေးဇယား ထိပ်ဆုံးနေရာမှာ ရီးရယ်လ်အသင်းဟာ လာမယ့် လိဂ်ပွဲစဉ်အဖြစ် ဂီတာဖေးအသင်းနဲ့ ယှဉ်ပြိုင်ရမှာဖြစ်ပြီး ဒီပွဲမှာ ဘတ်ပီ ပါဝင်နိုင်မလားဆိုတာ စောင့်ကြည့်ရမှာ ဖြစ်ပါတယ်။
Source: ESPN
