CNI Sport News
၂၀၂၅ ခုနှစ်၊ စက်တင်ဘာ ၂၁
မက္ကဆီကိုကလပ် မွန်တာရေးအသင်းရဲ့ ကစားသမားသစ်အဖြစ် တရားဝင် မိတ်ဆက်ခံခဲ့ရပြီဖြစ်တဲ့ မာရှယ်ရဲ့ ဒီအပြောင်းအရွှေ့ ကိုင်တွယ်ပုံကို နောက်ထပ် မက္ကဆီကိုကလပ် အသင်းဖြစ်တဲ့ ပူးမက်စ်အသင်းက ဝေဖန်ခဲ့ပါ တယ်။
မာရှယ်ကို ခေါ်ယူဖို့ မွန်တာရေးနဲ့ ပူးမက်စ်အသင်းတို့ ကြိုးစားခဲ့ကြပြီး မွန်တာရေးအသင်းက သူ့ကို ခေါ်ယူနိုင်ခဲ့ တာပါ။
ပူးမက်စ်အသင်း တာဝန်ရှိသူတွေက မာရှယ်ရဲ့ အပြောင်းအရွှေ့အတွက် ဂရိကလပ် AEK အေသင်အသင်းနဲ့ သဘောတူညီမှု ရယူနိုင်ခဲ့သလို ကစားသမားနဲ့လည်း သဘောတူညီမှု ရရှိခဲ့ပါတယ်။
အဲဒါကြောင့် မာရှယ်ဟာ ပူးမက်စ်အသင်းထံ သွားရောက်ပြီး အပြောင်းအရွှေ့ အပြီးသတ်နိုင်ဖို့ စီစဉ်ထားခဲ့တာပါ။
ဒါပေမယ့် မာရှယ်နဲ့ သူ့ရဲ့အဖွဲ့ဟာ ပူးမက်စ်အသင်းနဲ့ အဆက်အသွယ် ပြတ်သွားခဲ့တယ်လို့ အသင်းတာဝန် ရှိသူတွေက ပြောခဲ့ပါတယ်။
နောက်ပိုင်းမှာတော့ မာရှယ်ဟာ သူတို့ရဲ့ပြိုင်ဘက် မွန်တာရေးအသင်းထံ ပြောင်းရွှေ့ဖို့ ရွေးချယ်ခဲ့တယ်ဆိုတာ ပူးမက်စ်အသင်းက သိရှိခဲ့တာပါ။
အဲဒါကြောင့် ပူးမက်စ်အသင်းရဲ့ တာဝန်ရှိသူတစ်ဦးဖြစ်တဲ့ ဘာရွန်က မာရှယ်အနေနဲ့ သူတို့ကို တောင်းပန်ဖို့ စဉ်းစားသင့်တယ်လို့ ပြောခဲ့ပါတယ်။
သတင်းတွေမှာတော့ ပူးမက်စ်အသင်းဟာ မာရှယ်ရဲ့ ကြီးမားတဲ့ လုပ်ခလစာ တောင်းဆိုမှုကို ပေးဖို့ ငြင်းဆန်ခဲ့တာ ကြောင့် သဘောတူညီမှု ပျက်ပြယ်ခဲ့တာလို့ ဖော်ပြခဲ့ကြတာပါ။
မာရှယ်ဟာ ယူနိုက်တက်အသင်းနဲ့ စာချုပ်ကုန်ဆုံးခဲ့ပြီးနောက် ၂၀၂၄-၂၅ ရာသီမှာ AEK အေသင်အသင်းထံ ပြောင်းရွှေ့ပြီး ကစားခဲ့တာဖြစ်ပါတယ်။
ပြင်သစ်တိုက်စစ်မှူး မာရှယ်ဟာ AEK အေသင်အသင်းမှာ ပြိုင်ပွဲစုံ ၂၄ ပွဲ ပါဝင်ကစားခဲ့ပြီးနောက် ထွက်ခွာကာ ရီးရယ်လ်အသင်း ဂန္ထဝင် ရာမို့စ်နဲ့အတူ မွန်တာရေးအသင်းမှာ အတူတွဲဖက်ပြီး ကစားရမှာပါ။
မာရှယ်ဟာ မွန်တာရေးအသင်းနဲ့ ၂၀၂၇ ရာသီကုန်အထိ ၂ နှစ် စာချုပ် ချုပ်ဆိုခဲ့ပါတယ်။
မာရှယ်က မွန်တာရေးအသင်းဟာ သူ့အတွက် ကောင်းမွန်တဲ့ ရွေးချယ်မှုဖြစ်ပြီး ရုပ်ပိုင်းဆိုင်ရာလည်း ကောင်းမွန် နေတာကြောင့် အသင်းကို အကူအညီပေးဖို့ အဆင်သင့် ဖြစ်နေပြီလို့ ပြောခဲ့ပါတယ်။
Source: Dailymail
