CNI Sport News
၂၀၂၅ ခုနှစ်၊ မတ်လ ၂၇
အာဆင်နယ်အသင်းဟာ အမျိုးသမီးချန်ပီယံလိဂ် ကွာတားဖိုင်နယ် ဒုတိယအကျော့ပွဲစဉ်မှာ ရီးရယ်လ်အသင်းကို ၃ ဂိုး-ဂိုးမရှိနဲ့ အနိုင်ရပြီး ဆီမီးဖိုင်နယ်ကို တက်နိုင်ခဲ့ပါတယ်။
အာဆင်နယ်အသင်းဟာ ပထမအကျော့ပွဲစဉ်မှာ ရီးရယ်လ်အသင်းကို ၂ ဂိုး-ဂိုးမရှိနဲ့ အရေးနိမ့်ခဲ့ပေမယ့် ဒုတိယ အကျော့ပွဲစဉ်မှာ ၃ ဂိုး-ဂိုးမရှိနဲ့ အနိုင်ရခဲ့တာကြောင့် နှစ်ကျော့ပေါင်း ရလဒ် ၃ ဂိုး-၂ ဂိုးနဲ့ အနိုင်ရပြီး ဆီမီးဖိုင်နယ်ကို တက်နိုင်ခဲ့တာပါ။
အာဆင်နယ်အသင်းဟာ FA ဖလားပြိုင်ပွဲကနေ ထွက်ခွာထားရသလို အမျိုးသမီးစူပါလိဂ် ပြိုင်ပွဲမှာလည်း ထိပ်ဆုံး နေရာက ချယ်လ်ဆီးအသင်းနဲ့ ၈ မှတ် ကွာဟနေပါတယ်။
အဲဒါကြောင့် ချန်ပီယံလိဂ်ဖလားဟာ ဒီရာသီမှာ သူတို့ရယူနိုင်ဖို့ တစ်ခုတည်းသော မျှော်လင့်ချက် ဆုဖလားလည်း ဖြစ်တာပါ။
အာဆင်နယ်အသင်းဟာ ရီးရယ်လ်အသင်းနဲ့ ပွဲစဉ်ရဲ့ ပထမပိုင်းမှာ ဂိုးမသွင်းနိုင်ခဲ့ပေမယ့် ဒုတိယပိုင်းမှာ ၃ ဂိုးစလုံး သွင်းပြီး ဆီမီးဖိုင်နယ်တက်အောင် စွမ်းဆောင်နိုင်ခဲ့တဲ့ ကစားသမားတွေကို အာဆင်နယ်အသင်းနည်းပြ ဆလီဂါ က ချီးကျူးမှုတွေ ပြုလုပ်ခဲ့ပါတယ်။
အာဆင်နယ်နဲ့ရီးရယ်လ်အသင်း ယှဉ်ပြိုင်နေစဉ်
အာဆင်နယ်အသင်းဟာ အမျိုးသမီး ချန်ပီယံလိဂ်ပြိုင်ပွဲ ဆီမီးဖိုင်နယ်မှာ လိုင်ယွန်အသင်းနဲ့ ယှဉ်ပြိုင်ရမှာပါ။
လိုင်ယွန်အသင်းဟာ ချန်ပီယံလိဂ်ပြိုင်ပွဲမှာ ချန်ပီယံဆုကို စံချိန်တင် ၈ ကြိမ်အထိ ရယူထားနိုင်ခဲ့ပါတယ်။
အမျိုးသမီးချန်ပီယံလိဂ်ပြိုင်ပွဲ ဆီမီးဖိုင်နယ် ပထမအကျော့ကို ဧပြီ ၁၉ ရက်နဲ့ ၂၀ ရက်၊ ဒုတိယအကျော့ကို ဧပြီ ၂၆ ရက်နဲ့ ၂၇ ရက်တွေမှာ ကျင်းပသွားမှာ ဖြစ်ပါတယ်။
Source: BBC
