CNI Sport News
၂၀၂၅ ခုနှစ်၊ ဖေဖော်ဝါရီ ၂၁
ကွင်းလယ်လူ ဒီဂျောင်ရဲ့ အေးဂျင့်နဲ့ ဘာစီလိုနာအသင်း အကြီးအကဲတို့ တွေ့ဆုံဆွေးနွေးမှု မအောင်မြင်ခဲ့ ပြီးနောက် စာချုပ်နဲ့ပတ်သက်တဲ့ ဆွေးနွေးမှုတွေကို ဆိုင်းငံ့ထားပါတယ်။
စပိန်သတင်းစာ မာကာက ဘာစီလိုနာအသင်းနဲ့ ဒီဂျောင်တို့ရဲ့ စာချုပ်ဆွေးနွေးမှုဟာ ဒီရာသီ ပြီးဆုံးပြီးမှသာ ပြန်လည်စတင်မယ်လို့ ဖော်ပြထားတာပါ။
ဒီဂျောင်နဲ့ ဘာစီလိုနာအသင်းတို့ ချုပ်ဆိုထားတဲ့ စာချုပ်ဟာ ၂၀၂၆ ခုနှစ်၊ ဇွန်လအထိ သက်တမ်းရှိနေပေမယ့် ကစားသမားဟာ သူ့ရဲ့အနာဂတ်နဲ့ပတ်သက်တဲ့ နောက်ဆုံး ဆုံးဖြတ်ချက်ကို နွေရာသီမှာ ချမှတ်သွားဖို့ ရှိနေပါ တယ်။
အခုလ အစောပိုင်းက ဒီဂျောင်ရဲ့အေးဂျင့် အလီဒါဆန်နဲ့ ဘာစီလိုနာအသင်း အားကစားဒါရိုက်တာ ဒေကိုတို့ ဒီဂျောင်ရဲ့အနာဂတ်အတွက် ဆွေးနွေးခဲ့ပေမယ့် တိုးတက်မှုမရှိခဲ့ပါဘူး။
နှစ်ဖက်စလုံးဟာ ဆွေးနွေးညှိနှိုင်းမှုကို ရာသီအကုန်ထိ ရွှေ့ဆိုင်း ဒါမှမဟုတ် ကလပ်ရဲ့ အားကစားအခြေအနေ ပိုပြီးရှင်းလင်းတဲ့အချိန်မှာ ပြုလုပ်ဖို့ သဘောတူညီမှု ရရှိခဲ့ကြပါတယ်။
ဒီဂျောင်ဟာ ဘာစီလိုနာအသင်းမှာ ဆက်နေဖို့ လမ်းဖွင့်ထားပေမယ့် ပရိသတ်တွေရဲ့ ဝေဖန်မှုတွေနဲ့ ရောင်းချဖို့ ကြိုးစားခဲ့မှုတွေကြောင့် အရင်က စိတ်ပျက်ခဲ့တဲ့ အရာတွေကို သတိထားပြီးနေခဲ့တာပါ။
ဒီဂျောင်ကို တွေ့ရစဉ်
ဘာစီလိုနာအသင်း နည်းပြ ဟန်ဆီဖလစ်က ဒီဂျောင်ရဲ့ ကောင်းမွန်တဲ့ စွမ်းဆောင်ရည်တွေကြောင့် သူ့ကို အသင်းမှာ ဆက်ပြီးထိန်းထားဖို့ ဆန္ဒရှိနေပါတယ်။
ဒီဂျောင်ကတော့ နောက်ဆုံး ဆုံးဖြတ်ချက်မချခင် ဘာစီလိုနာအသင်းမှာ သူ့ရဲ့အခန်းကဏ္ဍကို အကဲဖြတ်သွားဖို့ ရှိနေတာပါ။
ဘာစီလိုနာအသင်းဟာ ဒီဂျောင်ကို အလွတ်နဲ့ မဆုံးရှုံးချင်တာကြောင့် သူ့ရဲ့အခြေအနေကို အမြန်ဆုံး ဖြေရှင်းချင်နေတာ ဖြစ်ပါတယ်။
စပိန်ကလပ်ဟာ စာချုပ်သစ်အတွက် သဘောတူညီမှုမရရင် ဒီဂျောင်ကို နွေရာသီမှာ ရောင်းချပြီး ပြောင်းရွှေ့ကြေး ရယူနိုင်ဖို့ မျှော်လင့်နေတာပါ။
El Nacional က လီဗာပူးလ်အသင်းဟာ ဒီဂျောင်ကို ခေါ်ယူဖို့ စိတ်ဝင်စားနေတဲ့ ပရီးမီးယားလိဂ် အသင်းတွေထဲက တစ်သင်းဖြစ်တယ်လို့ ဖော်ပြထားပါတယ်။
ပြီးခဲ့တဲ့နှစ်တွေအတွင်း ဒဏ်ရာတွေနဲ့ ရုန်းကန်ခဲ့ရတဲ့ ဒီဂျောင်ဟာ ဒီရာသီမှာ ဘာစီလိုနာအသင်းအတွက် ၂၄ ပွဲ ပါဝင်ကစားထားပြီး ၂ ဂိုးသွင်း ယူထားတာဖြစ်ပါတယ်။
Source: Goal
