CNI Sport News
၂၀၂၄ ခုနှစ်၊ ဒီဇင်ဘာ ၂၇
ပဲလေ့စ်အသင်း ကြယ်ပွင့်ဟောင်း ဇာဟာဟာ လာမယ့်အပြောင်းအရွှေ့မှာ မေဂျာလိဂ်ထံ ပြောင်းရွှေ့ဖို့ ချိတ်ဆက်မှုတွေ ခံနေရတယ်လို့ ဒေးလီးမေးလ်က ဖော်ပြထားပါတယ်။
၂၀၂၃ ခုနှစ်နွေရာသီက ပဲလေ့စ်အသင်းကနေ ထွက်ခွာပြီး ဂါလာတာစာရေးအသင်းထံ ပြောင်းရွှေ့ခဲ့တဲ့ ဇာဟာဟာ တူရကီကလပ်မှာ အဆင်မပြေတာကြောင့် ပြီးခဲ့တဲ့နွေရာသီက လိုင်ယွန်အသင်းထံ အငှားနဲ့ ပြောင်းရွှေ့လာခဲ့ တာပါ။
ဒါပေမယ့် ဇာဟာဟာ လိုင်ယွန်အသင်းမှာ ပွဲကစားခွင့်ရဖို့ ရုန်းကန်နေရတဲ့အတွက် အငှားစာချုပ်ကို ဖျက်ပြီး ဂါလာတာစာရေးအသင်းထံ ပြန်ပို့ခံရနိုင်တာ ဖြစ်ပါတယ်။
ပဲလေ့စ်အသင်းကလည်း ဇာဟာကို ဆောင်းရာသီ အပြောင်းအရွှေ့မှာ အငှားနဲ့ ခေါ်ယူဖို့ စိတ်ဝင်စားနေတာပါ။
ဒါပေမယ့် ကစားသမားတစ်ဦးဟာ ရာသီတစ်ခုတည်းမှာ ကလပ်အသင်း ၃ သင်းအတွက် တရားဝင်ပွဲတွေ ကစားခွင့်မပြုတဲ့ ဖီဖာရဲ့ စည်းမျဉ်းတွေကြောင့် ဒီအပြောင်းအရွှေ့က ဖြစ်နိုင်ဖို့ မရှိပါဘူး။
ဒေးလီးမေးလ်ကတော့ ဇာဟာဟာ ဖေဖော်ဝါရီကနေ နိုဝင်ဘာအထိ ပွဲတွေကစားနေရတဲ့ မေဂျာလိဂ်ကလပ် အများအပြားရဲ့ အာရုံစိုက်မှုကို ရရှိထားတယ်လို့ ဖော်ပြထားတာပါ။
ဇာဟာကိုတွေ့ရစဉ်
မေဂျာလိဂ်ကလပ် အသင်းတွေဟာ ဇာဟာရဲ့ ကြီးမားတဲ့ လုပ်ခလစာကို ပေးချေနိုင်တာကြောင့် ဒီအပြောင်းအရွှေ့ ဟာ ဖြစ်မြောက်ဖို့ ကြီးမားတဲ့ အလားအလာရှိနေတာ ဖြစ်ပါတယ်။
ဇာဟာအနေနဲ့ လိုင်ယွန်အသင်းကသာ သူ့ကို အငှားစာချုပ် ဖျက်သိမ်းခဲ့ရင် ဥရောပဘောလုံးရဲ့ မှတ်ပုံတင်ခြင်း ဆိုင်ရာ အခြေအနေတွေကြောင့် မက်ဆီ၊ ဆွာရက်ဇ်၊ မာကိုရူးစ်တို့ရှိတဲ့ မေဂျာလိဂ်ထံ ပြောင်းရွှေ့ဖို့ တွန်းအားပေး ခြင်း ခံရနိုင်တာပါ။
ဇာဟာဟာ ဒီရာသီမှာ လိုင်ယွန်အသင်းအတွက် ၆ ပွဲသာ ပါဝင်ကစားခွင့် ရရှိထားပြီး ဂိုးဖန်တီးမှု ၁ ကြိမ် ပြုလုပ်ထားပါတယ်။
၂၀၂၅ ခုနှစ် မေဂျာလိဂ်ပြိုင်ပွဲကို ဖေဖော်ဝါရီ ၂၂ ရက် ကျရင် စတင်တော့မှာဖြစ်တဲ့အတွက် ကလပ်အသင်းတွေဟာ ကစားသမားသစ်တွေ အားဖြည့်မှု လုပ်ဆောင်နေတာ ဖြစ်ပါတယ်။
Source: Goal
