CNI Sport News
၂၀၂၅ ခုနှစ်၊ ဖေဖော်ဝါရီ ၁
နယူးကာဆယ်အသင်း တောင်ပံကစားသမား အယ်လ်မီရွန်ဟာ အသင်းဟောင်း မေဂျာလိဂ်ကလပ် အက်လန်တာ ယူနိုက်တက်အသင်းထံ ပေါင် ၈ သန်းနဲ့ အပြီးသတ် ပြောင်းရွှေ့ခဲ့ပါတယ်။
နယူးကာဆယ်အသင်းဟာ ၂၀၁၉ ခုနှစ်က အယ်လ်မီရွန်ကို ကလပ်စံချိန်တင် ပြောင်းရွှေ့ကြေး ပေါင်သန်း ၂၀ နဲ့ အက်လန်တာယူနိုက်တက် အသင်းကနေ ခေါ်ယူခဲ့တာပါ။
အသက် ၃၀ နှစ်အရွယ်ရှိ အယ်လ်မီရွန်ဟာ နယူးကာဆယ်အသင်းမှာ ရှိခဲ့တဲ့အချိန်အတွင်း ပွဲပေါင်း ၂၂၃ ပွဲ ပါဝင်ကစားခဲ့ပြီး သွင်းဂိုး ၃၀ သွင်းယူခဲ့ပါတယ်။
အယ်လ်မီရွန်ဟာ ပြီးခဲ့တဲ့ ဆောက်သမ်တန်အသင်းနဲ့ ပရီးမီးယားလိဂ်ပွဲစဉ်မှာ နယူးကာဆယ်အသင်းအတွက် လူစားလဲ ဝင်ရောက်ကစားခဲ့ပြီး ပွဲအပြီးမှာ အသင်းပရိသတ်တွေကို နှုတ်ဆက်မှုပြုလုပ်ခဲ့တာပါ။
အယ်လ်မီရွန်ဟာ ၂၀၂၂-၂၃ ရာသီက နယူးကာဆယ်အသင်း ကာရာဘောင်းဖလား ဗိုလ်လုပွဲ ရောက်ရှိတာနဲ့ ပရီးမီးယားလိဂ်ပြိုင်ပွဲမှာ အဆင့် ၄ နေရာနဲ့ ရာသီအဆုံးသတ်ခဲ့တာမှာ အဓိကအခန်းကဏ္ဍကနေ ပါဝင်ခဲ့ပါတယ်။
အယ်လ်မီရွန်ကို တွေ့ရစဉ်
နယူးကာဆယ်အသင်းနည်းပြ အက်ဒီဟိုဝီက သူတို့ အတူတူရှိခဲ့တဲ့ အချိန်အတွင်းမှာ အသင်းအတွက် အယ်လ်မီရွန် ပေးခဲ့တဲ့ အရာအားလုံးအတွက် အသင်းကိုယ်စား ကျေးဇူးတင်တယ်လို့ ပြောခဲ့ပါတယ်။
အယ်လ်မီရွန်ကတော့ သူ့ရဲ့နှလုံးသားထဲမှာ အထူးနေရာ တစ်ခုအဖြစ် အမြဲတမ်းရှိနေတဲ့ အက်လန်တာ ယူနိုက်တက်အသင်းထံ ပြန်လာရလို့ ပျော်ရွှင်ပြီး ပျော်ရွှင်စရာ အခိုက်အတန့်တွေကို ထပ်ဖန်တီးပေးနိုင်ဖို့ မျှော်လင့်တယ်လို့ ပြောခဲ့တာပါ။
အယ်လ်မီရွန်ဟာ အက်လန်တာယူနိုက်တက်အသင်းမှာ ပထမဆုံးအကြိမ် ကစားခဲ့တုန်းက ပြိုင်ပွဲစုံပွဲပေါင်း ၇၀ ပါဝင်ကာ သွင်းဂိုး ၂၂ ဂိုးသွင်းပြီး ၂၀၁၈ ခုနှစ်က မေဂျာလိဂ်ဖလားကို ရယူနိုင်ခဲ့ပါတယ်။
၂၀၂၅ ခုနှစ် မေဂျာလိဂ် ရာသီသစ်အတွက် ပြင်ဆင်မှုတွေ ပြုလုပ်နေတဲ့ အက်လန်တာယူနိုက်တက်အသင်းဟာ ဖေဖော်ဝါရီ ၂၂ ရက်မှာ မေဂျာလိဂ်အဖွင့်ပွဲစဉ်အဖြစ် မွန်ထရီရယ်လ်အသင်းနဲ့ ယှဉ်ပြိုင်ရမှာဖြစ်ပါတယ်။
Source: ESPN
