CNI Sport News
၂၀၂၄ ခုနှစ်၊ စက်တင်ဘာ ၂၆
ဘာစီလိုနာအသင်းဟာ ဂီတာဖေးအသင်းနဲ့ ကစားခဲ့တဲ့ လာလီဂါပွဲစဉ်မှာ ၁ ဂိုး-ဂိုးမရှိနဲ့ အနိုင်ရပြီးနောက် ဒီရာသီ လာလီဂါပြိုင်ပွဲမှာ ရာနှုန်းပြည့်နိုင်ပွဲရတဲ့ စံချိန်မှတ်တမ်းကို ဆက်ထိန်းသိမ်းနိုင်ခဲ့ပါတယ်။
ဘာစီလိုနာအသင်းဟာ ဂီတာဖေးအသင်းကို အနိုင်ရခဲ့တာကြောင့် ဒီရာသီ လာလီဂါပွဲစဉ် ၇ ပွဲ ကစားအပြီးမှာ ၇ ပွဲ စလုံး နိုင်ပွဲရယူနိုင်ခဲ့တာပါ။
ဒီပွဲမှာ ဘာစီလိုနာအသင်းအတွက် အနိုင်ဂိုးကို တိုက်စစ်မှူး လီဝန်ဒေါစကီးက သွင်းယူခဲ့တာ ဖြစ်ပါတယ်။
အသက် ၃၆ နှစ်အရွယ်ရှိ လီဝန်ဒေါစကီးဟာ ဒီပွဲမှာသွင်းယူခဲ့တဲ့ သွင်းဂိုးကြောင့် ဒီရာသီ လာလီဂါပြိုင်ပွဲမှာ သွင်းဂိုး ၇ ဂိုးအထိ သွင်းယူထားပြီး ဂိုးသွင်း အများဆုံးကစားသမားအဖြစ် ထိပ်ဆုံးနေရာမှာ ရပ်တည်နေတာပါ။
ဘာစီလိုနာအသင်းနည်းပြ ဟန်ဆီဖလစ်က “ကျနော့်အတွက်တော့ လီဝန်ဒေါစကီးဟာ ပြီးခဲ့တဲ့ ၁၀ နှစ်အတွင်းမှာ အကောင်းဆုံးနံပတ် ၉ ပါ။ သူဟာ ဂိုးအရှေ့မှာရော၊ ဧရိယာထဲမှာပါ ကောင်းမွန်စွာ အလုပ်လုပ်နေပါတယ်။ ဒီပွဲမှာ သူသွင်းယူခဲ့တဲ့ဂိုးက အလွန်ကောင်းမွန်ပါတယ်”လို့ ပြောခဲ့ပါတယ်။
ဘာစီလိုနာအသင်းကို တွေ့ရစဉ်
ဘာစီလိုနာအသင်း ကစားသမားတွေဟာ ဒီပွဲကစားဖို့ ကွင်းထဲကို ဝင်ရောက်လာချိန်မှာ ဒဏ်ရာကြောင့် ကာလ ရှည်ကြာ အနားယူရမယ့် ဂိုးသမား တာစတီဂျန်ကို အားပေးတဲ့စာသားပါ တီရှပ်တွေ ဝတ်ဆင်ခဲ့ကြတာပါ။
စပိန်ကလပ်ဟာ ဒီပွဲမှာ ပီနာကို ပွဲထွက် ဂိုးသမားအဖြစ် အသုံးပြုခဲ့ပြီး တာစတီဂျန်ရဲ့ နေရာကို အစားထိုးဖို့ အတွက် ဂျူဗင်တပ်စ်အသင်း ဂိုးသမားဟောင်း ဆက်ဇနီကို တစ်ရာသီ စာချုပ်ချုပ်ဆိုဖို့ သဘောတူညီမှု ရရှိ ထားပါတယ်။
ဆက်ဇနီဟာ ဂျူဗင်တပ်စ်အသင်းကနေ ထွက်ခွာအပြီးမှာ ကစားသမားဘဝကနေ အနားယူခဲ့ပေမယ့် ဘာစီလိုနာ အသင်းရဲ့ကမ်းလှမ်းမှုကို လက်ခံခဲ့တာပါ။
ဘာစီလိုနာအသင်းဟာ ဒီတစ်ပတ် လာလီဂါပွဲစဉ်အဖြစ် အိုဆာဆူနာအသင်းအိမ်ကွင်း သွားရောက်ယှဉ်ပြိုင်ရမှာ ဖြစ်ပါတယ်။
Source: ESPN
