CNI Sport News
၂၀၂၄ ခုနှစ်၊ ဩဂုတ် ၃
စပိန်တင်းနစ်ကြယ်ပွင့် အယ်လ်ကာရက်ဇ်က ကျင်းပနေတဲ့ အိုလံပစ်ပြိုင်ပွဲမှာ ရွှေတံဆိပ်ဆုကို ရယူနိုင်ခဲ့ရင် အိုလံပစ်တက်တူးထိုးဖို့ စိတ်ကူးရှိတယ်လို့ ပြောခဲ့ပါတယ်။
အယ်လ်ကာရက်ဇ်က “တနင်္ဂနွေနေ့ပွဲမှာ ကျနော် အနိုင်ရခဲ့ရင် ခင်ဗျားတို့ မြင်တွေ့ပါလိမ့်မယ်။ ဒါက ဖြစ်နိုင်ဖွယ်ရှိပါတယ်။ ဒါပေမယ့် ခြေတစ်လှမ်းလှမ်းဖို့ ကျန်ရှိနေပါသေးတယ်။ ကြီးကျယ်ခမ်းနားတဲ့ ပွဲကြီးတစ်ပွဲရှိပါတယ်”လို့ ဆီမီးဖိုင်နယ်ပွဲစဉ်အပြီးမှာ ပြောခဲ့တာပါ။
အသက် ၂၁ နှစ်အရွယ်ရှိ အယ်လ်ကာရက်ဇ်ဟာ အိုလံပစ်အမျိုးသားတစ်ဦးချင်း ဆီမီးဖိုင်နယ်ပွဲစဉ်မှာ ကနေဒါတင်းနစ်သမား ဖီးလစ်အူဂါကို ၆-၁၊၆-၁ နဲ့ အနိုင်ရပြီး ဗိုလ်လုပွဲကို တက်နိုင်ခဲ့တာဖြစ်ပါတယ်။
ကမ္ဘာ့အဆင့် ၃ အယ်လ်ကာရက်ဇ်ဟာ သူ့ရဲ့ဘယ်ဘက်ခြေချင်းဝတ်မှာ ကြီးမားတဲ့ အီဖယ်လ်မျှော်စင်ကြီးကို တက်တူးထိုးခဲ့ပြီးနောက် ပထမဆုံး ရယူနိုင်ခဲ့တဲ့ ဂရမ်းဆလမ်း ၃ ခုကို အမှတ်တရအနေနဲ့ တက်တူးထိုးထားခဲ့တာပါ။
အယ်လ်ကာရက်ဇ်ကို တွေ့ရစဉ်
အခုအချိန်မှာလည်း အယ်လ်ကာရက်ဇ်ဟာ အိုလံပစ်ပြိုင်ပွဲမှာ ရွှေတံဆိပ်ရရင် အိုလံပစ်တက်တူးထိုးဖို့ စိတ်ကူးရှိနေတာဖြစ်ပါတယ်။
အယ်လ်ကာရက်ဇ်ဟာ ဗိုလ်လုပွဲမှာ ဆားဘီးယားနာမည်ကြီးတင်းနစ်သမား ဂျိုကိုဗစ်နဲ့ ယှဉ်ပြိုင်ရမှာပါ။
ဂျိုကိုဗစ်ဟာ ဆီမီးဖိုင်နယ်ပွဲစဉ်မှာ အီတလီနိုင်ငံသားတင်းနစ်သမား လိုရန်ဇိုကို ၆-၄၊၆-၂ နဲ့ အနိုင်ရခဲ့တာဖြစ်ပါတယ်။
အယ်လ်ကာရက်ဇ်နဲ့ ဂျိုကိုဗစ်တို့ဟာ နောက်ဆုံး ၆ ကြိမ်တွေ့ဆုံခဲ့တာမှာ ၃ ကြိမ်စီအနိုင်ရရှိထားတာပါ။
ပြီးခဲ့တဲ့ ဝင်ဘယ်လ်ဒန်အိုးပန်းဗိုလ်လုပွဲမှာ နောက်ဆုံးအကြိမ် တွေ့ဆုံခဲ့တုန်းက အယ်လ်ကာရက်ဇ်က ဂျိုကိုဗစ်ကို အနိုင်ရရှိခဲ့တာဖြစ်ပါတယ်။
Source:CNA
